شباب سؤال رفيع لو سمحتو عن مساعدين 128

**dreftage** · 02-09-2010 01:05 AM

ياشباب عايز حد يفيدنى ويقولى بكام مساعدين ال 128 الامامى استراد
لانى لقيتهم جداد ب 400 جندى
وياريت المكان الى اجيب منه استيراد احسن ايه
او لو حد عارف حد يقولى الهى يخهمله يارب هههههههههههههه

**dreftage** · 03-09-2010 05:49 AM

ايه يارجاله محدش عايز يفيدنى فى امنتدى الى انا برجعله فى كل حاجه
قشده يارجاله
انا زعلان

**khaled_bibo** · 03-09-2010 06:01 AM

الاستيراد الواحد يعملوا في حدود 100 جنيه و الجديد في شركه النصر يوغسلافي ب 187 جنيه !!!!!!!!!!!!

**semsem_uno** · 03-09-2010 06:51 AM

يعني يا باشا انتا هتغيرهم علشان تجيب استيراد! او علي اساس ان مصر فيها استيراد اصلا!! ههههه ديه 128!! يعني شوف كام واحد معاه 128 و غير مساعدين استيراد يعني اصلا الأستيراد خلص!! :)))

يتجاب جديد من شركة النصر زي ما العضو الفاضل قال ليك او نوع الماني اسمه مايلي و موجود عند فيات 2000 تقريبا في شارع دمشق و الجوز ب 420 و ميزته انه ادائه كويس و ناعم عالعربية (علشان حوار علب الشاسيه )

**dreftage** · 04-09-2010 06:59 PM

المشاركة الأصلية كتبت بواسطة khaled_bibo

الاستيراد الواحد يعملوا في حدود 100 جنيه و الجديد في شركه النصر يوغسلافي ب 187 جنيه !!!!!!!!!!!!

الف شكر ياباشا على ردك

المشاركة الأصلية كتبت بواسطة semsem_uno

يعني يا باشا انتا هتغيرهم علشان تجيب استيراد! او علي اساس ان مصر فيها استيراد اصلا!! ههههه ديه 128!! يعني شوف كام واحد معاه 128 و غير مساعدين استيراد يعني اصلا الأستيراد خلص!! :)))

يتجاب جديد من شركة النصر زي ما العضو الفاضل قال ليك او نوع الماني اسمه مايلي و موجود عند فيات 2000 تقريبا في شارع دمشق و الجوز ب 420 و ميزته انه ادائه كويس و ناعم عالعربية (علشان حوار علب الشاسيه )

يابرنس خلى مايلى لما نسقط موتور وانا فنيتى اجيبهم بس مش دلؤتى
والف شكر ياباشا

**semsem_uno** · 04-09-2010 07:08 PM

المشاركة الأصلية كتبت بواسطة dreftage

الف شكر ياباشا على ردك

يابرنس خلى مايلى لما نسقط موتور وانا فنيتى اجيبهم بس مش دلؤتى
والف شكر ياباشا

لأ يا برنش تسقيط الموتور لازمله مونرو ريسينج علشان الوزن الجديد و ده بيكسر ال 600 جنيه

و بعدين انتا عايز حاجة تنساهل ولا حاجة تكرهك في ال128 زي اغلب الناس للأسف
عموما انا قلتلك و ربنا يوفقك يا معلم

**dreftage** · 06-09-2010 01:27 AM

المشاركة الأصلية كتبت بواسطة semsem_uno

لأ يا برنش تسقيط الموتور لازمله مونرو ريسينج علشان الوزن الجديد و ده بيكسر ال 600 جنيه

و بعدين انتا عايز حاجة تنساهل ولا حاجة تكرهك في ال128 زي اغلب الناس للأسف
عموما انا قلتلك و ربنا يوفقك يا معلم

برنس انا مركب 2 مساعدين بتوع 127 استيراد وبقالهم سنهتقريبا

**doha** · 06-09-2010 02:40 AM

السلام عليكم
لوسمحت يا جماعة انا معايا برضوا عربية فيات موديل 1989\128وانا جديدة فى موضوع العربية عاوزة اعرف ايه هو المساعدين علشان فى ناس بتقول انا العربية بتاعتى المساعدين اللى وراء فيهم حاجة يعنى نزلينى تحت انا عاوزة لاعرفه ايه الفائدة المساعدين واروح لمينممكن يصلحهم .ممكن حد يدينى ايه معلومات عن السيارة
الف شكرا جزاكم الله الف شكرا

**dreftage** · 06-09-2010 08:06 AM

المشاركة الأصلية كتبت بواسطة doha

السلام عليكم
لوسمحت يا جماعة انا معايا برضوا عربية فيات موديل 1989\128وانا جديدة فى موضوع العربية عاوزة اعرف ايه هو المساعدين علشان فى ناس بتقول انا العربية بتاعتى المساعدين اللى وراء فيهم حاجة يعنى نزلينى تحت انا عاوزة لاعرفه ايه الفائدة المساعدين واروح لمينممكن يصلحهم .ممكن حد يدينى ايه معلومات عن السيارة
الف شكرا جزاكم الله الف شكرا

اولا منوره الموضوع
ثانيا انا هشرحلك المساعد بيعمل ايه بالظبط وخدى بالك انك هتتعلمى من منتدانا ده كتير
بس اسالى وهتلاقى اجابه على سؤالك ان شاء الله

نبداء
يقوم المساعدين بامتصاص الصدمات الناتجة عن كثرة المطبات الصناعية الى مفيش اكتر منها فى بلدنا وبعض انحناءات الطريق ويعد المسئول الأول عن راحة الراكب ويساعد على اتزان العربيه فى المنحنيات وعلى الطريق والعربيه فيها 4 مساعدين 2 ورا و2 قدام ولو بصيتى من قدام فوق العجله هتلاقى سوسته الى جوة السوسته دة هو المساعد
ولو المساعد بايظ ممكن ياثر على شاسيه العربيه

يارب اكون افدتك وفيه ناس كتير هنا فى المنتدى يقدرو يوضحو اكتر
واسف للاطاله

**Eng_Mostafa_89** · 06-09-2010 06:03 PM

المشاركة الأصلية كتبت بواسطة doha

السلام عليكم
لوسمحت يا جماعة انا معايا برضوا عربية فيات موديل 1989\128وانا جديدة فى موضوع العربية عاوزة اعرف ايه هو المساعدين علشان فى ناس بتقول انا العربية بتاعتى المساعدين اللى وراء فيهم حاجة يعنى نزلينى تحت انا عاوزة لاعرفه ايه الفائدة المساعدين واروح لمينممكن يصلحهم .ممكن حد يدينى ايه معلومات عن السيارة
الف شكرا جزاكم الله الف شكرا

اتفضلى دة لينك لموضوع بيشرح مكونات العفشة
http://www.nilemotors.net/Nile/98710-a.html

الاعراض اللى بتظهر لما يكون المساعدين بيظين
*لو المساعد فاضي بيخلى ثبات العربية على الطريق وحش (العربية بتعوم) لان المساعد هنا دورة انة يمتص الصدمة ويرجع لوضعة تانى علطول لكن لما يكون المساعد فاضى هياخد الصدمة ويفضل يطلع وينزل كذا مرة وهنا طبعا ثبات العربية هيكون فى الضياع.

*المساعد محجر وفى الحالة دى بيبقى المساعد زى الحجر وكانة مش موجود نهائيا لما تنزل فى حفرة او فى مطب بتلاقى العربية بترزع وبتدب ومتحسيش براحة نهائيا داخل العربية

والحالة الاخيرة دى من اسؤا الحالات لان المساعد بياثر على الشاسية ويبهدلة (عندى مرة المساعد الامامى يمين حجر وماخدش بالى غير لما خد الشاسية ونزل بية شوية لتحت)