الموضوع: ايه افضل مشروع الواحد ممكن يعمله

المشاركة الأصلية كتبت بواسطة smsmxxxxxx

مفيش مشروع مفهوش صعوبات
حتى بيع المصاحف ممكن تباع المايكروباص ميرضاش يطلعك

واى مشروع لو بتخطط صح وبتبزل اقصي جهد فيه اكيد ربنا هيوفقك

على العموم
شوف المشاريع اللى ناجحة حواليك واللى تكلفتها مناسبة ليك
ولو المشروع محتاج حد خبرة لو تقدر توفره بالفلوس يبقي خير او خليه يبقي شريك

مع ملاحظة انك تفتح المشروع فى مكان تانى خالص وتخطط صح لكل صغيرة وكبيرة

وتحط فى حساباتك اسوء المشكلات وكيفية حلها

واهم حاجة لا تعتمد على وعود الاخرين وخصوصا في التسويق يعنى مش مثلا واحد صاحبك يقولك هات اى كمية من المنتج ده وانا هوزعهالك عند حبايبي التجار
لاء اوعى تقع فى فخ الوعود

وربنا معاك

-------
محمد سالم

صعوبات حاجه وحلال حاجه تانيه خالص

لو على الصعوبات مفيش حاجه سهله فى الدنيا دى خالص (ليت المطالب بالتمنى )

طبعا لازم تتعب وتفكر وتجتهد كتيييير

المشاركة الأصلية كتبت بواسطة medo.malek

حضرتك ليك حق فعلا تتضايق من السلبية دى و محدش يقدر يعاتبك لكن اللى ممكن نعاتب حضرتك فيه هو ان فى مشاركات حضرتك تجاهلتها ( مش عارف سهوا ولا بقصد) لو حضرتك كنت رديت عليها كان ممكن الموضوع ياخد صورة تانية و لا زال ممكن
و بالتوفيق ان شاء الله

واضح ان حضرتك اللى مش واخد بالك بان الموضوع مش بتاعى اساسا انا داخل اقرا زى زيك واضايقت من السلبية مش اكتر
مش عارف مشاركات اية اللى ارد عليها وانا مش صاحب الموضوع
تحياتى

المشاركة الأصلية كتبت بواسطة misoalex

لو الكلمه زعلتك اوى راجع الجمله وانت تفهمها وبلاش تدخل الناس هنا فى الموقع ان بتقول عاوز افتح مشروع او تجاره حلال
و دى الجمله الى انا كاتبها الى انت مفهمتش معناها



لو حضرتك بتعتبر التظبيط (الرشوه يعنى ) حلال يبقى خلاص دوس فى اى حاجه وربنا يكرمك انت سألت ومن حق كل واحد يتكلم من وجهه نظره
ولو بتتكلم عن خبرتى الحمد لله بشتغل من وانا عندى 8 سنين وعملت مشاريع كتييييييييير جدا لوحدى بعد متخرجت
وفتحت اكتر من 5 محلات منهم واحد بره مصر وللاسف دلوقتى عايش فى مصر وبلعن اليوم الى قعدت فيه هنا وفكرت انى استقر وافتح محل واعيش منه
لكن للاسف يظهر ان حضرتك مدخلتش او مجربتش مشاريع او تفتح محل سواء لوحدك او معاك شركاء ودى لوحدها مصيبه

يبقى من حقى انا اسألك عن خبرتك

بس فعلا انا بقالى فتره كبيره بفكر فى اى مشروع اخر نتيجه لسوء الوضع الى وصلت ليه مهنتى الحاليه للاسف بعد مشتغلت فيها سنيييييين ومش لاقى بصراحه حاجه الا وفيها الف عفريت ولازم تدفع وتظبط حالك عشان تصرف العفريت
ده فيه مشاريع ومحلات بتطلع مصروف شهرى جزء من المكسب للرشوه يعنى مرتب شهرى عاوز ايه تانى وتقوللى حاجه حلال 100 % !!!!!!!!!!!

واضح جدا بردة انك مش عارف انت بتوجة الكلام لمين ليا انا ؟؟؟
ومدام ليا انا جايب اقتباس لكلامى ورادد علية وجايب اقتباس لصاحب الموضوع ورادد علية بردة والاتنين خالط ما بينهم وجايب كلامى من فوق ورادد علية تحت الاول احب اوضح نقطة مهمة جدا
انااااااااااا مش صاااااااااحب الموضوووووووووووووع دة اولا
ياريت بقى حضرتك لو بتوجهلى الكلام تعرف الاول ان الاقتباس التانى بتاع التظبيط دة مش كلامى وعموما انا حرد فى الجزء اللى يخصنى
ايوة الجملة اللى قلتها ضايقتنى لانها مش صح وعيب وحكاية انى مليش دعوة بالناس اللى فى الموقع ما هم الا مثال للبشر اللى فى مصر شغالين ولا اللى فى الموقع من اثيوبيا ؟؟؟؟؟ فبلاش مدخلش الناس ومش عارف اية المفروض ان احنا مش صغيرين على الكلام دة انا برد عليك ولا هوة كل ما واحد ينتقد رد او توبيك يبقى ضــــــــــــــــد دة اسمة نقد يا استاذى
وياسيدى الفاضل انا قلتلك حكم خبرتك اية مش بانك شغال من وانت عندك 8 سنين (ماهو الاسطى بلية بيشتغل من وهو عندة 5 سنين بيطلع لما يكبر بيفهم حاجة ؟؟؟ بردة بلية بس كبير شوية ) الموضوع مش باشتغلت من وانت قد اية ولا عملت كام مشروع والكلام اللى ملوش اساس من الواقع اللى احنا فية الواقع بيقول ان الواحد ربنا ادالة مخ يفكر بية علشان يبقى كائن منتج مش مستهلك وبس
نرجع لنقطة انا بقى خبرتى قد اية لان واضح انها زعلتك اوى ودة شىء ايجابى لان ميصحش انك تقول مفيش شغلانة حلال دلوقتى غير بيع المصاحف والكلام دة لان الجملة دى متخرجش من شخص مسؤل فى منتدى من افضل المنتديات فى مصر معظم روادة ان مكنش كلهم مبيبيعوش مصاحف وفى نفس الوقت شغلهم حلال عموما مش موضوعنا انا حقولك خبرتى قد اية
انا ياسيدى الفاضل اخوك الصغير وبتعلم منك وعندى 29 سنة ومهندس كمبيوتر وعندى شركة صغننة كدة على قدى (بس مش جايبة همها لان الموضوع كتر ولم ومبقاش تخصص اساسا زى الموبيلات كدة فى وقتها اى حد يفتح اى حاجة علشان كدة الموضوع دة شجعنى انى ادخل اقراة يمكن الاقى افكار جديدة :((( ) بجانب الوظيفة الحكومية ومتزوج ومبشتغلش من وانا عندى 8 سنين ولا حاجة كنت عيل صغير بيلعب كورة فى الشارع مع اصحابة عادى جدا زى بقيت الخلق :)
تحياتى واتمنى انك متكونش زعلت

عايزين افكار يا شباب عايزين نساعد بعض و نشجع بعض
و انا معاك في اني اكون ايجابي و مستسلمش للسلبية المنتشرة و المتوغلة في افكارنا

المشاركة الأصلية كتبت بواسطة د.محمود صلاح

أنا شخصيا شاركت على ورشة خراطة موتوسيكلات وشريكي هو الفني المختص في الخراطة واللي شجعني على مشاركته انه كان صبي في ورشة متفردة في المجال ده لمدة 25 سنة ( تخصص خراطة موتوسيكلات ) وان الزباين بتروح له هو بالإسم وهو عايز يفتح ورشة بإسمه بعد ما كبر وشرب الصنعة .

وكان بالصدفة يوجد معدات ورشة مستعملة للبيع في مدينة تبعد عن مدينتي 70 كم بسبب انشغال صاحبها في السفر للخارج وسرقة الصنايعية له .

ففكرت لمدة نصف دقيقة وقررت المشاركة معاه ومع أحد أصدقاؤه اللي هو قريبي وفورا لأن الحياة فرص والمعدات دي هتتباع بسرعة لوجود أكثرمن زبون ,


واشنرينا المعدات واجرنا مكان مميز وواجهتنا صعوبات ضخمة في الترخيص ودفاع المدني والكهرباء والمحافظة ورشاوي مجلس المدينة ولكن الحمد لله الأمور تيسرت بالنية الصافية .

والحمد لله المشروع شغال وناجح ولنا أكثر من 4 سنوات واتعرفنا واتشهرنا

هوة دة الكلام المفيد ربنا يباركلك يا دكتور