اللادا الروسى والمصرى - استهلاك البنزين

**nour_2001** · 31-08-2010 02:57 PM

كنت محتاج أعرف أيهما أفضل وبصراحة وعن تجربة
اللادا الروسى وألا المصرى من حيث إستهلاك البنزين والجودة لإنى بدور على عربية إقتصادية وفى نفس الوقت قوية .

1-أنا أعرف إن اللادا الروسى رشاشات فكده حتوفر فى إستهلاك البنزين ولكن يا ترى هل ينفع معاها البنزين 80 والا تعمل مشاكل
2- أم اللادا المصرى كاربرتير اللى بتشتغل يينزين 80 ولكن لا أعرف هل معدل إستهلاكها جيد أم لا
ولكن سمعت إن الروسى أفضل بكثير جدا من حيث التقفيل والمتانة
مش عارف أيهم أفضل أرجو منكم أن تفيدونى

**mohamed2002** · 31-08-2010 08:33 PM

خليك في الروسي وبشوف ناس بتحط 80 عادي

**a7madramadan** · 13-09-2010 06:27 AM

لأ ماينفعش ال80 مع الروسي نهائيا ده كلام خبراء كتييييييير و ممكن تشتري روسي و تعدل تخليها كاربيراتير الموضوع تقريبا بيكلف 1000 جنيه والله أعلم... بس الاينجيكشن افضل و في ناس كتيييييير بتكرم عربياتها وتحط 92 لإن الموصى بنزين 95 ..... وانا واحد منهم لان الفرق بين 92-90 بريزة لللتر

**mohamed2002** · 13-09-2010 04:14 PM

والله انا سئلت كذا سائق تاكسي ر وسي انجيكشن وقالو لي بيحطو 80

**essso** · 14-09-2010 04:47 PM

هو سعر الادا 2110 الروسي كام ؟

**mohamed2002** · 14-09-2010 06:32 PM

المشاركة الأصلية كتبت بواسطة essso

هو سعر الادا 2110 الروسي كام ؟

الشركة دلوقت عندها ال2107 والنيفا والسمارا

**a7madramadan** · 19-09-2010 05:34 PM

بتوع التاكسي الي بيحطوا 80 يعملوا الي هم عاوزينه أنا باتكلم عن واحد عاوز يحافظ على عربيته وموش ناوي يقضيها صرف على قطع غيار و صيانه ...... ده رأيي الشخصي وانا باحط بنزين 92 ولو غلى هانزل لـــ 90 ده للأمانه بس عمري ما هاحط 80 اسأل في التوكيل هيقولولك نفس الكلام غير ان 80 كله شوائب و بيقولوا بيبوظ الاينجيكشن في التوكيل

**Mustafino** · 19-09-2010 11:25 PM

فعلأً التوكيل بيشددوا على موضوع 95 للأنجكشين.... لكن الحقيقة أنا بحط 92 بسبب أن سعر ال 95 أعلى بفرق مش قليل... لكن بالنسبة لموضوع ال 80 لا انصح بة على الأطلاق.

سعر الادا الروسى الأن عند شركة الأمل "فاضية" فى حدود ال 52 ألف... بس خليكى بالك ممكن يقولك الأستلام بعد فترة من الحجز عشان عليها سحب أو لعدم وصول شحنات جديدة.. الخ..... و مبروك مقدماً.

د. مصطفى

**blazer** · 20-09-2010 01:51 PM

المشاركة الأصلية كتبت بواسطة mustafino

فعلأً التوكيل بيشددوا على موضوع 95 للأنجكشين.... لكن الحقيقة أنا بحط 92 بسبب أن سعر ال 95 أعلى بفرق مش قليل... لكن بالنسبة لموضوع ال 80 لا انصح بة على الأطلاق.

سعر الادا الروسى الأن عند شركة الأمل "فاضية" فى حدود ال 52 ألف... بس خليكى بالك ممكن يقولك الأستلام بعد فترة من الحجز عشان عليها سحب أو لعدم وصول شحنات جديدة.. الخ..... و مبروك مقدماً.

د. مصطفى

ياباشا التوكيل يقول اللى هو عاوزه
95 ايه اللى نحطوا للادا
هو الناس شاريها عشان يصرفوا الفرق بينها وبين العربيات اللى اغلى منها على ال 95
عادى يتحط 80
لانه نفس الماتور

**nour_2001** · 28-09-2010 02:52 PM

ياريت لو حد بقاله فترة طويله بيستخدم بنزين 80 يتفضل يقول العربيه معاه عامله إيه

فى حاجه كمان أفهمها هو المفروض الإنجيكشن أوفر من الكاربرتير !
طيب إزاى إذا كانت العربية الإنجيكشن مينفعش معاها البنزين ال80
إزاى بتوفر كده