حسبي الله ونعم الوكيل انا لو ما اتكلمتش هفرقع
بسلامته دخل عليا وانا بقرا موضوع كريات السبعينات في المنتدى هنا ومشي وراح تخيلوا بعتلي اية ؟؟؟؟؟؟؟؟
انذار بالفصل
مع انه هو شخصيا بيلعب في البورصة من الشغل
حسبي الله ونعم الوكيل
عرض للطباعة
حسبي الله ونعم الوكيل انا لو ما اتكلمتش هفرقع
بسلامته دخل عليا وانا بقرا موضوع كريات السبعينات في المنتدى هنا ومشي وراح تخيلوا بعتلي اية ؟؟؟؟؟؟؟؟
انذار بالفصل
مع انه هو شخصيا بيلعب في البورصة من الشغل
حسبي الله ونعم الوكيل
وماحرمتش باردو و دخلت تاني ربنا يعينك عليه
use remote desktop control pro
خد snap shot من شاشتة و هو بيلعب فى البورصة و ابعتهالة email و قولة لو ملمش نفسة حتبعتها لرئيس مجلس الادارة
نص لتر زيت باكم و روقلة عربيتة
ربع كيلو سكر فى تنك البنزين
MMamdouh
بص يا صديقى ... هو طبعاً الأسلوب المتخلف فى الإداره مالى البلد ...انا شخصياً بأيد أسلوب الإداره اللى يسيب الحريه للموظف المهم ان الشغل يتعمل فى التوقيت المظبوط وبالطريقه المظبوطه ... انما طبعا هى شركات شركات وحسب نوع العمل برضه
انما هاقوللك على حاجه ... واضح مادام مديرك بالشكل ده ..يبقى انت ماتحطش نفسك فى الغلط وتديله فرصه ... يعنى لو النظام المتبع عندكو انكو ممنوع تخشوا على النت اثناء العمل خلاص التزم بتعليمات مكان عملك علشان ماتغلطش نفسك وتدى فرصه لاى حد يوجهلك كلام او بتاع لحد ماربنا يتوب عليك وتروح مكان احسن ان شاء الله
ماتقولنا انت بتشتغل ايه وفين
الاسوا من الافترا الغباء لو المدير غبى و فاكر نفسه فاهم كل حاجة بتبقى مصيبة و انا على فكرة عملتها قبل كده و سلط العمال عليه و نيمولوه الكاوتش على يومين ورا بعض لحد ما حرم يركن العربية ادام الشركة و حلول MMamdouh هى اللى بتجيب نتيجة مع الاشكال دى
اقتباس:
نص لتر زيت باكم و روقلة عربيتة
ربع كيلو سكر فى تنك البنزين
هههههههههاقتباس:
نيمولوه الكاوتش على يومين ورا بعض لحد ما حرم يركن العربية ادام الشركة و حلول MMamdouh هى اللى بتجيب نتيجة مع الاشكال دى
ايه يا جماعة حرام عليكم
ما تأجروا واحد يطخه احسن
ده انتو ناقص تعدموه في ميدان عام
بس علي فكرة انت ذنبك في رقبة علا عشان مواضيعها الرهيبة
بصوا يا جماعة الطبيعي عندنا ان كل الناس بتقعد على النت اثناء العمل عادي جدا بما فيهم هو شخصيا وعادي جدا ... بس على حظي الهباب ساعتها كان رؤساؤه اللى بيبتلوه ويبهدلوه ويخلوه يلف حوالين نفسة الثلاثة كانوا برة الشركة فكان فاضي وبيلف على المكاتب علشان يؤذي اي حد ولسؤ الحظ كنت انا وواحد تاني الحد دة .
وهو عامة راجل مؤذي بطبعة بيستقوى على الناس العادية بس لو موظف عندنا ابن ساعي رئيس مجلس الادارة او حتى ابن اللى بيمسح جزمة رئيس مجلس الادارة بيترعب منه ويخاف يديلة حتى لفت نظر .
اما عن قصة نص كيلو زيت باكم دي ولا سكر في تانك البنزين فعربيته مرسيدس اخر موديل وطبعا لايمكن تعرف تفتح التنك بتاعها ولا حتى تيجي جنبها لان السواق والسياس بتوع الشركة قايمين نايمين جنبها .
بس انا عملت حاجة اقوى من دة كلة .... بنتي الجميلة النونو بتصحى تعيط كل يوم اول ما الفجر يدن علشان ميكروفون الجامع بيصحيها فانا بقوم اصلي الفجر وادعي من قلبي باللى فيه النصيب ليه .
وممكن الصديف بتاع السناب شوت يقولي اعمل الموضوع دة ازتي علما بان الـit عندنا في الشركة مخلينا ما نقدرش نستب اي برنامج الا بادمنستراتور باسوورد .
واشكركم يا اصدقائي
تعاون وحب !!!!!!!!!!!!!!!!
دة انت ابن حلال مصفي يا راجل
دي اخر حاجة ممكن تبقى موجودة في الشركة عندنا هو الكلام اللى انت بتقولة دة
احنا عندنا المحاسيب يبرطعوا براحتهم ويعملو في خلق الله كل اللى نفسهم فيه والناس العادية لو اتنفست بس تكون عبرة لمن لا يعتبر
والنبي تخلي الواحد ساكت احسن هو الناس اتجننت من شوية!!!!!!
وارجع واقول على الاصل دور والحدق يفهم
معظم الشركات في مصر كده
بس مافيش زي عندنا ابدا والله صدقوني
انا طيب بطبعى بس بكرة اللى يحب يتنطط و يفرد نفسة و يعمل منظر
الدنيا سلف و دين... و زى ما بعمل النهاردة حيتعمل فيا بكرة و انا النهاردة و كل يوم بساعد الناس و الحمد لله الكل بيساعدنى لما بحتاجهم... و معنديش مشكلة ان حد يعمل منظر عليا لو انا عملت منظر على حد "يا ابن ادم افعل ما شئت كما تدين تدان"
MMamdouh
بص يا باشا ريح نفسك من موضوع الادمنسترايتور باسوورد دة دول طلعوا عين اهلى علشان ينزلولي الوين امب في الخباسة تقولي يستبولي برنامج.
ربنا كبير ويمهل ولا يهمل وكلة سلف ودين حتى الضرب على الرجلين....وعجبي
انا بفكر يا جماعة نعمل جمعية لمكافحة فساد الادارة والمديرين
مين عندة افكار جديدة لتحجيم كل مدير فاسد حتى لو كانت افكار صبيانية ؟
رساله من مجهول الي مباحث امن الدولة ومكافحة الارهاب ان الراجل دة شوهد وهو يقابل ناس شكلهم مريب ولابسين نضارات سوداء ويحمل معه حقيبة سوداء زي حقائب الاسلحة اللي بنشوفها في الافلام ودة كان بعد منتصف الليل في اول الطريق الدائري
وابقي خلي حد يعرف طريقة :rolleyes:
مية مية يا زعيم اي حاجة بس حد يشيلة من قدامي احسن .....ولا بلاش انا عندي بنت عاوز اربيها
محمد يا ممدوح انت قديم قوي في برامج اقوي من كدة بكتير
بس المشكلة كلها في باسورد الادمن
خاصة لو على دومين كبير زي حالاتنا
احنا على دومين اوروبا
يعني بالصلاة على اللي هايشفع فيك زيادة عن 25 الف جهاز في دومين واحد
منهم 3 الالاف في مصر بس
نييييييييييييهههههههههههه هههههه
اولا اشكر جدا محمد ممدوح على البرنامج
ثانيا
يا كريم انا سوف اذكر لك حاجة بس اوعى اوعى عارف يعنى ايه اوعى
تضحــــك
انا يا باشا شغالين فى الشركة عندنا على workgroup مش domain
و لا انت تقصد حاجة تانيه
و اوعى لو كانت اى حاجة كاتبها فيها غلط اوعى
و لا اقولك اضحك يا عم بس وصلنى للسكة و البرنامج :D:D:D
إذا كان استخدام النت عندكم مخالف للنظام يبقى طبق بالمثل اللى بيقول:
(((إمشي عدل يحتار عدوك فيك))) ,
طبعاً انا مقصدش إنك مش ماشي عدل و لكن أقصد إنك تكون حريص في التعامل مع النوعية دي.
مممممم
طب قوللي عايز تعمل ايه وانا ادلك
عايز تدخل على الاجهزة بس
ولا عايز تشوفهم بيعملو ايه ويجي يمسك الماوس يلاقية بيمشي من ايدة
يعني تتحكم في جهازة بالكامل وتوقف تحكمة هو فيه
ولا عايز تتفرج بس من غير ما ياخد بالة
كله موجود يا معنمي
بس ضحكتنين والله على الورك جروب ده
هو لسه في حد ماشي ورك جروب
ليه انتم عددكم كام
اولا هوا ممكن ياخد قرار الفصل منفرد ؟
ثانيا مشي امورك اليومين دول لحد الموضوع دا ما يتنسي وبعدين اعمل الي الاخ الفاضل الطيب قالك علية snap shoot
و ابعتها لرئيس مجلس الاداره بس طبعا من فاعل خير علشان اكيد حتلاقي رئيس مجلس الاداره هوا كمان مضبط حالة معاه فما تلبسش انت في الاخر و بلاش السكر ونبي و زيت الباكم حيقرفة بس مش حيحل المشكلة
و الاهم ما تاعملش بعد كدا اي مشاكل علشان الشخصيات دية انانية علشان حتلاقية بيتلكك للموظفين علي اي مشكلة علشان يثبت انه لامؤاخذه في التعبير محترم لا سمح الله
و روق كدا كل الاشغال بالمنظر دا ( علشان كدا سمونا الفراعنة )
والله يا جماعة انا بجد متضايق جدا لحد دلوقتي ومش قادر انسى اللى حصل علما بان كل الناس لحد دلوقتي بتفتح الايميلات الخاصة بتاعتها بما فيهم السكرتارية بتاعتة شخصيا وهو كمان شخصيا وماحدش عملهم اي حاجة ودة مأثر في نفسيتي اكتر ومش قادر انسى اللى حصل .
المفروض ان كل ريس ليه ريس برضه .. إكتب شكوى وممكن حتى تجمع توقيعات زمايلك وتبقى شكوى عامه ان الوضع ده يبقى عادى زى باقى الشركات الطبيعية طالما انه لا يؤثر على سير العمل
بس بلاش تقول ان كل الناس بتفتح الايميل بدل ما يخلوا الاى تى يقفله واتلاقى كل زمايلك بيلعنوا اليوم اللى شافوك فيه :) :)
للاسف يا صديقي رئيسه يبقى رئيس مجلس الادارة شخصيا وانا علاقتي برئيس مجلس الادارة عادية جدا صباح الخير يا فندم صباح الخير وامضي منه شغلي واتكل على الله انما هو معاه بقالو 20 سنة واكتر وهو عنده اهم مني 100 مرة .
اما حوار جمع التوقيعات والكلام دة لايمكن حد يرضى يودي نفسه في داهية خاصة انهم كلهم كشوا بعد الموضوع بتاعي ولكن لسة كلة بيفتح الميل وحاجات تانية تودي في 6 داهية لكن ماحدش جه جنبهم .
والله بحاول انسى واتعايش علشان اعرف اعيش حياتي من غير نكد والله المستعان