الموضوع: سؤال فى صلاة التراويح

انا عندى سؤال بسيط جدا

يا ترى الناس الى بتصلى التراويح فى المسجد دى بتصلى الفروض فى المسجد ؟؟؟
يا جماعة فى عهد أبو بكر الصديق ( رضى الله عنه ) كان بيمشى الناس من المساجد فى صلاة التروايح عشان ميحصلش زى اللى بيحصل الايام دى
الرسول ( صلى الله وعليه وسلم ) صلى التراويح مرة وحيدة فى المسجد ومش صليت تانى عشان ميحصلش اللى بيحصل الايام دى

للاسف الناس بقت بتصلى من باب التقليد او تقضية الوقت

وبالنسبة للنساء
ازاى تبقى واحدة عندها اطفال رضع وتنزل تصلى فى المسجد ؟؟؟؟؟ والاطفال يفضلوا يصرخوا ويخرجوا الناس من تركيزهم ومحدش يعرف يخشع فى الصلاة
والبنات اللى بتنزل تصلى بالعباية واول ما تخرج من الصلاة تقلع العباية وهى لسه فى الشارع عشان تعرف تتمشى
ده طبعا غير البيرفيوم والميكب واللبس تحت العباية عامل ازاى ؟؟

والعن حاجة ان المساجد الى مفهاش مصلى للنساء النساء بيصلوا فى الشارع

بالذمة يا جماعة فى دين فى كده ؟؟؟؟

الموضوع ده كان رد فى مشاركة بس حسيت انى لازم اعمله فى موضوع عشان الناس تشوفه

طيب انت بتتكلمعلى دول مبتشوفش بقى الستات فى المساجد بتعمل ايه
والمشكلة ان اللى بيعملوالمشاكل دى واخدين شهادات ازهريةوكدة واتفرج عالمهازل و المسخرة بجد بقت حاجةتقرف ولا بقى العيال الصغيرة والعياط و الزن والامهات اللى بتتخانق مع بعضها

وكل واحدةتفتيلك فتوى وتصر عليها ولازم تنفزها كدة غصب واقتدار