استفسارعن فتيس لانسر 2007

**neonate** · 03-09-2010 02:58 AM

يا جماعه انا معروض عليا لانسر 2007 1600 اوتوماتيك للبيع هي عامله 70000 كيلو بس صاحبها قالي انه مغيرش زيت الفتيس لحد دلوقتي وكان بيحسبه بيتغير علي 80000 كيلو انا بصراحه اضايقت لان كان المفروض يغير علي 40000 السؤال دلوقتي هو في تاثيرعلي الفتيس لعدم تغيير الزيت في الفتره ديه ولا لاء وده هياثر علي عمر الفتيس بعد كده ارجو من الخبراء سرعه الرد لاني في حيره شديده في الشراء

**M.Nasr** · 03-09-2010 03:16 AM

الفيصل فى الموضوع ده ان حضرتك تاخد العربية مركز صيانة وتكشف على الجيربوكس بس الاول تجرب العربية وتشوف اخبار السحب ايه وفيه نتشة جامدة وانت بتنقل ولا لا ممكن يكون سليم وماتأثرش

**Adham** · 03-09-2010 03:23 AM

او ان تشوف الزيت اللي نازل من الفتيس دة لو لونة اسود و ريحتة شياط يبقى ابعد عنها لانها حاتعوز فتيس قريب

انما لو احمر و ريحتة عادية يبقي اتطمن

الفرق هنا حايبقى من استعمال صاحب السيارة لو رجلة خفيفة و حنين عليها الفتيس حايبقى ان شاء الله كويس

اما لو رجلة طرشة و بيقرص مع عدم تغيير الزيت يبقى قول عالفتيس يا رحمن يا رحيم

فية معامل في شركات البترول او اللي فيها معدات كبيرة بتحلل عينات من الزيوت

لو تعرف تحلل عينة من الزيت يبقى افضل

بس لو حد بيفهم كويس لما يشوف الزيت اللي نازل و لونة و ريحتة و اذا كان فية رواسب يقدر يحكم

**neonate** · 03-09-2010 05:35 AM

المشاركة الأصلية كتبت بواسطة adham

او ان تشوف الزيت اللي نازل من الفتيس دة لو لونة اسود و ريحتة شياط يبقى ابعد عنها لانها حاتعوز فتيس قريب

انما لو احمر و ريحتة عادية يبقي اتطمن

الفرق هنا حايبقى من استعمال صاحب السيارة لو رجلة خفيفة و حنين عليها الفتيس حايبقى ان شاء الله كويس

اما لو رجلة طرشة و بيقرص مع عدم تغيير الزيت يبقى قول عالفتيس يا رحمن يا رحيم

فية معامل في شركات البترول او اللي فيها معدات كبيرة بتحلل عينات من الزيوت

لو تعرف تحلل عينة من الزيت يبقى افضل

بس لو حد بيفهم كويس لما يشوف الزيت اللي نازل و لونة و ريحتة و اذا كان فية رواسب يقدر يحكم

طيب لو كشفت عليها في التوكيل هيقدرو يحكمو كويس علي حالة الفتيس ومدي تاثره بعدم تغيير الزيت ولا هيقولولي غير الزيت وخلاص

**Adham** · 03-09-2010 12:03 PM

التوكيل لية اللي قدامة يعني يكشف كمبيوتر او يجرب العربية و يقولك كشفنا عليها و خلاص انما مش حاينزل زيت و يشموة و يشوفوا لونة

الموضوع بسيط و مش مستاهل توكيل

و الفتيس دة لو اتغيرلة زيت حايبان في ساعتها ان كان بة تلف

بس غير زيتة قبل ما تشترية