الموضوع: الاقى فين مبرد زيت الموتور

مساعده ضروريه...إلحقونى يامازداويه
عربيتى عامله 18000 ألف كيلو وفجأه لقيت مؤشر الحراره
طلع على الأحمر...ركنت يا نجوم وعينك ماتشوف إلا النور
فتحت قربة المياه.......؟؟؟؟؟؟؟؟
ربنا يحميكم ويحمى عربياتكم يااااارب
لقيت يارجاله طحينه فى القربه...كلمت إللى بأعمل عنده صيانه وهو ماشاء الله عليه عبقرى ومؤدب
قاللى أصبر لما تبرد وتعالى واحده واحده ووصلت وبعد ساعه
طلع جزء تحت فلتر الزيت إسمه مبرد زيت الموتور أو cooler

plssss
ألاقى مبرد الزيت ده فين لو سمحتم وبكام
على فكره هو جزء معدن مدور وطالع منه ماسورتين صغيرين
أرجوكم لأنى سألت فى الحرفين وعند صاحبى عنده مكز صيانه وعنده وكاله من سى غبور أفندى بس مش موجوده

أحترم المازداويه جدااااااااا....منتظر ردكم

المشاركة الأصلية كتبت بواسطة khaled69

لقيت يارجاله طحينه فى القربه...
طلع جزء تحت فلتر الزيت إسمه مبرد زيت الموتور أو cooler

انا مش مقتنع

فية حاجة غلط او جزء حضرتك نسيت تذكرة

الطحينة تيجي من جوان وش سلندر ضارب انما مش من تسريب الزيت من مبرد الزيت اللي تحت الفلتر لان دةبيبرد الزيت من خلال التبريد بالهواء (هيت سينك) و لو ضرب حايسبب نقص الزيت و سخونة العربية و ممكن موتور لا قدر الله يقفش بس مش حايجيب طحينة (لو جت حاتبقى بسبب وش السلندر ضرب من السخونة نتيجه نقص الزيت و ساعتها يجب تغيير جوان وش السلندر او الوش و تغيير مبرد الزيت انما مش المبرد بس)

المشاركة الأصلية كتبت بواسطة mamido83

ازاى المبرد او ال cooler ده فصل، ده لوحده كده و لا نتيجة صيانة و حد نسى يركبه

مابيفصلش لانة مجرد قاعده لفلتر الزيت فيها هيت سينك تبريد (لو كانت مثل المازدا ار اكس 7 القديم) , غالبا ممكن يكون اتخرم مثلا

المشاركة الأصلية كتبت بواسطة pharonicking

ودة موجود فى كل العربيات ولا المازدا بس؟

في بعض السيارات و المازدا فيها من زمان, كان عند صاحبي مازدا ار اكس 7 موديل 84 تقريبا كان فيها برضة
و في معظم العربيات السبور بيبقى فيها لتبريد الزيت لأداء افضل للموتور و حماية من ان الزيت يقطع او يفقد لزوجتة مع السخونة العالية من الحرق و القرص

و ساعات بيبقى فية سربنتينة زيت لتبريد الزيت