حرقان فى اعلى الركبه الشمال

**mahdyez** · 31-08-2010 08:47 PM

ساعات بحس بحرقان او نار فى فخده رجلى الشمال
لما اقف وامشى لفترة مستمره الموضوع ده حصلى اكثر من مره

**Specialist** · 02-09-2010 10:51 AM

حضرتك بتحسه أعلي الفخذ ؟ ولا من خلف الفخذ ؟

و هل أشتكيت مؤخرا من ألم في منطقة الظهر السفلية يا أفندم ؟

**mahdyez** · 02-09-2010 04:41 PM

من جنب اعلى الركبه بقليل ناحيه بطن ايدى الشمال وليس هناك مشاكل او الم فى منطقه الظهر السفليه

**Specialist** · 02-09-2010 05:17 PM

ده غالبا نتيجة مجهود مستمر و غير عادي علي الفخذ , و أيضا غياب التمارين اليومية ..

يندرج تحت أنواع الأجهاد العضلي ..

ممكن حضرتك تعالجه و مستقبلآ تخفيه تماما بالأتي :-
1- راحة بسيطة و دش دافئ..
2- ممارسة المشي يوميا لمدة نصف ساعة..
3- لو حاسس بألم غير مريح ,, اي مسكن بسيط هيقضي عليه ( بروفين 400 او كيتوفان 100 مثلآ )
4- دهان المنطقة اللي فيها الألم بمرهم Fustum بعد اي مجهود كبيــر علي الفخد ..

و إن شاءالله ربنا يكتب لك الشفاء ..

**mahdyez** · 02-09-2010 05:31 PM

المشاركة الأصلية كتبت بواسطة Specialist

ده غالبا نتيجة مجهود مستمر و غير عادي علي الفخذ , و أيضا غياب التمارين اليومية ..

يندرج تحت أنواع الأجهاد العضلي ..

ممكن حضرتك تعالجه و مستقبلآ تخفيه تماما بالأتي :-
1- راحة بسيطة و دش دافئ..
2- ممارسة المشي يوميا لمدة نصف ساعة..
3- لو حاسس بألم غير مريح ,, اي مسكن بسيط هيقضي عليه ( بروفين 400 او كيتوفان 100 مثلآ )
4- دهان المنطقة اللي فيها الألم بمرهم Fustum بعد اي مجهود كبيــر علي الفخد ..

و إن شاءالله ربنا يكتب لك الشفاء ..

طيب ليه الحرقان مش موجود فى الفخده اليمين
انا بشتغل مدرس math هل الوقوف يكون ليه عامل مع علم اننا فى اجازة الان
الحرقان حسيت بيه بعد صلاه التراويح والمشى فى وسط البلد بعد الصلاه
وماهى التمارين اليوميه غير المشى علشان انا جسمى متوسط يعنى ممكن تقول خاسس

**dr.hazem** · 02-09-2010 05:54 PM

بالاضافه الى اللي اخونا قاله ممكن حضرتك تاخد نيوروبيون وهوا عباره عن مجموعه من فيتامين بي تساعد على تنشيط الاعصاب...

ساعات بيحصل ان رجل تتعب اكتر من التانيه لكونك بتحمل عليها من غير ماتاخد بالك اكتر من التانيه
مثال
الرجل الشمال للي بيسوقوا مانيوال بتعبهم اكتر لان الدبرياج عالشمال.... وهكذا

وسلامتك الف سلامه

تحياتي

**mahdyez** · 04-09-2010 05:56 PM

شكرا لردودكم

**mahdyez** · 07-09-2010 06:00 PM

المشاركة الأصلية كتبت بواسطة specialist

حضرتك بتحسه أعلي الفخذ ؟ ولا من خلف الفخذ ؟

و هل أشتكيت مؤخرا من ألم في منطقة الظهر السفلية يا أفندم ؟

اليوم شعرت بالم اسفل الفقرات هل ده علاقه بحرقان فى الفخده

**amrelsaqqa** · 07-09-2010 06:32 PM

خلى بالك اوى اوى وما تقعدش كتير لأن اسفل الظهر ده بيتعب من القعدة جامد
لأن لو المشكلة في ظهرك ممكن تتطور وتعمل ضغط على العصب و تخش في متاهات مع الدكاترة مالهاش اول من اخر

الوقاية خير من العلاج
خد فيتامين بي زي ما الاخوة قالوا
وكدة احتمال يكون عندك ضعف في الغضاريف بين الفقرات 4 و 5 او 5 مع العجزية الاولى وده احتمال هو الى يكون عامللك حرقان وضغط على العصب

في دواء حلو اوى هو مش معمول اساسا للظهر وماحدش بيكتبه هنا في مصر الا للركبة والمفاصل ، بس في ابحاث اجنبية عنه انه بيعالج غضاريف الضهر ( الدسك ) لأن زيها زي بقية غضاريف ومفاصل الجسم وبيقويها وبيقيها من الضعف و بالتالى الحماية من الانزلاق الغضروفي لاقدر الله والضغط على العصب والدوامة اللى ما يعلم بيها الا ربنا دى

الدوا اسمه علميا
جلوكوزامين glucosamine
وموجود في السوق باسم جلولوكوز امين كومباوند

وما تقلقش منه لأنه امن تماما والمادة اللى فيه طبيعية وهى مادة اصلا بينتجها الجسم
وهو بيقوى المفاصل والغضاريف وممكن يستعمل كوقاية للناس اللى بيحملوا على مفاصلهم وضهرهم جامد

الموضوع: حرقان فى اعلى الركبه الشمال

LinkBack

أدوات الموضوع

عرض

حرقان فى اعلى الركبه الشمال - انشر الموضوع فى :

-

-

-

-

-

المواضيع المتشابهه

المساعد الشمال اعلى من المساعد اليمين فى خطر او مشكله

ما هى فائده الركبه ال فى ىالصيدليه وهل هى علاج لخشونه الركبه

مشكله فى الركبه

خشونه في الركبه

النور الواطى الشمال والفوج الشمال فصلوا

الكلمات الدلالية لهذا الموضوع

المفضلات

المفضلات

ضوابط المشاركة