عاوز اقلب عربيتى مانيوال

**KHALED AYMAN** · 03-09-2010 02:47 AM

محدش يشتم ..
محدش يضرب
محدش يزعق و بالراحه يا جدعان ..
ايوه انا عاوز اقلب عربيتى مانيوال ..ايوه فتيس عاده
ندخل فى الجد بقى ...
اه استنو عشان الناس الى بتصطاد فى الميه العكره انا مش عاوز اقلبها مانيوال عشان الايزى ترونيك وحش ..ولا عشان بيبوظ ...ولا عشان باظ ولا عشان اى حاجه غير "متعه القياده"
مسكه عصايه الفتيس المانيوال دى متعه تانيه ...
لما تحط اولانى ..وتخلى ايدك ع الفتيس عشان هترزع تانى ..لما تقفل rbm ..
ودوسه الدبرياج دى لوحدها متعه ...
يا سلالالالالالالالام لما يكون الواحد ماشى 100 و عاوز يعدى واحد ..يمسك الفتيس و يرزع دبرياج و يسقط تالت ..يااااااااااااااااااااااا ااااااه
من الاخر متعه ما بعدها متعه و بالنسبالى انا لسه صغير عشان اشتكى من رجلى الشمال ..لو متعبتهاش دلوقت هتعبها امتى يعنى ؟؟؟
وعشان محدش يفهمنى غلط ..مش معنى انى هعمل كده انى هجرى لا سمح الله التوقيع يشهد ...وطبعا طبعا طبعا طبعا يعنى انا مش هعمل كده دلوقت خااااااالص ...هتقولو و بتقرفنا من دلوقت ليييه ؟؟ عشان اعرف لو ينفع ..يبقى هفضل احلم بيه لحد ما اعملها ..لو مش هينفع ..اشيل الحوار من دماغى بقى ..
بسسسسسسسسسسسسسسسسسسسسسسسس سسسس
ندخل ع الجد بقى
الفتيس الايزى ترونيك صندوق التروس بتاعه هو بتاع المانيوال بالظبط ..والى قالك كده استاذ ahmed fahmy حبيب قلبى
الفرق ...
دبرياج كهرباء...وكنترول بيحدد توقيت النقلات و الكلام ده ..
طبعا عصايه الفتيس مختلفه ...ومفيش دواسه دبرياج ..
يبقى عمليا لو فيكت الكنترول ..,والدبرياج الكهرباء وركبت واير دبرياج ..وعصايه فتيس ..ودواسه ..بقت مانيوال ...مش محتاج ديسك و اسطوانه لانهم فيها
السؤال بقى ..
الكلام ده ينفع عملى ؟؟
لو على التكلفه انا هطلع كسبان ..
لان الكنترول لوحده لو بعته ..ب 10000 جنيه جديد !! مستعمل هيعمل كام يعنى ؟
والدبرياج الكهرباء الى فيها معرفش بكام بس اكيد غالى ...
طبعا فى نقطه مهمه انى مش هعرف ابيع العربيه كده ...بس انا لو نفذت الحوار ده ...هتعيش معايا العربيه وهورثها لعيالى كمان
زى ما اتفقنا ..محدش يشتم ..محدش يضرب ..وكله بالراحه
وبجد يا جماعه انا ل ادامى عربيه كامله ..اوتو ..ونفس كمالياتها مانيوال ..مش هتردد لحظه فى انى اجيب المانيوال
وكمان لو العربيه هتعد معايا ...
ونفذت الحوار ده ..
هركب جنط 18 ..عفشه سبور ...طقم صوت ...ولو ولعت معايا هجيب اكصدامات الى opc
بس الكلام ده لسه عليه كتير

**omar-saad** · 03-09-2010 03:06 AM

والله انتا مجنون يابنى
انتا ادرى واحد وعارف ان مافيش فى المحروسة تمن حد يعرف يعمل الحوار دة
ولا حتى شحبور اصدى منصور
وليه تلعب فى اساس العربية وعمرها ماهاترجع زى الاول
كان فى من فترة على كونتاكت عربيى فيكترا سى هاى لاين سودا
متعدلة كاملة opc
وهممممممممممممممممممممممم مممممممم
انا لو من ادوس فى الحوار دة

**damasry** · 03-09-2010 03:08 AM

ههههههههه

مش عارف اقولك ايه يا خالد بس الموضوع محتاج تفكير كتير ودراسة مستفيضة قبل اتخاذ اى خطوة

**KHALED AYMAN** · 03-09-2010 03:12 AM

المشاركة الأصلية كتبت بواسطة damasry

ههههههههه

مش عارف اقولك ايه يا خالد بس الموضوع محتاج تفكير كتير ودراسة مستفيضة قبل اتخاذ اى خطوة

ههههههههههههههههههه
بس ايه رايك فى الفكره مش حلوه بجد ؟؟
وبعدين لسه كتير اوى على ما اخد خطوه ...(منت عارف الى فيها

)

**omar-saad** · 03-09-2010 03:13 AM

تفتكر لو قولت لباباك الحوار دة هايقولك ايه يابطل؟

**ASKAFRAWY** · 03-09-2010 03:17 AM

لا حول ولا قوة الا بالله
الحادثة قصرت عليك يا خلود
ما قولتلك اعمل اشعة على المخ
ورااااااااااااااح المخ يا ولدى

**KHALED AYMAN** · 03-09-2010 03:19 AM

المشاركة الأصلية كتبت بواسطة ASKAFRAWY

لا حول ولا قوة الا بالله
الحادثة قصرت عليك يا خلود

ما قولتلك اعمل اشعة على المخ

ورااااااااااااااح المخ يا ولدى

والله عملت و الدكتور قالى ..انت واقع على راسك يبنى ؟
قلتله لا ..
قالى طيب متخفش مفيش حاجه لو حسيت بهبل فى الفتره الى جايه عادى

**KHALED AYMAN** · 03-09-2010 03:20 AM

بس بس اعذرو جهلى ..
نبيل قالى دلوقت ان مفيش حاجه فى العربيات الجديده اسمها واير دبرياج ..
بيكون ماستر ..
تمام
نفس الفكره بردو هحتاج اركبه صح؟

-

-

الموضوع: عاوز اقلب عربيتى مانيوال

LinkBack

أدوات الموضوع

عرض

عاوز اقلب عربيتى مانيوال - انشر الموضوع فى :

-

-

-

-

-

-

-

المواضيع المتشابهه

موضوع هام : قررت انى اقلب عربيتى غاز طبيعى ؟

عاوز اقلب الزجاج الي كهرباء في الافيو

عاوز ارخص عربيتى

ممكن اقلب عربيتى كيا برايد 1323 cc من كربراتير لانجيكشن

عايز اقلب عربيتى كابورلية ..

الكلمات الدلالية لهذا الموضوع

المفضلات

المفضلات

ضوابط المشاركة