السلام عليكم
الاتنين نفس السعر
ايهما افضل
اوبل استرا هاتشباك الجديده ولا برافو
عرض للطباعة
السلام عليكم
الاتنين نفس السعر
ايهما افضل
اوبل استرا هاتشباك الجديده ولا برافو
برافو t-jet ال 150 حصان أحسن بكتير في كل حاجة أولها الdesign لحد الموتور و امكانيات و تكنولوجيا أعلى و تحت أمرك في أي استفسار
اكيد حضرتك مش واخد بالك من شكل الاسترا 2010
عشان نكون صريحين ...الاسترا كسياره افضل بس طبعا قوه الموتور لصالح البرافو ..الثبات لصالح الاسترا بفضل نظام التعليق الخلفى "المبتكر"
لكن بالرغم من ده كلللللللللللله
هات برافو عشان توكيل اوبل اسوا توكيل فى مصر و سيبك من اعلانات التلفزيون ...
اوماترا على اى وضع هيبقى احسن من منصور
على الاقل مش هيبيعلك عربيه عامله حادثه و متصلحه ...
ولا هيقولك اجيبلك قطع الغيار بس تدفع تمن الشحن 8000 جنيه !!
ولا هيبيع قطع غيار مش اصليه
+1 أسترا أفضل في الstability. بس لو انت بتحب الجري كفاية ان البرافو turbo فحتساعدك أكتر
بص سيبك من اي اعتبارات تانية
انا واحد صاحبي شقيق عمري من 17 سنه معاه ال2 فيات واوبل...
1- التكنولوجيا في الفيات غلط ومن الاخر ف فيات او الايطالي عامة كل ما تبسط في الاوبشنز والتصميم يبقى احسن... وبجد بص على المواقع العالمية هتلاقي الناس كلها بتشتكي من الايطالي في عمر الاكسسوار وطقم الكهرباء حتى في الالفا روميو وساعات الفيراري كمان
2- الالماني مش هتلاقي فيه كل الحبشتكانات بتاعة الفيات (البرافو من جوة انضف من صالون البيت لدرجة انه فيها تلاجة تشيل 2 كانز في المسند) بس عمر العربية اطول.... لكن برضه الاكسسوار بيريح (في كام فيكترا ف مصر ماشية بشاشة البيانات شغالة او مفاتيح التكييف كلها 100 100) ومشكلة الاوبل انه هتدفع دم قلبك في قطع الغيار وممكن تغير حاجات ومتعيش (صديقي ده مغير 3 فتايس اوتوماتيك في الفيكترا وبيقول ياريتني حاولت اصلح الفابريكة بتاعها)
3- على المدى الطويل قطع غيار الفيات بتظهر في السوق وفي الحرفيين اكتر
في النهاية القرار ليك والاستخارة مفتاح الهداية ان شاء الله.... وانا مش بحكم على شركة او موديل بالنجاح او الفشل انا بس بنقلك خبرة شخصية فردية من واحد معاه العربيتين
لو استبعدنا التوكيلات, و قارنت عربيه بعربيه فقط من كذا جانب...
يبقى نظرياً (حتى الآن)... الأسترا احسن من البرافو و بكتييييير في رأي...
لكن لو عملت حساب التوكيل و باقي العوامل من السعر, لقطع الغيار و غيره
يبقى تجيب برافو افضل و اريح و اسهل و ارخص (لو عجباك و جربتها)...
ده رأي بشكل عام, و ربنا يوفقك للخير ان شاء الله...
تقبل تحياتي...
م الاخر يا باشا... الفيات عايزة الركيب اللي هيعرف ياخد باله منها وتفضل فبريكا وان شاء الله متعملش مشاكل
الاوبل معمرة اكتر بس مش هنحس وانت جوا انه فيها حوارات كتير.... انزل اركب الاتنين وهتعرف انا بتكلم ف ايه.. وياريت تركبهم دايرين عشان تقدر انا بقول ايه... البرافو سفينة فضاء وهي دايرة
عربية x عربية
الأسترا احسن من البرافو
بس الأسترا أغلى تلا تيـ ـن ألـ ـف جنيه مش خمسة و لا عشرة
التوكيلات ........
الاتنين مش اقوياء أو بمعنى أصح سمعتهم مش قد كده
بس الفرق ان منصور توكيل قذر "بيعمل حركات كده يعني مش ولا بد" و أجدع عربية تغوووووووووووووور من وشه
لكن أوماترا مش كده .....بس مش بالقوة المطمئنة برضه
انت عايز هاتش ألماني أو أوروبي
ما تشوف الليون ...أنا ما عاعرفش موقفك منها ايه بس دي بديل و منافس قوي جدا
+1111111111
أستــــــــــــــــاذ و رئيـــــــــــس قســــــــــــم
مرضتش اقوله كده والله علشان مخرجش بره اختياراته اللي هو مقتنع بيها...
لكن حيث انك فتحت موضوع الليون يا دوك, فاسمحلي اطلع الطلعه دي :ma:
الليون في نظري احسن من البرافو 30 ألف مره (نظرياً و عملياً و كله)
الليون بتنافس الاسترا جداا, لكن تتفوق عليها في انها عربيه متجربه و مافيش منها شكوى
و سعرها ارخص من الاسترا, و كمالياتها كتيييييييير, و كل اساسياتها جولف (و شوف انت بقى)
أهو أنا كنت عارف ان المشاركة اللي بعدي هاتكون دي :Ta_clap[1]:
الليون هي هي الجولف في الأساسيات
بالعكس كمان عربية اثبتت وجودها و عملت لنفسها سمعة يعني ما عادتش ظل الجولف الرخيص أبدا
كمالياتها متفوقه و مرضية جدا ......دي فيها كل حاجة بداية من الولية اللي بتقرا الماسيدجات لحاد المرايات الضم
و السعر بالشكل الجديد 155 .......و بالفتيس الDSG و الموتور ال1600 بتاع البنزين 92
يبقى ليه لأ؟
موتور اليون هو متور الاودي موتور جبار والسيارة شكلها روعة ومع الاساد سمير والاستاد غازي في اختيار الليون
seat leon 102hp منين أقوى من البرافو؟!! + البرافو ال150 ب165,000LE
وكلنا عارفي ال150hp دول يعني ايه!! :D
0-100 في 8.2 ثانية! :D
مش عارف انا شايف ان هيكون فيه منافسه لو فى حالة ان البرافو 120 حصان و جايز الليون تتفوق او الاسترا زى الاعضاء المحترمين ما قالو :)
لكن فى حالة البرافو 150 حصان اعتقد كده هتبقى الافضل مرتاحه و معلومه الفارق بين البرافو 120 و 150 مش بس موتور لا دى كماليان اكتر و كمان تقفيل احسن :) اعتقد الى حد علمى فيها esp كمان :)
ياباشا لو بتتكلم في ال150 الف يبقى كده الاسترا بره المقارنة اصلا يعني ياما ليون ياما برافو 120 حصان البرافو تتفوق في الموتور والليون تتفوق في الثبات والوكيل..بس انا بحب البرافو كفاية الجنط 17 والفاميه وطبعا استهلاك البنزين اقل
اما لو 175الف يبقى برافو وش دول 150 حصان ياعم مش هزار ومنصور ده توكيل ابن تيييييت
انا هقولك اللي حصل معايا:
عربيتي فيكترا سي عملت حادثة طلعت على رصيف والايرباجز 2 اتفتحو التلفيات كلها تحت ما عدا رفرف واكصدام وفانوس تمام..
اعمل المقايسة يامعلم طلعت كام؟؟ 101 الف جنيه!!!
لأ ولسة اتفقت اجيب قطع الغيار استيراد وقفت عليا تقريبا 37 الف بالمصنعية طبعا اتأخرت اسبوع عن معادها وانا واقف على دماغ الصنايعية هناك عشان يشتغلو فيها اصلا...
بعد الاستلام :
ماظبطوش زوايا للعربية ورا خالص وقدام كانت معمولة غلط.
اسمع دي... العربية جابت موتور وان مروح بيها!!!
غيرتو بره ب10 تانيين
اكتشفت بقى حاجه كمان قريب: شغل السمكره بتاعهم زبالة في حتة الي بتشيل القنطرة دي مش معدولة ولازم الموتور يتفك تاني عشان تتعمل....
من الاخر ابعد عن منصووووور وغنيله..
والله انا نفسي في الكابتيفا بس عمري ما هجيبها.
على فكرة ال3 عربيات سعر اعادة البيع بتاعهم في الارض
حاجه كمان لصاحب الموضوع لو نويت على فيات ان شاء الله يبقى اصبر شويه كده لغاية اول السنه علشان المالتى اير هينزل مصر فى الايفو و غالبا هينزل بعد كده فى البرافو
فيات عايزين بيدلوا مواتير التى جيت وبحولوها الى المالتى اير
نسيت اقولك حاجة كمان..
لما جيت اشتري العربية في 11/2007 اداني البرشور بتاع مو2007 المانيوال جيت استلم قاللي دي 2008 مانيوال ومافيش اوتو بردو طلعت بقى ال2008 دي ناقصه عن 2007 مرايات ضم فوجات حساس نور ومطر وجنوط صلب مش المونيوم!!! كماليات معدية 10000 وبنفس السعر ونزل من الكاتيجوري ده عدد قليل جدا من العربيات وانا لبستها
يا جماعه صاحب الموضوع بيتكلم عن البرافو الـ120 حصان, و هو اللي قال كده...
و ده كلامه...
يبقى بلاش نخرج بره الموضوع, و نتكلم عن البرافو الـ150 حصان...!!!
البرافو فعلا موتورها اقوى, لكن ثبات مش على مستوى القوه دي...
الليون تتفوق في الباقي كله, و كمان ثبات محترم جداا و نظام تعليق اكثر احتراماً
و فيها كمان tcs, و ده تأكيداً على جانب الثبات...
البرافو الـ120 حصان مافيهاش esp ولا حتى tcs..!!
ده غير انها على تورشن بيم خلفي..!!!
و في الاخر... موتور قوي, مع ثبات دون المستوى... يبقى بلاها احسن
عموماً ده رأي الشخصي المتواضع...
التي جيت يعني تربو
لكن الملتي إير ده تحكم في الصبابات بالكومبيوتر مش بعمود الكامات مباشره
http://www.youtube.com/watch?v=5IrPcmMHqHE:36_1_8[1]:
انا كنت فاكر البرافو مالتي لينك مش تورشن بيم..
كده يبقى الليون تكسب في ال150 الف