محتار جدا فى شراء العربية

**Sherlock** · 06-09-2010 04:38 AM

الليون و الامبريزا أحسن عربيتين فى الموجودين كمضمون و ليس شكلا .

وبرضه سعر اعاده البيع زفت , مفيش صفقه ناجحه فى العربيات 100 % , شوف إنت يهمك ايه فى المقام الأول لان كل العربيات بتديك حاجه على حساب حاجه تانيه إلا لو كنت بتشترى مرسيدس او بى ام ( فئات سعريه عاليه ) و قتها هتاخد كل حاجه من العربيه إنت عايزها على حساب طبعا العامل المادى .

**shod90** · 06-09-2010 04:45 AM

المشاركة الأصلية كتبت بواسطة kamalsalem

غالباً هتلف السبع لفات وفي الاخر هتشدلك حتة سيراتو.. احساسي بيقوللي كده هههههه

هههههههه دا اللى حصل فعلا

.. هستلم بكرة كوبية نبيتى بإذن الله :) ادعولى بس

**kamalsalem** · 06-09-2010 04:51 AM

المشاركة الأصلية كتبت بواسطة shod90

هههههههه دا اللى حصل فعلا

.. هستلم بكرة كوبية نبيتى بإذن الله :) ادعولى بس

ههههههههه ربنا يباركلك يا رب... بس اعترف ان انا عبقري

**kempel** · 06-09-2010 11:29 AM

[gdwl]
انا معايا 150 الف باذن الله و عايز اشترى عربية فى كذا عربية فى دماغى
1) كيا سيراتو كوبية
2)شيفورلية كروز اعلى فئة
3)سوباروا امبريزا
4)هوندا سيفيك
5)فيات برافو 120 حصان
6)سيات ليون
7)فورد فوكاس
8)لانسر سبورت 2010

السلام عليكم انا شايف انك مش جايب سيرة الرينو فلوانس ولا التويوتا كورولا اوتوماتيك علماً بأن الاتنين ممتازين وسعرهم أقل من الرينج اللى انت حاطه عموماً لو مش هاتبيع قريب أرشحلك الفوكاس بشدة عربية أكتر من ممتازة واعتماديتهاعالية وثباتها ممتاز ومتينة وقطع غيارها موجودة فى التوكيل السيفيك مأرشحهاش لأنه مش بتاعة شوارع مكسرة والعربية اليابانى الوحيدة اللى لسه بيعملوها واطية على الارض ابعد عن الكورى الكروز عربية سحبها ممل لأنها تقيلة على الماتور السيراتو ناشفة فى المطبات ومأعرفشى اعتماديتها عالية ولا لأه وسعرها غالى عليها وكوبيه ومش هاتبقى عملية بعد الجواز وبعد الفورد الفلوينس العربية ديه هاتنتشر جداً وسعرها حلو ييجى معاها الكورولا وانت عارف الاسباب طبعاً عربية منتشرة وبتمسك سعرها عند البيع وقطع غيارها بتنتشر وبتبقى رخيصة الامبريزا عربية مش منتشرة وده عيبها
ده بالنسبة للسيدان لو الهاتش باك بالترتيب
البرافو
بيجو 308 بس مأعرفشى سعرها فى البيع هايكون ازاى
الليون
الايبيزا وديه عبارة عن بولو بس ماتور وسعر احسن و
الفيستا علشان ارخصهم وعربية ممتازة
البولو الجديدة لانها vw وممتازة
العربيات ديه معظمها أوروبى لأنك بتقول انك عايز عربية تعيش معاك وطبعاً الكورولا لا يعلى عليها والهوندا كنت أفضلها لوكانت فى بلد تانية غير بلدنا شوارعها أنضف من شوارعنا
يارب أكون أفدتك وربنا يوفقك

**shod90** · 06-09-2010 03:41 PM

المشاركة الأصلية كتبت بواسطة kempel

[gdwl]
انا معايا 150 الف باذن الله و عايز اشترى عربية فى كذا عربية فى دماغى

1) كيا سيراتو كوبية
2)شيفورلية كروز اعلى فئة
3)سوباروا امبريزا
4)هوندا سيفيك
5)فيات برافو 120 حصان
6)سيات ليون
7)فورد فوكاس
8)لانسر سبورت 2010

السلام عليكم انا شايف انك مش جايب سيرة الرينو فلوانس ولا التويوتا كورولا اوتوماتيك علماً بأن الاتنين ممتازين وسعرهم أقل من الرينج اللى انت حاطه عموماً لو مش هاتبيع قريب أرشحلك الفوكاس بشدة عربية أكتر من ممتازة واعتماديتهاعالية وثباتها ممتاز ومتينة وقطع غيارها موجودة فى التوكيل السيفيك مأرشحهاش لأنه مش بتاعة شوارع مكسرة والعربية اليابانى الوحيدة اللى لسه بيعملوها واطية على الارض ابعد عن الكورى الكروز عربية سحبها ممل لأنها تقيلة على الماتور السيراتو ناشفة فى المطبات ومأعرفشى اعتماديتها عالية ولا لأه وسعرها غالى عليها وكوبيه ومش هاتبقى عملية بعد الجواز وبعد الفورد الفلوينس العربية ديه هاتنتشر جداً وسعرها حلو ييجى معاها الكورولا وانت عارف الاسباب طبعاً عربية منتشرة وبتمسك سعرها عند البيع وقطع غيارها بتنتشر وبتبقى رخيصة الامبريزا عربية مش منتشرة وده عيبها
ده بالنسبة للسيدان لو الهاتش باك بالترتيب
البرافو
بيجو 308 بس مأعرفشى سعرها فى البيع هايكون ازاى
الليون
الايبيزا وديه عبارة عن بولو بس ماتور وسعر احسن و
الفيستا علشان ارخصهم وعربية ممتازة
البولو الجديدة لانها vw وممتازة
العربيات ديه معظمها أوروبى لأنك بتقول انك عايز عربية تعيش معاك وطبعاً الكورولا لا يعلى عليها والهوندا كنت أفضلها لوكانت فى بلد تانية غير بلدنا شوارعها أنضف من شوارعنا
يارب أكون أفدتك وربنا يوفقك

لحد دلوقتى بردو مفيش حد راضى يفهمنى مش عارف لية

انا بقول اصرف انا على العربية مش الحاج هو اللى هيصرف عليها انا هتخرج السنة دى و اجاركم الله على المرتبات الحلوة ف لازم يبقى معايا عربية على قد فلوسى .. مش تقولى فوكاس ههههه دا اانا اشحت والله ... و عموما انا كنت موهوم بالفوكاس اصلا

.. لاكن ما باليد حيلة ..

**ahmedsadek82** · 06-09-2010 05:29 PM

المشاركة الأصلية كتبت بواسطة shod90

لحد دلوقتى بردو مفيش حد راضى يفهمنى مش عارف لية

انا بقول اصرف انا على العربية مش الحاج هو اللى هيصرف عليها انا هتخرج السنة دى و اجاركم الله على المرتبات الحلوة ف لازم يبقى معايا عربية على قد فلوسى .. مش تقولى فوكاس ههههه دا اانا اشحت والله ... و عموما انا كنت موهوم بالفوكاس اصلا

.. لاكن ما باليد حيلة ..

مين قال ان حاجة الفوكاس غالية شوف كده :

**galilioglal** · 06-09-2010 05:43 PM

كيا سيراتو كوبية فخمة جدا و رياضية

**shod90** · 06-09-2010 08:42 PM

المشاركة الأصلية كتبت بواسطة ahmedsadek82

مين قال ان حاجة الفوكاس غالية شوف كده :

اية دا !!!!!!! حضرتك متأكد من الاسعار دى ! .. انا شوفت قبل كدا ان الفانوس ب 2000 و انت طالع و كمان تيل الفرامل ب 600 و انت طالع !!!!

بس عموما العربية كدا كدا تقيلة جدا و بسحب بنزين كتيييير و انا من النوع اللى مش بهمد فى البيت و بردو فى الاخر هشحت هههه .. و انا بقترح على حضرتك تعمل موضوع فى قسم فورد و طحت الاسعار دى للافادة لان انا دورت كتيير بس ملقتش الاسعار اللى حضرتك جايبها .. على العموم شكرا للافادة بعد فوات الاوان ههههههه

**shod90** · 06-09-2010 08:43 PM

المشاركة الأصلية كتبت بواسطة galilioglal

كيا سيراتو كوبية فخمة جدا و رياضية

حصل يا ريس

**kempel** · 07-09-2010 11:07 AM

لو ماكنتش استلمت السيراتو المواصفات اللى انت طالبها موجودة فى (التويوتا كورولا) قطع غيارها موجودة وبترخص دايما لانها منتشرة ويابانى و ناعمة فى المطبات و4 باب وعائلية واستهلاكها فى البنزين ممتاز وفى رينج السعر بتاعك ومابقاش موجود mmt منها كلها يامانيوال يا أوتوماتيك عادى وواخدة 5 نجوم فى اختبارات التصادم الاوروبى وماتور ممتاز ومعمرة وشركة ذات مصداقية مبتصهينشى على عيوبها ان وجدت وبقت كل الشركات بعدها بتقلدها ومتهيألى أحسن من السيراتو اللى بتتفوق فى شكلها المميز بس
مش أكتر وكمان التويوتا معمرة وساعة الجواز والاولاد مش هاتفكر تغيرها لانها هاتناسبك برضه لكن لو استلمت السيراتو يبقى 1000 مبروك وربنا يوفقك فى اختيارك