عايز اركب Parking Sensor للميجان ..ينفع ؟

**SoFiMaN** · 02-09-2010 10:01 PM

السلام عليكم,

بما اني دلوقتي بركن في جراج و طبعا كله عواميد :d فبقيت حاسس ان ظهر العربية مش هيقعد معايا كتير

فبفكر اركب باركينج سنسور بس هل ده ينفع ؟ و لو ينفع انا عايز انظف حاجة و ياريت مش صيني اجيبه منين ؟ و اركبه فين ؟

ينفع التوكيل اجيبه من عنده و هو يركبه ولا ايه ؟

شكرا :)

**SeaShark** · 02-09-2010 10:08 PM

طبعا ينفع تركبه الباركنج سينسور بيركب لاي عربيه ملوش دعوه نوعها ايه

أسال عليه في شارع دمشق هتلاقي منه انواع كتير ممكن تجيب احسن حاجه و ميكنش صيني

و اسال عليه في التوكيل برضه

**hamadabo** · 26-09-2010 02:09 PM

انا لسه مركب باركينج سينسور اشتريته من ebay و تمام مفيهوش أي مشكلة (هو صيني )،، و حتى واحد صحبي عجبه برضه و خلاني اجيبله واحد لو عايز معلومات انا تحت أمرك ،، أه تمنه على فكره 76 ريال بالشحن يعني حوالي 116 جنيه .

**midohits** · 26-09-2010 02:16 PM

المشاركة الأصلية كتبت بواسطة hamadabo

انا لسه مركب باركينج سينسور اشتريته من ebay و تمام مفيهوش أي مشكلة (هو صيني )،، و حتى واحد صحبي عجبه برضه و خلاني اجيبله واحد لو عايز معلومات انا تحت أمرك ،، أه تمنه على فكره 76 ريال بالشحن يعني حوالي 116 جنيه .

ياريت شوية تفاصيل عنه ياباشا

**hamadabo** · 26-09-2010 07:12 PM

بص يا باشا ده اللينك بتاعه على ebay و فيه كل التفاصيل (Car LED Display 4 Parking Sensor Reverse backup Radar - eBay (item 160464626686 end time Oct-03-10 1642 PDT))
و كمان تركيبه سهل جدا أنا مددت الأسلك من جوا العربية و سبت بس توصيل الكهربا و التخريم للراجل الكهربائي اللي بيركب و كمان انا في السعودية يعني اصلا مفيش حد بيفهم فيها و مع ذلك الراجل ركب بسرعه جدا ووصله على السلك بتاع لمبة الريفيرس