الموضوع: حتي الانسر بقت صيني ؟؟؟ لانسر مش ليونسل خدوا بالكوا

بعد بعد مرور 4 سنين احب اقولكم خبرتى فى العربية , ثبات وجرى وغرز و سحب بالجنط اللى نازل بيها مش جنوط سبور ولا حاجة , جميع قطع غيارها الميكانيكية والعفشة هى فطع غيار لانسر بومة سوبر اكشن 2007 , لسه عامل من شهر صيانة 80 الف وسيور البومة . غيرت سرة خلفية وهى نفس سرة البومة بس تفرق ان الصينى ديه اللى مش عجباكم راكب علي السرة حساس كهرباء عشان نظام الفرامل ABS ولا الألمانى , توكيلها الرواس الله يلعنها فى سعر قطع الغيار , عيبها الوحيد حاجة واحدة بس ان الفوانيس الأمامية والشبكة متلقيهمش عند حد جديد الا فى التوكيل , السعر انت عارفه طبعا , عربيه مناسبة جدا للشوارع المصرية انا عن نفسى مشقيها فى شوارعنا اللى انتوا عارفينها , انا كنت زيكم كده بس مسمعتش الكلام ده عشان انا اشتريتها بعد ما أتاكدت انها خارجة من مصنع ميتسوبيشى فى الصين وديه بالمناسبة العربية الأولى اللى احتفلت بيها الصين بمناسبة دمج شركة ميتسوبيشى مع شركة ساوث ايست الصينية فعملوا عربية تدمج بين الكريستالة والبومة اللى هما كانوا السيارتين الأسطوريتين للشركة فى هذا الوقت , وتوكلت على الله واشتريتها ومعملتش معايا حاجة تخلينى اغيرها
ولو عايز تتعقد خد اتفرح على موديل 2013 منها اللى بطلت تنزل مصر بسبب انها وقفت سوق البومة القرش وقتها , فأكتفى الرواس بـ 29 عربية ونزل بعدها موديل اللى عليه علامة الشركة ساوث ايست اللى هى ليونسيل 3 , اللينك فى الأسفل
http://www.soueast-motor.com/cp/lancer/

المشاركة الأصلية كتبت بواسطة egyptiandiver

المعرض ده عنوانو فين تقريباً يا جماعة و اسمو إيه لو أمكن؟

المعرض ده كان المنسى فى الدقى موزع مستسوبيشى وخلصت خلاص هما كانوا 29 عربية نزلوا واتحجز منها اكتر من 400 عربية والرواس لما لقى الموضوع كده وحياثر على مبيعات البومة والقرش فقفل استيرادها , لأن الناس حسبتها ببساطة كده اركب byd او اسبرانزا ولا اركب عربية خارجة من مصنع ميتسوبيشى وبتوكيل الرواس