سحب العربيه قليل مش بتعدى ال80 على الرابع

السلام عليكم ورحمة الله وبركاته
انا عربيتى بولونيز وكانت بتعدى 120 كيلو وعملت عمره غيرت عامود كرنك وبعدها كنت فى التليين ومخلص فترة التليين قريب دلوقتى العربيه ما بتجيبش اكتر من 80 وممكن 85 لما اجيب دواسة البنزين على اخرها مش عارف ده ممكن يكون من ايه بس فى الغيارات الاول والتانى والتالت معدلهم كويس والسحب حلو وكمان بتسحب بنزين جامد جدا يعنى ممكن الصفيحة تعمل حوالى 90 كيلو داخلى مع العلم انى فى مدينة مليانه مطبات هل ممكن يكون ده سبب وانا لسه عامل صيانة للكاربيراتير مع العمرة وظابط زوايا والهوا بتاع الكاوتش وكل حاجه

بتاخد وقت عشان الكرنك لسه جديد ز نظف الكربراتير و غير الفلاتر بس السرعة القليلة سببها الكرنك كانت ال 27 بتجيب 150 لما عملتلها الكرنك لو وقفت على الدواسة اخرها 120

اكشف كده على ماستر الفرامل ممكن يكون واحد فيهم قافش ممكن تجرب كده تمور العربيه و تنزل الهاند و تزقها لو اتزقت عادي يبقى الماستر كويس

متأكد من الراجل اللي ركبلك عمود الكرنك ؟!!

غالباً العيب منه !!

ازاى العيب من الكرنك هو الكرنك استاندرد والراجل قاللى انه حكم الكرنك فى الرباط علشان كده قاللى هياخد وقت شوية فى التليين ممكن يكون ده سبب؟؟؟؟؟

ممكن .... على العموم أصبر شوية و حاول و انت ماشي كده لو عديت عليه ،، قله ،، يمكن هو عمل حاجة ، و عارف اللي عمله و يقدر يصلحه ..

هو الراجل قال انه حاكم رباط العامود جامد وقال انه هياخد وقت شويه فى التليين هل ده ممكن يكون سبب ويروح مع الوقت ولا ممكن تكون الكهربا مش مظبوطه من الاسبراتير وخصوصا انه فيه تهريب بسيط من سلك البوجيهات

لو الكهربا ،، حتلاقي ضعف في أداء العربية سواء على التاني أو الأول أو أي جير ،، لكن حضرتك بتقول أن ده في الرابع بس ،، يبقى أصبر شوية على التليين ،، غالباً هو ده العيب ،، أخبارك في الزيت ، و تنظيف الردياتير ايه ، على فكرة عليهم عامل مهم في سحب العربية على السرعات العالية زي من 80 و طالع

اولا اشكرك على اهتمامك
بالنسبه للتليين انا المفروض انى كده مشيت اكتر من 1500 كيلو تقريبا وبالنسبه للزيت غيرته 3 مرات من بعد العمرة واخرهم بقاله 100 كيلو وبحط موبيل وبالنسبه للكربراتير فالمفروض انه متنظف قبل العمرة مباشرة ومتظبط هل ممكن يكون فك المكنه وتركيبها تانى اثر عليه وعاوز يتنظف تانى وهل لازم اروح لحد بتاع كاربيراتير ولا ممكن اجيب اسبراى تنظيف وارفع عمة الهوا واديها نظافه بالاسبراى ؟؟؟؟؟
وفيه حاجه بقه دى من قبل موضوع تغيير الكرنك وهو ان لمبة الزيت كانت بتنور بعد ما امشى بالعربيه مسافه طويله واهدى السرعه وتنطفى اول ما ازودلها السرعه تانى او ازود حتى لو العربيه واقفه ودلوقتى ظهر الموضوع ده تانى سالت الميكانيكى قالى انه ده عيب فى اللمبه نفسها اللى هى ساعة الزيت ما مدى صحة الكلام ده ؟؟؟؟؟؟؟؟

موضوع اللمبة دا ممكن من كذا حاجة . ساعة الزيت بايظة او الزيت وحش بيفقد لزوجتة مع السخونة او طلمبة الزيت ضغطها وحش . لازم تشوف الموضوع دا فى اسرع وقت . ابيتدى بساعة الزيت ظبطت خير و بركة . مظبطتش غير نوع الزيت بس المفروض موبيل كويس اى نوع زيت بتحط ؟ اخر حاجة هى الطلمبة لازم تتغير . مفيش حلول تانية

طيب لو الطلمبة عاوزه تتغير ده بيكون محتاج فك موتور ولا بتتغير من بره من مكان تغيير الزيت علشان محدش يشتغلنى

اقتباس:

---

المشاركة الأصلية كتبت بواسطة kantoosh

طيب لو الطلمبة عاوزه تتغير ده بيكون محتاج فك موتور ولا بتتغير من بره من مكان تغيير الزيت علشان محدش يشتغلنى

---

لا مش محتاج فك موتور بتتغير من تحت بيفك الكارتيرة و هتحتاج جوان كارتيرة جديد .

بس الاول شوف الاخف زى ما قلتلك غير الساعة الاول و شوف

اقتباس:

---

المشاركة الأصلية كتبت بواسطة karimfahmy99

موضوع اللمبة دا ممكن من كذا حاجة . ساعة الزيت بايظة او الزيت وحش بيفقد لزوجتة مع السخونة او طلمبة الزيت ضغطها وحش . لازم تشوف الموضوع دا فى اسرع وقت . ابيتدى بساعة الزيت ظبطت خير و بركة . مظبطتش غير نوع الزيت بس المفروض موبيل كويس اى نوع زيت بتحط ؟ اخر حاجة هى الطلمبة لازم تتغير . مفيش حلول تانية

---

+1

فعلاً مش يتهيألي عطل في اللمبة ،، لأن لو كان كده كانت تفضل معاك في أثناء فترة التليين بردو ،، و مكنش العيب أتقطع فترة ،، غالباً أن شاء الله حاجة سهلة ، حتلاقيها ساعة الزيت ، و سليمة أن شاء الله ...

:b4_611:

اقتباس:

---

المشاركة الأصلية كتبت بواسطة kantoosh

اولا اشكرك على اهتمامك
بالنسبه للتليين انا المفروض انى كده مشيت اكتر من 1500 كيلو تقريبا وبالنسبه للزيت غيرته 3 مرات من بعد العمرة واخرهم بقاله 100 كيلو وبحط موبيل وبالنسبه للكربراتير فالمفروض انه متنظف قبل العمرة مباشرة ومتظبط هل ممكن يكون فك المكنه وتركيبها تانى اثر عليه وعاوز يتنظف تانى وهل لازم اروح لحد بتاع كاربيراتير ولا ممكن اجيب اسبراى تنظيف وارفع عمة الهوا واديها نظافه بالاسبراى ؟؟؟؟؟
وفيه حاجه بقه دى من قبل موضوع تغيير الكرنك وهو ان لمبة الزيت كانت بتنور بعد ما امشى بالعربيه مسافه طويله واهدى السرعه وتنطفى اول ما ازودلها السرعه تانى او ازود حتى لو العربيه واقفه ودلوقتى ظهر الموضوع ده تانى سالت الميكانيكى قالى انه ده عيب فى اللمبه نفسها اللى هى ساعة الزيت ما مدى صحة الكلام ده ؟؟؟؟؟؟؟؟

---

أولاً أنت تأمرني ،،

ثانياً بالنسبة للزيت تمام أوي كده ،،
ثالثاً . لكاربراتير مافدكش فيه ،، أنا اول متعاملت أتعاملت مع أمجيكشان ،، لكني أعرف طريقة واحد صاحبي عنده بولونيز ، و كنت ركب معاه لقيته و هو ماشي على التاي بيشيل رجله من البنزين و يدوس و يشل و يدوس ،، طبعاً صباح الرجرجة ،، كنا في غسالة مش عربية ، سألته قاللي عشان أنضف الكاربراتير ،، معرفش بقى حاجة تانية في الموضوع ده ،،

رابعاً ، مرديتش عليا في موضوع الردياتير ،،

معالي الباشا نبدا من الاول
الميكانيكي ظبط تاكيهات بعد انتهاء فتره التلين لانه في الفتره دي بيكون التاكيهات مفتوحه ودا علشان العربيه كا تسخنش
طبيعي جدا بعد العمره انك تحس بفرق ملحوظ جدا في السحب ودا بيكون نتاج عن ان البساتم اتحكمت جوه الشميز عكس الوضع الاول كانت حره شويه (دا الموضوع اللي بيخلي سحب الماتور وهو مفوت عبيط جدا ويجري بطريقه غريبه) المفروض اصبر شويه علشان المساءل تتستقر وتتطبع علي بعض
خلاصه الكلام
1.لازم تشوف موضوع لمبه الزيت وتحله فورا
2.اذا ما كنتش ظبطت تاكيهات لازم تظبطها طبعا
3.اصبر شويه علي العمره وربنا يكرمك

اقتباس:

---

المشاركة الأصلية كتبت بواسطة kantoosh

وبالنسبه للكربراتير فالمفروض انه متنظف قبل العمرة مباشرة ومتظبط هل ممكن يكون فك المكنه وتركيبها تانى اثر عليه وعاوز يتنظف تانى وهل لازم اروح لحد بتاع كاربيراتير ولا ممكن اجيب اسبراى تنظيف وارفع عمة الهوا واديها نظافه بالاسبراى ؟؟؟؟؟
؟؟؟؟؟؟؟؟

---

ده موضوع اتنظيف الكاربراتير http://www.nilemotors.net/Nile/65739-a.html

يا رب يفيد !!:ask:

تاكيهاااااااااااااااااااا ااااااات
واضحة جدا

ألسلام عليكم ورحمه الله وبركاته


الاخ الكريم

معلش انا خبرت ف العربيات محدوده جدا


ايه التاكيهات , وايه وظيفتها

سؤال غلس كمان

ايه هي اواخر الغيارات العاديه ؟؟
يعنى المفروض الاول اخره كام
والتانى والتالت


ولو الاخوه الافاضل تكرموا

لو حد يقدر يفيدنا هنا
http://www.nilemotors.net/Nile/178078-a.html


واسفى لصاحب الموضوع
ان شاء الله العربيه تبقى تمام :)
ماقدرتش افيدك

هو المفروض ظبط التاكيهات وبعدها حصل الموضوع ده يا ترى ما ظبطهاش كويس ولا بتاخد وقت؟؟؟

اقتباس:

---

المشاركة الأصلية كتبت بواسطة kantoosh

هو المفروض ظبط التاكيهات وبعدها حصل الموضوع ده يا ترى ما ظبطهاش كويس ولا بتاخد وقت؟؟؟

---

يبقي التظبيط مش تمام شوف حد تاني

تاكيهات او طقم الدبرياج بايظ
وطقم الدبرياج الاحتمال الاكبر

فى حاجة يا جماعة ناسيينها انو قال العربية بتاكل صفيحة كل 90 كيلو ودى عربية بلونيز على حسب مفهمت

الكلام ده ماينفعش لازم يراجع على كل حاجة المكنة محكمة ولسة مبقتش سلسة على عينى وراسى بس تزود استهلاك البنزين 3 او 4 لتر فى التفويلة موش للدرجة دى

المفروض ياباشا انك تطمن على الكاربرايتور بتاعك يتغسل وتشوف البكات بتعته وتغير فلتر البنزين لأنه العربية تمشى سلانسية فترة طويلة طبعا الكربراتير يتسد لأن جريان البنزين فيه قليل

ثانيا فرامل اليد بتنزل لاخرها ولا لأ ولما بتشدها بتعمل كام تكة ؟؟ المفروض على ما أظن من 5-8 تكات ممكن تكون بتنزلها للآخر ولسة قافشة سنة

اعمل بالعربية مشوار حلو طويييل وبعدين انزل جس الجنوط فى حاجة بتسخن ولا لأ لو فى حاجة بتسخن يبقى فى تيل قافش وبتبقى ماشى الطريق كله كأنك مريح رجلك على الفرامل

بكوريك العربية أرفعها وجرب تدور العجل واحدة واحدة تلفها وتسيبها تدور لوحدها وتشوف الدوران سلس ولا خشن ولا فى صوت وده بيطمنا على البلى والمفروض انك لو عملت كده الفرده تقعد تلف بتاع دقيقة ونص عادى زى المروحة


لاحظ ان كله ده ممكن تعملة بنفسك بمنتهى البساطة منعا للاشتغالات بتاعت الميكانيكية مفيش غير الكاربريتور هو اللى هايعملو فنى متخصص وانشاء الله تبقى زي الفل وتطلع حاجة بسيطة

الف شكر ليك يا غالى على اهتمامك ده ونصايحك وكلامك الجميل ده بس فيه حاجه انا عملتها النهارده والعربيه عدت ال80 ووصلت ل100 وهى انى بصيت على الموبينه لقيت انه فيه صاموله مش مربوطه كويس والسلك مهوى منها وكمان فيه سلكه فكها ميكانيكى الغاز وقاللى علشان الغاز يشتغل المهم وصلت السلكه دى فى الموبينه وجربت بنزين وغاز والاتنين اشتغلو والسحب وصل 100 كيلو وده فى مكان قصير يعنى محتاجه مشوار وممكن تفتح ان شاء الله ومتشكر جدا جدا لكل اللى ردوا عليا بس انا دلوقتى عامل موضوع عن الموبينه عاوز اعرف توصيلها ازاى وكده واللينك بتاعه اهه لو حد فاهم فى الموضوع ده ياريت يرد علشان الاستفاده للجميع http://www.nilemotors.net/Nile/178574-a.html

يا باشا البلونيز محتاجة تليين شوية بس و كمان انت بتقول انك عامل عمره كويس انت كل الحكاية تعمل حركة الفرامل دى ليكون التيل ماسك ولا حاجة يحكم العربية و يسخن الطنابير كمان
و اظبط الكهربا كده و شوف تاكيهاتك و اعمل تشيك على العربية طلمبة البنزين معاك لو سليمة سيبها خلى الميكانيكى يبصلك عليها بس و بعدين كتير اوى صفيحى تعمل 90 كيلو بس شوف الكربراتير اكيد مش مظبوط
و عمود الكرنك ظبط العربية و اطلعلك على الصحرواى و امشى كده و شوف اقرص حبة و خف شوية و شوفها بتجمع معاك ولا لا