سؤال محيرنى

**shok** · 03-09-2010 01:00 AM

انا مستغرب ان مرسيدس موديل 93 زلموكة وبيطلب فيها 110000
مع انى بعشق العربية دى جدا بس مع وجود المبلغ دة بيكون قدامى اختيارات كتير جدا اولهم ميتسوبيشى 1600
السؤال لية المغالاة فى اسعار المستعمل بالطريقة دى؟ ولو الواحد عمل مقارنة طبعا الزيرو هيفرق ولا انتم اية رايكم ؟

**mahmouddahy** · 03-09-2010 03:44 AM

...............................
........................................
........................................

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى
9:27pm 13/9/2010
المشرف العام 5

**فنان** · 13-09-2010 10:25 AM

طب ولو 200 موديل 1994 وطالب فيها 140000 تقول ايه

**shok** · 13-09-2010 01:34 PM

المشاركة الأصلية كتبت بواسطة أسد

طب ولو 200 موديل 1994 وطالب فيها 140000 تقول ايه

اقول راجل مش ناوى يبيع او عارف قيمة عربيتة ومش هيفرط فيها
انا ليا صحبى اشترى جيتا 2009 ب 150 الف انتا لو مكانة تاخد المرسيدس ولا الجيتا ؟

**monamor_kill** · 13-09-2010 04:32 PM

سيبك انا معايا واحده فابريكة موديل 88 وعايز فيها 80 الف ايه رأيك يا عم

**فنان** · 14-09-2010 05:19 AM

المشاركة الأصلية كتبت بواسطة monamor_kill

سيبك انا معايا واحده فابريكة موديل 88 وعايز فيها 80 الف ايه رأيك يا عم

ايه رأيك يا shok

**hamann** · 14-09-2010 05:10 PM

المشاركة الأصلية كتبت بواسطة shok

اقول راجل مش ناوى يبيع او عارف قيمة عربيتة ومش هيفرط فيها
انا ليا صحبى اشترى جيتا 2009 ب 150 الف انتا لو مكانة تاخد المرسيدس ولا الجيتا ؟

السلام عليكم و رحمة الله و بركاته

طبعا و بدون أى تفكير , هاخد المرسيدس مش الجيتا - مع احترامى لكل أصحاب الجيتا -, هو فيه زى المرسيدس , ركوبة ولا كلمة و لا الثبات و بعدين عربية مأرية , يعنى عربية فخمة جدا و أى صنايعى يقدر يشتغل فيها , ده غير أن قطع غيارها متواااااااااااااااافرة جدا و أرخص من البيجو ال504 دلوقتى و معمرة جدا و فيها كل الكماليات , أنا بدور على واحد زلمكة موديل فوق ال 90 نظيفة و مش لاقى و اللى بلاقيها , بيكون عاوز فيها سعر مبالغ فيها جدا , بس للأمانة, أنا شايف أن ال 110000 جنيه فى الزلمكة ال93 لو نظيفة , يبقى تستاهل , الزلمكة ال94 بقه حلوة بس عيبها أن ليها شكل مميز فى الكبوت و الفوانيس الأمامية و الشنطة , وده بيخلى سعر الصاج الاستيراد بتاعها غالى , اللى أنا بفكر أعمله لاحقا , أى أجيب زلمكة موديل قبل ال 90 , بتبقى بحوالى 70000 جنيه , و أعدلها , يعنى اجيبلها 4 أبواب و رفرفين أماميين عشان الباكتات العريضة و فانوسين اشارة و فانوسين خلفيين و أركبهم عليها و لو كانت المكنة محتاجة شغل , أجيبلها مكنة الزلمكة ال93 , آخر المكنة السودا , أنا لقيتها فى بورسعيد عند واحد اسمه , طارق البحراوى بتاع قطع غيار مرسيدس استيراد ( مكنة بالتكييف و الفتيس المانوال 6 سرعات ) ب 9000 جنيه من بقه , يعنى قبل الفصال .

والله هتبقى عربية حكااااااااااااااااااااية .

بس لما أروق كده و اعمل الموضوع ده ان شاء الله

HAMANN

**hamann** · 14-09-2010 05:18 PM

المشاركة الأصلية كتبت بواسطة monamor_kill

سيبك انا معايا واحده فابريكة موديل 88 وعايز فيها 80 الف ايه رأيك يا عم

السلام عليكم و رحمة الله و بركاته

أنا بصراحة بدور على واحدة نضيييييييييييييفة بس ماتزيدش عن 70000 جنيه لأنى لسه هصرف عليها عشان أعدلها و تبقى موديل فوق ال 90 .

ربنا يباركلك فيها و يرزقك خيرها و يكفيك شرها .

hamann

**Khellooo** · 24-09-2010 09:53 PM

أغلى عربية مستعملة هى مرسيدس

بقى فى عربية صالون موديل 80 ب 40000 جنيه وأكتر !!!!

وقطع غيارها غالية جداااااااااااااااا مش زى 504 طبعا

انا بتكلم عن تجربة فى موديل 82