السلام عليكم .. وانا ماشي من كام يوم حصل حاجة غريبة ... لقيت لمبة فرامل اليد بتنور و تطفي .. و مع الوقت بقت ترعش ... ياريت لو حد من الخبراء يفيدني في الموضوع ده
عرض للطباعة
السلام عليكم .. وانا ماشي من كام يوم حصل حاجة غريبة ... لقيت لمبة فرامل اليد بتنور و تطفي .. و مع الوقت بقت ترعش ... ياريت لو حد من الخبراء يفيدني في الموضوع ده
الموضوع ده حصلي ورحت غيرت زيت الباكم من بنزينة موبيل ومن ساعتها مارعشتش تاني
زود زيت فرامل هتلاقي المشكلة اتحلت
اكشف علي التيل الاول وبعد كده زود الزيت
مينفعش يزود زيت بدون الكشف اولا على التيل
لان في حاله تأاكل التيل منسوب الزيت في الخزنه بينقص لتعويض الفارق في تأاكل التيل , وبعد تغيير التيل الزيت بيرد ويرجع تاني لمنسوبه العادي , وده معناه ان لو تم تزويد الزيت اولا وبعدها غيير تيل فـ الزيت هيفيض ويطلع بره الخزنه ويبهدل الدنيا
الف شكر يا جماعة .. و يا محمد باشا هو فعلا انا مستوى الزيت عندي ناقص ..بس ده عشان من ساعت مجبت العربية مقربتلوش والعربية ماشية 58000 فا تفتكر ممكن يكون فعلا التيل ؟
لا يا باشا طبعا .. مش اوي كدة ده تقريبا عامل 20000 .. هو زيت الفرامل الي عامل بيه 58000 من ساعت ماجبت العربية وانا مقربتلوش
مفهوم ياريس :-) عالعموم اتوقع ان كده التيل فعلا جاب اخره , ومع الكشف عليه هتلاقي مقاييسه قلت جدا عن الطبيعي
كده حضرتك هتجيب تيل جديد وتركبه , وبإذن الله بعد التركيب هتلاقي منسوب الزيت رجع لطبيعته تمام , ونصيحه بلاش تزود زيت فرامل بدون الكشف على نظام الفرامل بالكامل الاول
حضرتك ممكن تجيب تيل جولد تمنه 45 جنيه (كويس) , او الكوري الاصلي تمنه 90 جنيه , وفي ياباني تمنه 110 جنيه تقريبا , وفي التيل التركي بس بصراحه معرفش سعره
ولو عايز تعمل شغل نضيف مره واحده غيير زيت فرامل بالمره , وهتلاقي في فرق كبير في اداء الفرامل بإذن الله
يا باشا ربنا يكرمك و معلش لو كنت طولت عليك .. بس هو سؤال اخير المفروض اغير التيل الاول و بعد كدة الزيت ولا العكس