اولا مبروك علي العربيه رغم كل المشاكل اللي قولت عليها بس اعتقد كدا حضرتك معاك ساجا اوتوماتيك صح ولا كلامي غلط ؟
ثانيا المفروض حضرتك كنت بصيت علي الكلام ده كلوا قبل ما تشتري العربيه يعني الموكيت اللي مش عاجب حضرتك و المسامير اللي ملهاش غطيان بلاستيك ديه نيجي بقي لصوت التزييق اللي بيظهر مع الفرامل لو انت معاك اوتوماتيك و صوت التزييق ده خفيف لما بتيجي تدوس فرامل فده العادي انما لو الصوت واضح اوي و جامد و بتحسوا اوي يبقي حاجه من الاتنين يا اما العربيه لسه بطبع يعني لسه حضرتك بتقول عامل 1000 كيلوا الكلام ده كان بيحصل معايا في الاول و انا دلوقتي عامل 3000 كيلوا و مفيش الصوت ده راح خالص من عندي و لما سألت قالو ان التيل و الطنابير لسه مطبعتش علي بعض نيجي بقي لصوت التزييق الجامد و الطقطقه في الطرق ده ممكن يكون العفشه عاوزه تتربط و تتشحم كويس و ان شاء الله مش هتسمعوا تاني انما لو العيب لسه موجود بعد ما تعمل كدا من حقك بقي تروح التوكيل و تخليهم يشوفوا الموضوع و يحلوه و يطلع حد معاك يجرب العربيه