الموضوع: ياريت حد يفيدنى فى الشارك

المشاركة الأصلية كتبت بواسطة m_s_azzam

كنت عايز اعرف جدول قطع غيار الانسر شارك بتتغير كل اد ايه و خصوصا انا لحد دلوقتى ماغيرتش ولا سير
لانى سمعت ان العربيه سير كاتينه حديد ولا حتى سير المجموعه ولا فلتر ولا اى حاجه ياريت حد يفيدنى

معلش نسيت انا مغير بس مساعدين ورا و فلتر زيت

ايه يا شباب ولا رد

المشاركة الأصلية كتبت بواسطة bmya

هي العريه موديل كام يا باشا
وبعدين هي لحقت عشان تغير مساعدين وره !!!!!!!!!!!!!!!

العربيه موديل 2008 و عامله 100 ألف كيلو ولسه مغير المساعدين من وقت قريب وربنا يستر على موضوع السير

واضح ان الشباب ماعندهاش علم بجداول الصيانى زى حالاتى

المشاركة الأصلية كتبت بواسطة explorist

لا يتم تغيير سير الكاتينة لانه جنزير
يتم تغيير البوجيهات عند 100 الف كم وثمنهم 400 جنيه فى التوكيل
فلتر الهوا عند 40 الف
فلتر التكييف والتيل عند اللزوم
زيت الفتيس عند 40 الف كم
فلتر البنزين عند 60 الف كم وثمنه 600 جنيه فى التوكيل

ربنا يبارك فيك والله كنت محتاج المعلومات دى

طب انا عندى صوت طقطقه بيجى من قدام من عند العجلتين بالظبط و مابتبانش الا فى الطريق المكسر وفى الطريق السليم مافيش اى حاجه خالص

فى واحد قلى ده يمكن يكون السوست بتاعة التيل مفكوكه صراحه ما فهمتش حاجه و واحد قلى ممكن تكون المقصات مش عارف ايه رايكم

المشاركة الأصلية كتبت بواسطة m_s_azzam

طب انا عندى صوت طقطقه بيجى من قدام من عند العجلتين بالظبط و مابتبانش الا فى الطريق المكسر وفى الطريق السليم مافيش اى حاجه خالص

فى واحد قلى ده يمكن يكون السوست بتاعة التيل مفكوكه صراحه ما فهمتش حاجه و واحد قلى ممكن تكون المقصات مش عارف ايه رايكم

ده فعلا صوت السوست بتاعة التيل وحاول تربط عليهم