ممكن صور فورد فيستيا 1997

**aYaBooY** · 05-09-2010 06:16 PM

المشاركة الأصلية كتبت بواسطة tawfeek

والله مش عارف أقول ايه انت الوحيد فلنت كولوو اللى فعلن بيفدنى و بيقول كلا يدى عوقاد نافع
بس معلش هتعيبك فى كان ابيزا 93 ايه رأيك فيها
أصل أوداى وحدة متظبطة تماااام و 24000 ياريت تفدنى
شكراااا شكراا

لا سيبك من الايبيزا
بص ما يسري على الفورد يسري على الستروين و مشتقاتها ( بيجوهات غريبة او حديثة ) و يسري على السيات و الفيات الجديد
خليك في البرايد ديه فعلا طلبك و هاتريحك و سهل تتعلم فيها و اي حاجة هاتبوز منك تقدر تغيرها علشان رخيصة و لو صنيعي اشتغلك و قالك محتاجة شغل كتير بردوا مش هاتدفع كتير و اي حد يعرف يشتغل فيها يعني اي صنيعي مش عاجبك تقدر تروح لغيرة

**aYaBooY** · 05-09-2010 06:23 PM

المشاركة الأصلية كتبت بواسطة islam_shady

معلش ارجو توضيح الجمله دى؟؟

يعنى ايه نوعية المشاكل اللى ممكن تقابلنى لو جيبتها.

و هل ينفع اجيبها [gdwl]لزوجنى[/gdwl] مثلا ولا هاتتعبنا؟

اولا زوجت حضرتك سواقة محترفة ولا لا
لو لا يبقي حضرتك تروح تجيبلها اي عربية حاجتها رخيصة علشان
لما طقم الدبرياج يخلص بسرعة هاتغيرة في فورد بـ 1500 جندي
لما سواق مش محترم يكسر عليها و يخبطلها رفرف و يجري زي الـ ..... متروحش للسمكري يقولك اصتبحنا و اصطبحت الاشتغالات على الصبح جالنا زبون
لما المدام تبقي بتزعك في ابنك او بنتك و هي سايقة و تلبس في العربية الي قدامها ( لا سمح الله ) متلاقيش نفسك عاوز تجيب جوز فوانيس و شبكة بـ 800 جنيه غير الريدياتير لو اتعجن او الاكصدام
لما تقف منها العربية تشاور لاي سواق تاكسي يقف يعملها و يمشيها مش اول لما يفتح الكبوت يقول سبحان الله علم الانسان ما لم يعلم و يقي مش فاهم اي حاجة في العربية
انت تجيبها ليك العربية تحفة ملهاش حل ثبات و قوة و فخامة و راحة بس طبعا تكون فاهم اي صوت من ايه و ايه الي لازم يتعمل و ايه ممكن يتاجل
و اخيرا انا عن نفسي بدور على عربية لاختي و مش هاجيبلها عربية فورد

**Islam_Shady** · 06-09-2010 11:27 AM

المشاركة الأصلية كتبت بواسطة ayabooy

اولا زوجت حضرتك سواقة محترفة ولا لا
لو لا يبقي حضرتك تروح تجيبلها اي عربية حاجتها رخيصة علشان
لما طقم الدبرياج يخلص بسرعة هاتغيرة في فورد بـ 1500 جندي
لما سواق مش محترم يكسر عليها و يخبطلها رفرف و يجري زي الـ ..... متروحش للسمكري يقولك اصتبحنا و اصطبحت الاشتغالات على الصبح جالنا زبون
لما المدام تبقي بتزعك في ابنك او بنتك و هي سايقة و تلبس في العربية الي قدامها ( لا سمح الله ) متلاقيش نفسك عاوز تجيب جوز فوانيس و شبكة بـ 800 جنيه غير الريدياتير لو اتعجن او الاكصدام
لما تقف منها العربية تشاور لاي سواق تاكسي يقف يعملها و يمشيها مش اول لما يفتح الكبوت يقول سبحان الله علم الانسان ما لم يعلم و يقي مش فاهم اي حاجة في العربية
انت تجيبها ليك العربية تحفة ملهاش حل ثبات و قوة و فخامة و راحة بس طبعا تكون فاهم اي صوت من ايه و ايه الي لازم يتعمل و ايه ممكن يتاجل
و اخيرا انا عن نفسي بدور على عربية لاختي و مش هاجيبلها عربية فورد

جزاك الله خيرا

انت فعلا جيبت من الاخر و اشكرك على الرد

**a3reda** · 06-09-2010 08:22 PM

ههههههههههههههههههههههههه هههههههه

طبعا الباشمهدس جوزيف قفل المواضيع وخلى الزباين تهرب من الفورد

وكلامه كله صح صدقونى

لكن احب اوضح نقطه صغيره جدااااااااااااا ان ال يشترى عربيه فورد اى نوع من انواعها واى فئه لازم يتأكد انه سليمه

ولو اختار عربيه سليمه هيرتاح من اى دوشه وهيركب زى الباشا وموش كل شهر يزور الميكانيكى انما ممكن كل سنه او اكتر ولما هيزور الميكانيكى هيلاقى قطع الغيار غاليه شويه انما لو عمل مقارنه الاسعار بالموديلات الحديثه هيلاقى قطع الغيار متقاربه

والله كان معى فورد اسكورت قعدت معى 5 سنوات كنت احط البنزين واغير الزيت بس ونسيت اشكال المكانيكيه والكهربائيه

وحصلى حادث مره دخل في الباب ال جنبى عربيه تاكسى شاهين صدقووونى ربع العربيه الشاهين ادمر وانا الباب عندى اتخبط بس وقزاز الشباك اتكسر لدرجه لقيت الناس بتجرى عليا تفتكرنى موت بسبب حجم كارثه الشاهين

الف حمد لله واكتشفت ان فى حشو الباب عندى مواسير حديد صلب وهى ال اخدت الصدمه كلها

السمكرى لما فك الباب واحد ساعده فى شيله ولقيته بيضحك وقالى لو كنت راكب اى عربيه من العربيات التانيه كنت رحت فيها

ايه رائيكم الفورد فورد مهما تكون قطع غيارها غاليه وربنا يوفقكم فى الاختيار الصح