مطلوب معلومات عن إيسوزو ربع نقل "دبل كابينة"

**mshamy** · 02-09-2010 09:40 AM

السلام عليكم ورحمة الله وبركاته

أحد أقربائي معروض علية سيارة إيسوزو ربع نقل دبل كابينة مو 2009 عاملة 13 الف كيلو مطلوب 85 الف ..السيارة فابريكة بالكامل

وأريد المساعدة في الأتي:
1- من هو وكيل إيسوزو في مصر؟
2- سعر السيارة الزيرو 2010 كام؟
3- هل توجد أي معلومات بخصوص السيارة (إيجابيات أوسلبيات)؟

وجزاكم الله خيرا

**shaddadfalcon1** · 02-09-2010 10:20 AM

انا اللي اعرفه سعر العاديه
اخر حاجه اعرفها كانت النص عامله 110 والفاضيه كانت 104 او حاجه شبه كده والكامله تقريبا كانت ناحية 120

الدوبل اكيد اعلي من كده

بس بصراحه في النص نقل غالبا مش بتتباع الا لعلة يعني حادثه او خاذوق وساعات كتيير بيبقي صعب تتكشف

يعني يستحسن يبعد عنها الأ لو شخص موثوق فيه قوي

بالنسبه للسعر انا حاسس انو واقع قوي لان لو عاديه حتي و 2009 زي مابتقول حتلاقيها ناحية 87

النص نقل بيبقي ماسك سعره شويه وبعدين 13 الف دوول ممكن تعملهم في شهر

**Eslam.Elrefaey** · 02-09-2010 10:39 AM

سعر الفاضيه 160 الف دى 2500 تيربو عاديه وسعرها كده مش مزبوط اعرف واحد معاه 3000 تيربو ديزل أوتوماتيك كاملة من زجاج كهرباء لما للكاسيت كان جيبها من قطر بس دى 4*4 كانت معديه 260 الف بس مش عارف كام بالظبط بس كانت شدييييييييييييييييييييييي ييدة اوى بس السعر ده مقلق جدا

**mshamy** · 02-09-2010 10:41 AM

أشكركم على سرعة الردود
العربية فاضية ...لايوجد بها أي كماليات
والبائع يعتبر ثقة و لا نزكي على الله أحد

**shaddadfalcon1** · 02-09-2010 12:19 PM

بس برده السعر مقلق جدا جدا جدا
اصل 13 الف دي بالنسبه للنص نقل يعني مش ماشيه حاجه

يعني زي اما اسلام قال لو سعرها كان 160 الف يبقي تتباع ب 140 اقل حاجه مثلا
انما 85 دي يبقبي اكيد فيها حاجه

**mshamy** · 02-09-2010 03:07 PM

محدش يعرف من اللي واخد توكيل الإيسوزو في مصر؟

**ahmed_mido1889** · 02-09-2010 03:22 PM

الوهاب تقريبا هو اللي واخد توكيلها

**Eslam.Elrefaey** · 03-09-2010 03:12 AM

أنا أظن انه كان منصوررررر بس مش عارف لسه معاه ولا لأ لأنه كان عامل مرة اعلان وكان حاطط بادج ايسوزو فيه بس اصلا العربية مش محتاجة توكيل لان اى حد بيفهم فيها

**mshamy** · 03-09-2010 09:39 AM

المشاركة الأصلية كتبت بواسطة eslam.elrefaey

أنا أظن انه كان منصوررررر بس مش عارف لسه معاه ولا لأ لأنه كان عامل مرة اعلان وكان حاطط بادج ايسوزو فيه بس اصلا العربية مش محتاجة توكيل لان اى حد بيفهم فيها

جزاك الله خيرا على الإهتمام والرد
أنا كلمت منصور إمبارح..وقالولي انهم مش وكلاء إيسوزو..
الغرض من السؤال عن التوكيل مش مجرد الإصلاح ...برضه قطع الغيار و أسعار البيع و الموديلات..يعنى كنت عايز أخذ فكره كاملة...

**hamada_eng2001** · 11-09-2010 09:23 PM

سعر العربية دي مش مظبوط ممكن تكون مغيرة كابينة أو عايزة مكنة جديدة و فتيس و دة عيب منتشر في الديماكس و المصري من بعد 2005 أعرف عربية غيرت موتور في التوكيل قبل أول غيارة زيت و كانت 2007 مصري لو نظيفة تلعب في 140 أو أكتر و خلي بالك العربيات المستوردة ملهاش ضمان و قطع غيارها بتبقى غالية مثلا فلتر الهواء المصري ب 60جنية الأصلي 110 لو عايز دبل كابينة أشتري دبابة مصري و ممكن لتلاقيها بنزين أوفر و أسرع من السولار