السؤال
ايه اوجه اعتراض والدك ووالدتك على الفتاة
عرض للطباعة
السؤال
ايه اوجه اعتراض والدك ووالدتك على الفتاة
اسمع مني عشان انا كنت في نفس موقفك ده بالظبط ..
كنت مكان البنت دي واهله كانوا عاملين معاه زي اهلك بالظبط عشان مامته عايزة تجوزه واحدة بنت صاحبتها .. بس اهله ماكانوش يعرفوني ولا عمرهم شافوني اصلا
بص بقى
الاول كان متردد وخد وقت كتير زيك كده عشان يفتح الموضوع خوفا على زعل والدته لحد لما خد قرار وفاتحهم .. مامته زعلت منه وخاصمته ومبقتش ترد عليه .. بس اقنع والده لان دايما الاب بيبقى عقلاني غير الام خصوصا في المواضيع المصيرية دي ..
والده جالنا البيت عشان يرضي ابنه مش اكتر وهو مش مقتنع ..
بس الحمد لله رب العالمين بعد ماقعد مع والدي ووالدتي ومعايا .. واتكلمنا وضايفنا واتعرف على اسرتي ..
الموضوع اختلف تمامااااااااااااا والراجل حس ان الحمد لله احنا ناس كويسين جدا وحبني وارتاحلي انا واسرتي ..
وخطيبي كان مبسوط جدا بالزيارة دي ..
فضلت مشكلة مامته لحد لما اقنعها انها تقابلنا وبرضه الحمد لله اول لما شافتنا وقعدت معانا انا وماما واتكلمنا
الموضوع اختلف خاااالص وببركة الدعاء ومشيئة ربنا الحمد لله الموضوع مشي زي الفل ما شاء الله ..
وعلى فكرة نفس الموقف حصل مع اخوه من قبله عشان برضه كانت عايزة تجوزه بنت اختها .. بس الفرق انهم لما قابلوا اهل مرات اخوه مرتحوش معاهم وكانوا رافضين البنت ومع ذلك اخوه صمم يتجوزها واتجوزها فعلا ودلوقتي معاه ولد .. ومش عايزة اقولك العلاقة بينهم اتحسنت ازاي .. لان البنت طلعت كويسة جدا واخلاق اوي اوي وعرفت تخليهم يحبوهاواثبتت انها زوجة صالحة ومريحة ابنهم وبقت دلوقتي هي وابنها عندهم فوق الكل ..
انا ليه بقولك كل الكلام ده ..
عشان اقولك ان لو البنت كويسة فعلا واخلاق وبنت ناس ومستوى اجتماعي حلو وبتحبها يبقى حرام تسيبها .. اتمسك برأيك وصمم عليها وفاتح والدك واتكلم معاه ولو هي فعلا بنت كويسة صدقني هيحبوها والمواضيع كلها هتمشي ..
طبعا انا مع الاراء اللي قالتلك اوعي تزعل والدتك ولازم تكسب رضاها وبلاش تعاند معاها ... لكن ده في حالة انها شايفة البنت اخلاقها مش كويسة او مستواها مش تمام ومش هتعرف تربي ولادك وتحافظ على بيتك ..
لكن والله مدام البنت كويسة .. اوعى تفرط فيها وادعي ربنا يجمعكم على خير ويحنن قلب والدتك عليها ..
نصيحه متسيبش البنت دى وحاول على قد ماتقدر لانك لو سمعت كلامهم مره هتلاقيهم كده فى اى موضوع تانى
انا ليا واحد زميلى سمع كلام اهله وساب بنتين بعد ماكان يخطبهم ودلوقتى ندمان اشد الندم لانه سابهم من غير سبب وشايف انه مش هيعوضهم تانى
وربنا معاك ويكرمك طالما ناوى خير
حاول مثلا تضغط على والدتك وقولها انهك هتسافر وتسيب البلد لو ما اخترتش البنت اللى انت عاوزها
وقولهم ان دى حياتك وانت اللى تختار ومستعد لتحمل العواقب وربنا يوفقك لو الموضوع فيه خير ليك
هوا مش الى بيشيل قربة مخرومة بتنقط على دماغة ,,, وانت الى هاتشيل القربة دى لو حصل مشاكل ( لا قدر الله )
يعنى انت قدامك حصل من 2 تنقع الحج
يا اما بأى حال من الاحوال زى ما miss_pharama
قالت انك تحاول بشتى الطرق انك تقنع اهلك انهم يقعدوا من اهلهااا
------
يا اما فى حل تانى ممكن تخلى ممامتك تعرف وتشوف عن البنت دى مواقف الجدعنة وانها احسن من غيرهااااااا وانها الافضل من البنت التانية الى انت كارهااااا اساسا وعلى فكرة دى نقطة مفروغ منهااا لازم اهلك يعرفوهااااااا عشان مش كل شوية تنطلك فى المقدر ويطلع اسم البنت دى
-------------
وربنا يوفئك ويتمملك الموضوع على خير
خد الموضوع بالراحه لان احيانا الام و الاب بيصعب عليهم ان ابنهم ما يسمعش كلامهم أو انهم يلاقوه ملهوف على بنت
فالرفض يكبر فى دماغهم .. و متهيالى موضوع الجيش مش مشكله اهم حاجه يتقبلوا ارتباطك بالبنت ..
و طالما ان البنت مافيش عليها خلاف فى ادبها و تدينها و اهلها برضه يبقى اكيد اللى حصل ده مجرد سوء تفاهم
بس انت ابدأ الموضوع مع باباك و اساله عن رايه فى البنت و عيلتها .. لو قالك انه مش طايقهم اساله عن الاسباب و ناقشه فيها
لما توصلوا لحل فى رايه و يبدا يغير فكرته .. قوله انك لسه بتفكر فيها
و يا رب يا رب يجمعكم على خير فى بيت واحد و يجعلكم زوجين صالحين فى الدنيا و الاخره
نصيحة أخوك حاول تفهم والديك الموضوع واقنعهم بالفتاه كل على حده مافيش استجابه منهم ... أطع والديك
ها طمنا وصلت لايه في موضوعك؟؟؟؟؟؟ منتظرين تطمنا
مفيش..أبوها مسافر شغله وراجع تاني شهر 11 ياخد منها الرد الأخير.يعني دي آخر فرصة ليا.في الشهرين دول أكون كلمت الوالد والوالدة وأتقدم.ده المفروض لو الأمور سالكة يعني
يالا ربنا معااااااااااااااك
الموضوع ده بقا بيحصل كتيييييييير وأنا اللى كنت فاكر نفسي حاله نادره!!
المهم ياباشا كتر خيرهم الأعضاء قالولك كلام زي الفل انت دلوقتي تنفذ واهم حاجه الاصرار يعني شيل من دماغك فكره ان الموضوع ممكن يتفركش..متفكرش في احتمالين هو احتمال واحد بس حطه في دماغك انك لاما تقنعهم لاما تقنعهم والزن على الودان زي السحر انت كل يوم تكلمهم في الموضوع ده واوعى تفكر ان الدنيا هتبقى وردي لأن انت اول متفتح الموضوع هتلاقي الدنيا انقلبت والبوب بيقلك بص يابني ان مش همشي معاك في الطريق ده ومش هجوزهالك حتى لو آخر واحده في الدنيا..الخ وهيفضل يقلك الكلام ده ييجي عشرميه مره وانت برضو تصر على موقفك وتعرفهم انك مش هتجوز غيرها وتلمح انك هتجوزها حتى لو موافقوش وهتسيلهم البلد
طبعا الموضوع هياخد منك شهور مش أيام عشان توصل للي انت عايزه بس الطريق مش مفروش بالورود ده كله شوك وزعل وحرقه دم بس اهم حاجه متزهقش او تكنسل الموضوع عشان تريح دماغك ..ولو انت مش مستعد تضحي او حاسس انك ممكن تعيش من غيرها عادي يبقى انسى كل كلامي ده وانساها..
اخلع قبل فوات الاوان
حيث لاينفع الندم
واضح انك مركزتش في الرد بتاعي انا مبقلكش اخلع خالص..الباشا اللى جه بعديا هو اللي بيقلك اخلع وأنا بعلق على كلامه بقول ان ده نداله قشطه
انا بستغرب ليه بنت بالمواصفات ده اهلك رافضنها فيه حاجه انا مش فاهمها احنا عارفين الموضوع منك لكن مش عارفين هما ليه رافضين؟عموما لو انت عارف ان اسباب الرفض ممكن الرد عليها يبقى مستنى ايه لازم تبدأ المواجهه فورا علشان الوقت بيضيع من ايديك ولازم تاخد موقف لان اختيار شريكه حياتك امر يخصك لوحدك وخصوصا انك جايب واحده بنت ناس بس كله بالعقل علشان توازن الامور بين طاعة الوالدين وانك تنول الانسانه اللى اخترتها عن قناعه.
واسمح لى ان اذكرك بهذا الحديث
عن أبي العباس عبدالله بن عباس رضي الله عنه قال كنت خلف النبي صلى الله عليه وسلم يوماً فقال " يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف "
يعنى فى النهايه كل شئ نصيب فا مافيش داعى للهروب من المواجهه :B4_611:او تأجيلها.
ادعوا الله ان يوفقك وان يحقق لك كل ماتتمناه.:ask:
انت تبتدي بوالدتك و تسمع منها اية سبب اعتراضهم عالبنت و تفهمها بالعقل ان الست اللي وقعت بينهم دي غرضها خبيث وواضح للعيان و انها عاملة الملعوب دة علشان تخللي والدتك تكرة البنت و يفشكلوا موضوعها و يجوزوك بنتهم وانت طبعا مش حاتتجوز اللا اللي قلبك مختارها
اوعي تزعل والدتك
والله انا مزرتش والدتي بقالي حوالي 10 ايام وحاسس انها زعلانه وعشان كده كل يوم بنزل من الشغل بدون مبالغه بلاقي العربيه مخبوطه
عارف يعني ايه كل يوم؟؟؟
انا عارف ان الكلام اللي هقوله هيزعل بس لازم اقوله
انا ضد العلاقات والحوارات اللي بتحصل دي خالص - يعني ايه واحده متدينه ومحترمه جدا وعلي علاقه بشاب وبيتكلمو مع بعض وبيحبو بعض والكلام ده - معلشي بقي دي دماغي
مش معني انك تحب واحده انك تروح مع نفسك كده تكلمها وتبقي علي علاقه وحوارات
عامة اللي حصل حصل - حاول بقي زي ماالأعضاء قالو تاخدهم بالهداوه وربنا يباركلك ويخلصلك الموضوع علي خير
علي فكره - انا كنت بحب مراتي من اولي ثانوي وفضلت احبها لحد ماخلصت كليه واتقدمتلها واتجوزنا واكتشفت انها كمان كانت بتحبني من اولي ثانوي برده ومع ذلك عمر لساني ماجه علي لسانها ولا اتكلمت معاها في اي حاجه من قريب ولا من بعيد
اقولك على حاجة حلوة وممكن يكون مدخل حلو للموضوع وهيبقى كوميدى ولذيذ وممكن ويكسر الحاجز الى بينكو افتحلة نايل موتورز وافتحلة الموضوع من اولة وخلية يشوف اراء الناس
ولو هو كمان عندة راى يكتبة
مش عارف ممكن تكون فكرة عبيطة بس جت فى بالى