ياشباب عايز حد يفيدنى ويقولى بكام مساعدين ال 128 الامامى استراد
لانى لقيتهم جداد ب 400 جندى
وياريت المكان الى اجيب منه استيراد احسن ايه
او لو حد عارف حد يقولى الهى يخهمله يارب هههههههههههههه
عرض للطباعة
ياشباب عايز حد يفيدنى ويقولى بكام مساعدين ال 128 الامامى استراد
لانى لقيتهم جداد ب 400 جندى
وياريت المكان الى اجيب منه استيراد احسن ايه
او لو حد عارف حد يقولى الهى يخهمله يارب هههههههههههههه
ايه يارجاله محدش عايز يفيدنى فى امنتدى الى انا برجعله فى كل حاجه
قشده يارجاله
انا زعلان
الاستيراد الواحد يعملوا في حدود 100 جنيه و الجديد في شركه النصر يوغسلافي ب 187 جنيه !!!!!!!!!!!!
يعني يا باشا انتا هتغيرهم علشان تجيب استيراد! او علي اساس ان مصر فيها استيراد اصلا!! ههههه ديه 128!! يعني شوف كام واحد معاه 128 و غير مساعدين استيراد يعني اصلا الأستيراد خلص!! :)))
يتجاب جديد من شركة النصر زي ما العضو الفاضل قال ليك او نوع الماني اسمه مايلي و موجود عند فيات 2000 تقريبا في شارع دمشق و الجوز ب 420 و ميزته انه ادائه كويس و ناعم عالعربية (علشان حوار علب الشاسيه )
السلام عليكم
لوسمحت يا جماعة انا معايا برضوا عربية فيات موديل 1989\128وانا جديدة فى موضوع العربية عاوزة اعرف ايه هو المساعدين علشان فى ناس بتقول انا العربية بتاعتى المساعدين اللى وراء فيهم حاجة يعنى نزلينى تحت انا عاوزة لاعرفه ايه الفائدة المساعدين واروح لمينممكن يصلحهم .ممكن حد يدينى ايه معلومات عن السيارة
الف شكرا جزاكم الله الف شكرا
اولا منوره الموضوع
ثانيا انا هشرحلك المساعد بيعمل ايه بالظبط وخدى بالك انك هتتعلمى من منتدانا ده كتير
بس اسالى وهتلاقى اجابه على سؤالك ان شاء الله
نبداء
يقوم المساعدين بامتصاص الصدمات الناتجة عن كثرة المطبات الصناعية الى مفيش اكتر منها فى بلدنا وبعض انحناءات الطريق ويعد المسئول الأول عن راحة الراكب ويساعد على اتزان العربيه فى المنحنيات وعلى الطريق والعربيه فيها 4 مساعدين 2 ورا و2 قدام ولو بصيتى من قدام فوق العجله هتلاقى سوسته الى جوة السوسته دة هو المساعد
ولو المساعد بايظ ممكن ياثر على شاسيه العربيه
يارب اكون افدتك وفيه ناس كتير هنا فى المنتدى يقدرو يوضحو اكتر
واسف للاطاله
اتفضلى دة لينك لموضوع بيشرح مكونات العفشة
http://www.nilemotors.net/Nile/98710-a.html
الاعراض اللى بتظهر لما يكون المساعدين بيظين
*لو المساعد فاضي بيخلى ثبات العربية على الطريق وحش (العربية بتعوم) لان المساعد هنا دورة انة يمتص الصدمة ويرجع لوضعة تانى علطول لكن لما يكون المساعد فاضى هياخد الصدمة ويفضل يطلع وينزل كذا مرة وهنا طبعا ثبات العربية هيكون فى الضياع.
*المساعد محجر وفى الحالة دى بيبقى المساعد زى الحجر وكانة مش موجود نهائيا لما تنزل فى حفرة او فى مطب بتلاقى العربية بترزع وبتدب ومتحسيش براحة نهائيا داخل العربية
والحالة الاخيرة دى من اسؤا الحالات لان المساعد بياثر على الشاسية ويبهدلة (عندى مرة المساعد الامامى يمين حجر وماخدش بالى غير لما خد الشاسية ونزل بية شوية لتحت)