اقتباس المشاركة الأصلية كتبت بواسطة nodoubt29 مشاهدة المشاركة
السلام عليكم:

ياريت تساعدونى فى المقارنه بين :

مرسيدس C250 موديل 2010 زيرو و دى سعرها 378,000
و
بى ام 320i موديل 2011 زيرو و دى سعرها 360,000

انا محتار بين الاتنين خصوصا بعد نزول سعر المرسيدس حوالى 22 الف جنيه .

الاتنين دلوقت سعرهم قرب أوى من بعض , فياريت تقولولى مين الافضل من حيث الاتى:

- الاوبشنز
-معاملة التوكيل و قطع الغيار
- سعر اعاده البيع
- الاداء على الطريق

حسب اوجه المقارنه اللي انت طلبتها...

1- الاوبشنز: كل واحده فيها حجات مش في التانيه, يعني المرسيدس بعد التعديلات الجديده
بقى فيها سينسور بارك مثلا, و الـ320 فيها I-Drive مثلا.... كل عربيه بتتميز بشئ

لكن لو هنحسم الموضوع, يبقى الـ320 تعتبر اعلى نسبياً في الاوبشنز من المرسيدس

2- بحكم ان عندي C200, اقدر اقولك ان توكيل مرسيدس من افضل توكيلات مصر التزام و احترام
و ده بحكم التجربه العمليه... و توكيل bmw يقال انه بردو ممتاز و على مستوى عالي من الجوده

النقطه دي الاثنين زي بعض, و ماقدرش احسم الموضوع لصالح توكيل فيهم لان الاثنين ممتازين

لكن قطع الغيار... تعتبر المرسيدس ارخص شويه من الـbmw في قطع الغيار...

3- في دي تحديداً... المرسيدس تتفوق جداا على الـbmw, لان سعر اعادة البيع للـbmw بينزل جدااا

4- الاداء على الطريق: الاثنين قمه في الثبات, قمه في القوه (و لو ان المرسيدس اقوى كموتور)

لكن المرسيدس تتميز بانها مريحه جداا في القياده, و الركوب...

الـbmw بتتميز انها ممتعه جداا في القياده, ليها طابع قوي رياضي...

يبقى انت اللي تحدد اللي يناسبك على حسب ظروف قيادتك و اسلوبك و اللي بتميل ليه اكتر...

و في الاخر الاثنين صفقه رابحه تماما لاي شخص بيفكر يشتري واحده منهم...

لكن هقولك على حاجه اخيره كده, انا عن نفسي كشاب ماركبش مرسيدس إلا اذا كانت AVANTGARDE
و دي اغلى لانها سبورتي اكتر, غير كده... هركب BMW اكييييد, خصوصاً 320 و انت طالع

يا رب اكون قدرت افيدك...

تقبل تحياتي...