الهدف من هذا الموضوع أن نضئ شمعه بدلا من أن نلعن الظلام... نريد كل المشاركات عباره عن أفكار بناءه... لا للشكاوي و لا للتعليقات الهدامه أو التريقه... لو كان توكيل كيا ملكا لك... ماذا كنت ستقدم لعملائك من خدمات؟؟؟؟
عرض للطباعة
الهدف من هذا الموضوع أن نضئ شمعه بدلا من أن نلعن الظلام... نريد كل المشاركات عباره عن أفكار بناءه... لا للشكاوي و لا للتعليقات الهدامه أو التريقه... لو كان توكيل كيا ملكا لك... ماذا كنت ستقدم لعملائك من خدمات؟؟؟؟
مثلا ما المانع في عمل سيارات صيانه متحركه أسوه بشركات أخري كثيره تنتقل لمقر عمل أو سكن العميل للصيانات البسيطه و غيار الزيت و الفلاتر مما يقلل الضغط علي مراكز الصيانه.
لو كان بتاعي ؟؟؟؟؟؟؟؟؟؟
يا نهاار ابيض ........
بص ياسيدي
نمرة واحد :
1 - هاعمل تلات أو أربع مراكز خدمة تكون للصيانات فقط (تغيير زيت سيور فلاتر تيل و خلافه)
2 - هاخد حصة الخليجي في السوق بأي طريقة ..اضرب السعر بتاعهم ...يعني لو خليت فرق الوكيل من الخليجي 4 الاف يبقى بالسلامة
3 - هاتوسع في قطع الغيار و أكون مخزن اقليمي لكيا في شمال افريقيا
4 - هادخل اي عربية كيا الصيانة مع زيادة ممكن تكون 20 % مثلا (جشع برضه مش صاحب توكيل ههههههههه).
5 - انزل الكادينزا بقى 1600 و نعيش و نعمل عروض و نوقف حال الباسات هههههههههههههههههههههه
أه صحيح
و هادخلكو كلكو الصيانة بخصم 50 %
ياللا
هاهاها... حتي في الأحلام فيه جشع :120146b.
أنا معاك بس هقترح تعديل بسيط... تقبل عمل الصيانه للخليجي بدون 4000 أو زياده سعر... إذا كان فاتك تكسب من بيع العربيه و لهفها منك واحد من بتوع الخليجي... لم إنت في الصيانات :satelite:
شكرا أحمد باشا علي الأفكار الجميله
هريح الناس من جشع المصنعيات شويه وقطع الغيار تكون باسعار مناسبة بس يتحقق الحلم ده وانا اخلى صاحب الموضوع ده يعمل صيانة مجانيه مدى الحياة
فاكرين موضوع العضو بتاع برتون الي كنت اتكلمت عليه اهو ممكن نعمل بجد زي التوكيل
ما نحاول نفكر في موضوع الراجل ده
ده ممكن بجد يفيدنا وياريت نناقشه في مقابله معاهم
http://www.nilemotors.net/Nile/176328-a.html
لاازم نعرف برده ان الوكيل مش لوحده يعنى اكيد اكيد اكيد فى حد لاازم ينوبه من الحب جانب ( مفهومة دى صح )
على الاقل هعمل زى الخليج مش اوربا يا سيدى ان انا مسؤول عن اى عربية تحمل علامة كيا موجود فى مصر من البيع لحد نهاية فترة الضمان .
بدل ما اكسب فى العربية الواحده 40000 ( اربعون الف ) كفاية عليا عشرين بس .منا برده عندى مصاريف ( اللى هى فى اول سطر فوق )
افتح مركز صيانة فى كل محافظات مصر تحمل اسم شركتى مش معتمد والكلام الفاضى ده .واجيب مهندسين فعلا عندهم خبرة واديهم مرتبات عالية مش ناس لسه بتتعلم فى العربية .
مش هعمل زى تجار الاوطه وهخزن عندى العربيات علشان سعرها ما ينزلش بالعكس هخلى فترة الحجز بس
لمده شهر وافتح الاعتمادات البنكية بدل العربية هتتباع ومضمونه واوفر قطع الغيار برضه لان مضمون بيعها .
قوم يا ابوليلى علشان تتسحر ......يابنتى صحيتنى ليه لسه مخلصتش كلام .:fun_36_3_4[1]:
التوكيل = ضمان = امان = انتشار
واكيد كلنا فاكرين توكيل مصر المحترم (( وجية اباظة ))
يعني البيجو يعني ((عفاريت الاسفلت)) يعني ((النعش الطائر))
و اظن السيارة دي اكثر سيارة في مصر عملت حوادث علي الطرق
((ولا كان يقدر حد يقول اصل الاتزان معرفش ايه وبعد الميه الرعشة ايه ولا الطارة بترقص ليه )) اسكت ساكت دي بيجججججججو يا معلم والله انا اعرف سواقين كانت تخلص الحادثة ويادوب العربية تتشد وهوه يفك الجبس واول ركوبه تكون بتخييشة تاني اصل ده مزاج )) مهو كان صاج يا باشا السواق من دول يخش وش بوش ميهموش يا دوب كسر ولا قطع مفيش موت ((علشان ربنا كان عاوز يعذبهم علشان الناس اللي معاهم واستهتارهم بالطريق )) واللي من اقاليم مصر قبل الميكروباص مكنش فيه غير البيججججججو هما بيقولوا عليها كدة او القطار وطبعا هي اسرع من القطار التوربيني
اللي عاوز اقوله ان هذه السيارة علاوة علي انها فرنسية الصنع الا انها كانت تدخل مصر عبر وكيل محترم يعرف معني الوكالة حتي احسسنا ان هذا الرجل هو صاحب شركة بيجو في فرنسا و اللي مركبش بيجو موديلات السابعينات ((77 - 78 - 79 )) يبقي مركبش عربيات وكل ده من قوة الوكيل مش حكاية بلد الصنع والدليل ان في نفس الوقت كانت ماركات تانية كتير زي (( الفولفو و الاوبل والاودي ))لا نحس بوجودهم في مصر لانهم بلا وكيل قوي
وهوب الراجل المحترم مات او ((اتنقط)) مات الله يرحمه و يحسن اليه وكمان ماتت اجدع سيارة في مصر لان صاحبها مات
وانا حاسس ان بموت اخر الرجال المحترمين ((محمد نصير)) لا ننتظر الكثير ولا القليل حتي من اي وكيل الان في مصر واصبح المثل اللي بيقول (( اللي خلف مامتش يا رجالة )) طلع مثل قديم بتاع الناس القديمة مش علي عهدنا
اللهم اهديهم علينا ولا تفرح عدوك فينا
م.حاتم السباعي
اولا:تغيير قطع الغيار فى ماعدها لان حصل معايا غيروا البوجيهات فى ال20 الف مع انها فى الكاتلوج 40 الف
ثانيا:بيع قطع الغيار الاصلية فقط وبسعر بيعها فى السوق تيل الفرامل مثلا سعر الاصلى منه فى شارع دمشق ارخص من الوكيل ب 150 جنية ومثلا مسالت فى الوكيل عن الانذار والريموت قالوا مفيش غير نوع كوبرا صينى
ثالثا: اراعى ان فى اساسيات مينفعش تتشال من العربية زى الاى بي اس والريموت والمفتاح الامبوليزر مش معقول ابقى شارى عربية ب 110 ومفهاش الحجات دى وفيها حجات تانية زى التحكم من الطارة للسي دى وفلاش ميمورى وفى بعض الفئات من العربيات الاخرى يخلو المريات والمقابض بلون اسود مش بلون العربية خلاص يعنى القحط وصل لكدة
رابعا : الضمان يبقى ضمان بجد حتى فى ابسط الاشياء مثلا عندى لمبة ضربت وانا لسة مكملتش سنة المفروض تتغير على حسابهم وتحسسك انك فعلا فى الضمان الحكاية كلها 30 جنية مش قضية بس ميبقى مكتوب فى كتيب الضمان الضمان على الكهربا 3 سنين يبقى 3 سنين واسمع قصص كتير ان فى ناس عندها حجات بتبوظ ويقولك دة عيب استعمال اصل انت مش عارف عملت اية كدة يعنى
خامسا ودة الاهم: اسعار الصيانات والمصنعيات مش معقول ابقى شارى العربية منهم والمفروض انى واخد عربية اقل كمليات من الخليجي علشان اضمان وفى الاخر كل مروع اعمل صيانة كل 10 الاف ادفع مرة 400 ومرة 700 ضمان اية الى انت جاى تقول علية :) انا عارف انه ضد عيوب الصناعة لكن علشان اضمن ان حاجة تكون بايظة من عيوب الصناعة ادفع على مدار اول 3 سنين 3 الاف جنية طيب مهو بالعقل كدة الواحد يجرب العربية كويس اول 10 الف مظهرش عيوب صناعةيبقى الضمان ملوش لزمة ولو حاجة باظت ابقى اصلحها بال3 الف دول مع العلم انك لو حاجة باظت وهيوفرولك القطع البايظة هيعملوا التركيبات والمصنعية بمبلغ يدايقك
سادسا: انهم يجربوا العربيات كويس ويشوف اية الى ينفع فى الطرق عندنا واية مينفعش مينفعش مثلا جنط 17 فى طرق زى الزفت الا اذا كان متركب على عفشة بى ام ولا مرسيدس لان عفشتها بتبقى متكلفة ومش يفرق متحطلها جنط كبير لانها بتبقى عفشة معقدة مش بسيطة زى العربيات الى فى حدود ال100 الف
سابعا: يبقى فى رقابة على الجودة مش يبقى المهندس الى فى الاستقبال يسمع منك ويكتب فى ورقة وبعد متخلص وتطلع ممكن تلاقى نفس العيب لازم يبقى فى متابعة ان المشكلة اتحلت ولا لا
ثامنا: الاسعار تبقى عقلانية لو عايز تعمل سمكرة ودوكو فى الوكيل مش يبقى بضعف الثمن برة ويبقى فى توسع وعمل مراكز ضخمة بحيث تقدم الخدمات لعدد اكبر وبسرعة اكبر وبسعر مناسب
يخصص افراد لتسجيل شكاوي العملاء صوتيا ويتم فحصها فورا
زيادة مراكز الخدمة او توسيعها
امكانية عمل نظام ورادي دورية بحيث ممكن عمل الصيانة بالليل زي رمضان
الضمييييييييييييييييييييي يييييييييييييير فقط يحقق كل امانينا !!! صح ؟
الله يكرمك ده بس من الحرقة اللي الواحد شايفها في مصر والحل في نظري يتطلب اقتراحين
الاول _ وهو حل سريع جدا و يقضي علي المشكلة من اساسها لكن سريع الفشل في نفس الوقت ازاي الكلام ده
اري ان الحل الاول يكمن في انشاء هيئات مثل جهاز حماية المستهلك ويكون لها دور مع صناع السيارات مثل هيئة الجودة وهي تقوم بزيارات ميدانية مفاجئة للوكلاء سواء في الاشراف علي اسعار البيع او الحجز او خدمة ما بعد البيع وتكون مزودة بمجموعة خبراء ومحكمين ومحامين كل ده يكون بفلوس يدفعها العميل اثناء شراء السيارة وليكن 2% من ثمن السيارة زي التأمين الاجباري ويكون من حق هذه الهيئات توجيه انظار للشركة الام بأن وكيلها لا يقدم الخدمة الازمة ويكون لهذه الهيئة ان لم تستجب الشركة المصنعة بتدارك الاخطاء بأن توقف تراخيص الوكيل في بلدنا مصر وتوجه العملاء الي مراكز خدمة معتمدة جيدة حتي يتم التزام الوكيل او تغييره طب حلو الكلام ده طب ليه انا متوقع الفشل اقول لحضرتك علشان ان ده كله تحقق وشاركت الدولة معنا في انشاء هذه الهيئات واصبح لها دور فعال هوووووووووب شهرين تلاتة او سنتين تلاتة ويصبح تعيين الافراد في هذه الهيئة بقي بالفلوس وههههههوب يصبح من دخل لهذه الهيئة متطوعا اصبح بقدرة قادر بيصرف الملايين علشان يفضل قاعد علي الكرسي بتاعه طبعا انتوا فاهمين ليه ((علشان الفيلا اللي جت هدية في مارينا والاندروفر اللي جت هدية للننوس الصغير علشان السفاري وال وال وال وال تيييييت احنا في رمضان بقي والعصر اذن يالا نقوم نصلي حرام كده جبنا في سيرة الناس الافاضل الله يسامحك ))
اذن الحل في المقترح الثاني لا محالة
ايه هوه (( الحل في انفسنا يعني كل واحد فينا يتقي الله في عمله وفيمن حوله حتي يكرمنا الله بوكلاء ولاد حلال يتقوا الله فينا يعني تقدر تقول حضرتك كده محتاجين زلزال يهدي انفسنا ))
اللهم اهديني للعفاف والغنا وابداء بنفسي ان النفس لامارة بالسوء اللهم اكفينا شر انفسنا
م.حاتم السباعي
أتمنى من التوكيل كتيييييييير قوي
1- توفر عربيات ب امكانيات وخامات ممتازة أحسن من الخليجي وتتوفر بعدد كويس يكفي الناس كلها من غير حجز والقرف ده
2- اخاف على العميل واوفر الأمان في العربية abs , esp , airbags
3-لازم الوكيل يعرف معني كلمة مراكز خدمة:
مركز خدمة ....بيخدم العميل
يعني اوفرله كل اللي يرضيه من أول الأمن ل مهندسين الاستقبال ل الفنيين ومهندسين ل عُمال النضافة ل حد مايستلم عربيته
4- محتاج نظام أكتر في الحجز عرف العربية بتاخذ وقت اد ايه واحسب بدخل كام عربية وبعد كده احجز المعاد اللي بعده عشان العميل مايستناش كتييييييير
5- طالما العميل حينتظر يبقى نعمل اماكن انتظار كويسة فيها wifi فيها كاميرات على الورش شاشة عليها كل عربية على أنهي كوريك وبيتعمل فيها ايه يعني تغير زيت تغير فلتر تربيط عفشه كده يعني نعمل كافتريا تخدم العميل بدون مقابل
6- نعمل خدمة توصيل العميل يعني لو العميل ريح مشوار قريب نوصله ونرجعه
7- نضافة العربية.... نفسي تبقى عملة زي الكار كير و يبقى فيه معطر عليه اللوجه بتع كيا
8- نعمل أوفرز كل شوية
9-عايزة العميل يمشي من عندي يتمنى امتى بقى الصيانة الجاية
10- عايزة يبقى في توفر في قطع الغيار والسعرها تبقى قريبه من اسعار بره عشان يبقى اغراء للعميل إنه يشتري من عندك
يعني الأحلام كتير ........... من نحيتي أنا بحاول
الأول بس بالصلى على النبى
هجبلى حتة كادينزا ام سقف على البحر دى وأعيشلى يومين تلاتة
وبعدين أبقى أفكر أعمل ايه بقه
عمركوا شوفتوا جشع أكتر من كده؟
ههههههههههههههههههههههههه ههههههه
أهم حاجة يكون عندهم ضميــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــر
ويبطلوا سفسطة فى الكلام
ويقولوا ايه اللى بيعملوه بالضبط فى العربيات
وكمان نبقى شايفين بيعملوا فيها ايه
وقبل ما يغيروا أى جزء ياخدوا مننا approval الأول .... حتى ولو كان ببلاش
ويكون عندهم تفسير لكل سؤال
مش يقولوا هى كده !!!
توفير قطع الغيار
يشتغلوا السبت فى ابو رواش
مركز خدمة فى الصعيد
محلات تبيع قطع الغيار
اكسسوارات
عربية ولا توكتوك يوصل العملا من ابو رواش لاول الصحراوى
طبعا صح.. طيب عارف إن مدخلتك دي جابتلي فكره شريره جدا... و هو وجود شخص في التوكيل وظيفته البحث في الشكاوي المتكرره... يعني لو دخلت الصيانه لعلاج مشكله و بعد إستلام السياره وجدت أنها لم تحل... تروح للشخص و تشتكي و لو ثبت صحه الموضوع يكون مسئول عن توقيع جزاء للمسئول عن التصليح و تكون علاواته جزء من الخصومات التي وقعها فطبعا من مصلحته إنه يتابع شكوتك و يكون في صفك مش ضدك و طبعا من مصلحه المسئول عن التصليح إنه يجرب السياره و يتأكد إن المشكله إتحلت و إلا هيتخصم من مرتبه... و لا يترك الموضوع لمدير الصيانه اللي مره معاك و مره عليك.... غريبه إن الشياطين مسلسله في رمضان و الواحد ييجيله الأفكار دي :049:
الصراحه أنا أحب أشكر كل من ساهم بأفكاره و مستغرب أوي... اللي بيشتكو أكتر من 1000 , إللي شاركوا بأفكرهم عدد قليل أوي... ماهو يا جماعه لو معندكش فكره لحل مشكله واجهتك يبقي متستهلش تشتكي... وللا إيه؟ ماهم الناس اللي في التوكيل مش سوبر و لو إنت مش لاقي حل... ماتلمهمش..
هوة احنا ممكن نعمل رابطه قانونيه رسميه بجد تروح تتناقش مع الوكيل وتعرض المطالب و المقترحات بطريقه رسميه و يكون ليها حق التحدث الرسمي مه حمايه المستهلك ولا ده تخاريف صيام مني و هرطقه؟؟؟