ارجو المساعدة
ايهم افضل سيفيك vti
ولا برافو150حصان
الاحتياجات
1\ياريت تكون عائلية وفى نفس الوقت شبابية
2\ثباتها وتسارعها يكونوا ممتازين
3\انظمة الامان تكون كويسة
وشكرررررررررررررررررررررا
عرض للطباعة
ارجو المساعدة
ايهم افضل سيفيك vti
ولا برافو150حصان
الاحتياجات
1\ياريت تكون عائلية وفى نفس الوقت شبابية
2\ثباتها وتسارعها يكونوا ممتازين
3\انظمة الامان تكون كويسة
وشكرررررررررررررررررررررا
الي انت قلته موجودين في الاثنين :d
بس السيفيك الي انت هتجيبها الفل اوبشنز ديه و لا ايه ؟؟
عشان اقدر اقلك مين احسن عشان انا مش حافظ فئات السيفيك
[QUOTE=Anti_virus_abdo;3873003466]الي انت قلته موجودين في الاثنين :d
بس السيفيك الي انت هتجيبها الفل اوبشنز ديه و لا ايه ؟؟
عشان اقدر اقلك مين احسن عشان انا مش حافظ فئات السيفيك[/QUOTE
هى تعتبر اخر فئة فيها
اصلى الفرق بينها وبين اخر فئة فرش جلد
اصلى عملت مقارنات كتيرة ودايما السيفيك تكسب
قولت اقارنها بالبرافو
سيفيك vti افضل و بمراااااحل من وجهة نظري...
السيفيك Vti
انا لو مكانك كنت حبقي محتار جدا
بس كنت حجيب البرافو فالاخر
نصيحة فكر فالاوبل استرا
مشكورين جميعا
عذراً... تعديل بسيط على مشاركتي دي...
السيفيك VTI افضل و بمراااااحل من البرافو الـ120 حصان من وجهة نظري...
لكن السيفيك VTI افضل (فقط) من البرافو الـ150 حصان من وجهة نظري (يعني مش بمراحل) :ma:
لأن السيفيك اوتوماتيك و اوسع من البرافو, و قطع غيارها متوفره و توكيلها افضل...
تقبل تحياتي...
اصل انا عارف يا دكتور ان في ناس ماهتصدق تمسك في الكلمتين دول
و اللي سببهم لبس اصلا, و تعمل مشكله و قصه كبيييير بدون اي داعي للأسف...
انا افتكرت في الأول الكلام على البرافو الـ120 حصان, و ردي كان جااااااهز و سريع,
لكن لما ركزت, لقيتها الـ150 حصان, و دي تفرق كتيير عن الـ120, فالكلام بقى غريب,
و بالتالي كان لازم اصحح كلامي لاني كنت فاهم غلط, و ده مش عيب ابداً في رأي...
و انت عارف يا دكتور ان دي سمعه, و الواحد لازم يخاف عليها و على رأيه اللي هو مسؤليه كبيره,
لأن ممكن اي حد ياخد الكلام ده ثقه, و يبني حاجات تانيه استناداً على الكلام و الرأي ده,
و اللي هو الكل بيشارك بيه, و ساعتها هيكون ذنبه في رقبتي و رقبة اي حد لم يتقي الله في رأيه
و نصيحته و كلامه, و ده اللي انا بحاول بكل الاشكال اتجنبه, و اكون موضوعي و محدد و عندي
اسبابي المقنعه و المثبته بالأرقام و الدليل اللي بقول بيها رأي, إلا اذا كان رأي شخصي في مقارنه
متزنه مثلا, ساعتها هيكون الجانب الطاغي هو ميولك و اقتناعك الشخصي + شوية اسباب عمليه بسيطه...
بس كده يا دكتور... ده كل الموضوع :ma:
تقبل خالص تحياتي
سيقيك احسن في رأيي طالما اخر فئة
ة ربنا يوفقك :)
ممكن اعرف احسن منها من ناحية اية
شوف يا باشا...
انت صنفت احتياجاتك في بداية موضوعك كالآتي...
اقتباس:
1\ياريت تكون عائلية وفى نفس الوقت شبابية
2\ثباتها وتسارعها يكونوا ممتازين
3\انظمة الامان تكون كويسة
بناء على الكلام ده, السيفيك احسن ليه..؟؟؟
1- لأنها اكبر في المساحه الداخليه من البرافو + ان السيفيك شبابيه جداا و شيك بردو
2- ثبات ممتاز بفضل قاعدة العجلات الكبيره (2700 مم) + وجود نظام الثبات vsa
التسارع كويس جداااً, لكن البرافو افضل في التسارع لان موتورها تيربو 150 حصان + انها مانيوال
3- انظمة امان ممتازه في السيفيك و البرافو, و لو ان البرافو 6 اير باجز في مقابل 4 في السيفيك
و الاثنين فيهم نظام ثبات الكتروني, و فرامل abs, ebd....
السيفيك افضل من البرافو في انها اوتوماتيك, انما البرافو مانيوال...
الهوندا وكيلها (الفطيم) افضل من وكيل فيات (اوماترا)...
هي دي الاسباب اللي تخللي السيفيك افضل من البرافو الـ150 حصان بشكل عملي في رأي...
يا رب اكون قدرت افيدك و ارد على استفسارك...
تقبل تحياتي...
برافو طبعا بدون كلام -مع احترامى الشديد للسيفيك وعشقى ليها -هى تتقارن بالفيات لينيا.
البرافو دى ..عربية نزلت مصر غلط دى اخت ل الفاروميو mito -والفا 8c - فيات برافو يعنى روح ودم وجينات فيرارى.
واوماترا مش حوار يعنى انت مش هاتعمل عمرة ولا عفشة جديدة-كلها صيانات دورية-فلتر بوجيهات تيل
زيت.وكمان السيفيك واطية قووووى.
سيفيك افضل واكبر وليها وزنها فى السوق عن البرافو
وغازى باشا كلامه صح
ghazy12 نفسي أعرف سر تقليلك من البرافو ده بصرحة لأن ده الحاجة الوحدة اللي اختلفت معاك عليها وبصرحة بدون زعل أول مرة أحس إنك بطلع عربية وحشة وخلاص مع إني عن تجربها ليها عربية محترمة جدا جدا وأحسن من حاجات كتير حضرتىك بتقول عليها أحسن !!
في بس نقطة احب اضيفها للموضوع و لكلام غازي باشا و هي الreliability في السيارات الايطالية .. و الكلام ده معروف من زمان عن كل الماركات الايطالي زي الفا و حتى فيراري ..هي سيارات جميلة جدا و عالية التكنولوجيا لكن يظهر فيها مشاكل بعد فترة .. على فكرة الكلام ده كمان على الموتسيكلات الايطالي زي الدوكاتي و الابريليا مثلا معروف قوتهم وسرعتهم في السباقات لكن مزعجين في الصيانة المستمرة , على فكرة الكلام ده الايطاليين هم اللي معترفين بيه عن صناعتهم , تصميمات وهمية وتكنولوجيا لكن اعتمادية متوسطة , مش كل حاجه جري و اداء , افتكروا كده ال الفا روميو 156 اول لما نزلت كانت بتبهدل العربيات كلها لكن بهدلت ملاكها مشاكل. الطلاينة بصراحة يقلقوا خاصة مع التكنولوجي العالية قوي دي. ده كلام عملي و حقيقي و اي حد بيركب عربيات ايطالي من زمان يعرف الكلام ده.
انا عارف ان حضرتك معاك فيات و اكيد كلامي مش عاجبك , بس دي حقيقة معروفة عن العربيات الايطالي ففي المقارنة مع انواع الماني او بعض الياباني ممكن ده يكون عامل مهم في التقييم , على فكرة الكلام اللي ان قلته ده معروف في كل حتة و زي ما قلت اللي ادهشني اني سمعته من ايطاليين. عالعموم دي نصيحة من واقع خبرة و بنقلها لواحد لسة مقبل على الشراء و لا أقصد بيها اني ادايق حد و ربنا يبارك لحضرتك في سيارتك.
والله انا شايف ان التمبرا والبونتو والجراند بونتو والحجات دى شغاله زى الفل والناس طول عمرها معاهم ايطالى ومفيش حد اشتكى...لو افترضنا ان فيه مشكله هتبقى مشكله توكيل وقطع غيار اما
بالنسبه لنقطه الالفا روميو اعتقد ان محدش اصلا بيمتلك الفا روميو كتير فى مصر...وبصراحه انا اعرف واحد عندنا فى المنطقه معاه الفا روميو ومش بيشتكى منهاخالص
حضرتك طيب ابقي شوف واحد عايز يبيعها من الي مبهدلاهم دي !اقتباس:
افتكروا كده ال الفا روميو 156 اول لما نزلت كانت بتبهدل العربيات كلها لكن بهدلت ملاكها مشاكل
انا كنت عمال ادور علي 156 فيس ليفت و محدش راضي يبيعها اصلا ...
مفيش توكيل و قطع غيار نادره
كان عندى واحد صاحبى بيدوخ على اى قطعة غيار _ مره عامل حدثة فضلت العربيه مركونه فوق الشهر :( بس لما كنت بركبها كنت بتوهم بجد و كامله من كل الكماليات و كان فيها 7 ايرباجز و asr و esp و كل ده و كانت موديا 2001 تقريبا :)
انا شايف ان مشكلتها فى وكيل قوى يقدر يوفر قطع غيارها و سعتها هتنتشر جامد
اقصد ان ندرة العربيه مش بسب قلت اعتدماديتها
ما هو عادي ان البونتو و غيره يبقى كويس, هو انا قلت ان كل ما هو ايطالي بايظ علاطول انا قلت اعتمادية قليلة نسبيا , و بعدين حضرتك ممكن تسأل اي مالك لل ألفا 156 t-spark عن مشاكلها المزعجة. ممكن لو مش مصدق موضوع الاعتمادية ده اسأل في منتديات خارجية بره مصر.
متفق معاك في موضوع ال reliability في السيارات الايطاليه عموما و ديه حاجة فعلا معروفة عالميا و اي حد لو دخل علي منتديات اجنبية هيعرف فعلا الكلام صح
بس الكلام ده قل اوي دلوقتي, بدقوا يهتموا بالموضوع دا عن زمان و بيحولوا يحسنوها دلوقتي و فعلا تقدموا فيها كتير عن زمان و دا مش كلامي, بس يظل الايطالي خلف الياباني في الreliability و بكتير كمان.
و بعدين احب اضيف بردة من الواضح ان حضرتك معاك BMW الماني يعني :)
احب اقلك ان الياباني كا reliability اعلي من الالماني ذات نفسة برده (شوف تقارير JDPOWER او المواقع المنخصصة و المنتديات)
هل دا معناه ان الياباني احسن من الالماني ؟
الي عاوز اقوله ان ال reliability جزء من المقارنة مش كل حاجة و اليابانيين متفوقين اوي في الحتة ديه (يمكن عشان مبيستخدموش التكنولوجيا بعنف زي الاوروبي)
هاهاها أنا بصراحة أول ماشفت الرد ده ضحكت ….هو حضرتك معندكش غيره ولا إيه ؟!!! شوف أنا حقولك على حاجة لو كان كلامك ده صحيح ماكانش عربيات زي 127 و 128 و 132 وغيرها لسة موجودين وماشيين وبحالة جيده كمان …ولا إيه ؟! واحنا كمان بنتكلم عن موديلات بقالها فوق العشرين سنة ومازالت موجودة .... واعتقد إن المثال العملي ده خير رد على كلام حضرتك, ويمكن يكون اعتمديته أقل من الياباني وده زي باقي الأوروبي لإنه عموما الياباني اعتمديته أكتر من الأوروبي
بالنسبة لحضرتك أنا حقولك على رأيي واجيبلك الموضوع من الاخر برده وإن شاء الله ردي حيكون فيه موضوعية شوية مع إني شايف إن في ناس “معينة “ كارهة البرافو مش عارف ليه وحطها في دماغها كده في مقارنات كتيير , وأنا ححاول اقربلك المضوع حسب احتياجاتك-البرافو “طبعا" أكتر شبابية من الهوندا سيفك وشكلها أحسن لكن الهوندا عائلية أكتر طبعا واوسع-بالنسبة للأداء وقوة الموتور والتسارع فـالبرافو أفضل برده –سواء 120 أو 150 حصان – لكن أكيد برده الهوندا أدائها رائع بس البرافو تربو يا عم , وعلى فكرة وجب توضيح حاجة بالنسبة للهوندا التوكيل بيقول إنها 140 حصان والكلام ده كذبة كبييرة – حاجة معروفة – هي 1600 cc و 125 حصان gross كمان(ودي حاجة تخليني اقلق جدا من توكيلها بصراحة لإنه طالما حور في دي يبقى ممكن يحور في حاجات تانية ( وعزم تسارعها 158 لكن البرافو عزمها 206 لو 120 و 230 لو 150 وعلى فكرة البرافو 120 دي مش 120 دي 135 حصان فعليا وممكن تتأكد في اللينك دهhttp://www.nilemotors.net/Nile/12291...135-stock.html
وده برده من fiat forum واحد اسمه alfettone قايل الكلام ده في مشاركة
Technical: Difference between 120 and 150 T-jet - The FIAT Forum
-في الاعتمادية الهوندا لإنه كعادة الياباني كله …مفيش تكنولوجيا ولا حبشتكنات كتير لكن مااسك نفسه-في الكماليات البرافو أكتر …سواء 120 أو 150-طبعا الهوندا الفتيس بتاعها اوتوماتيك ودي يعطيها ميزة رفاهية عن al-150 حصان اللي هي مانيوال لكن برده معروف إن الاوتوماتيك بيموت العربية وبيخليها تجمع ببطء ….لكن لو اتكلمنا على el-120 حصان هي فتيسها dual logic وده رائع نص اوتوماتيك يعطيك قوة وسرعة وتجميع المانيوال ورفاهية الاوتوماتيك وله طريقة معينة في الاستخدام ممكن نذكرها بعدين .-في الثبات الهوندا اثبت لانها اوطى من البرافو ....لكن ده ميمنعش إن البرافو ثابته جدا جدا وكمان el-150 فيها ESP فـصباح الثبات يعني .-مواصفات امان بقى ياباشا معروف إن الأوروبي في الحاجات دي أفضل من الياباني
أنا على فكرة بقارن عربيات ببعضيها فقط بدون التطرق ل التوكيل واعادة البيع والانتشار وال كلام ده ….حضرتك ممكن توزن بقى الحاجات دي مع المقارنة اللي فوق وتشوف اللي حضرتك مرتاحله ...وفي النهاية لو حضرتك جبت أي من الإتنين فـإنت تبقى راكب عربية نضيفة ومن القلائل اللي بيفهموا في مصر المحروسة .. أنا كده خلصت كلامي ويارب أكون افدتك …شكرا
انا مكرره في نفس المقارنة بين الفيات و هوندا و الاوبل (ياباني و الماني) ....و ده عشان واضح ان في ناس كتير ماتعرفش الموضوع ده ... و بعدين الاعتمادية تقارن في نفس درجة و مستوى التكنولوجيا ماينفعش تقوللي ان ال128 اعتمادية !! , و بعدين الياباني مش اعلى اعتمادية من الالماني اللي في نفس مستوى التكنولوجي .
براحه بس :) انا كنت برد على سؤال بتاع ليه الفا مش منتشره انا راديت و قولت السبب الرئيسى هو التوكيل مش الاعتماديه
بس مش انكرت كلام حضرتك عن الاعتماديه :)
بس لى تعليق كلام حضرتك كنت بسمعو كتير فى تقارير السيارات من فتره بس الكلام ده اتغير دلوقتى فيات بقيت تهتم بانقطه ديه و بتحاول تتلاشاها :)
الحمد لله في حد قاري وفاهم و مش متعصب !, بس معلش الياباني مش اعلى اعتمادية و لا حاجة و زي ما في تقرير JDpower 2010 الالماني رقم واحدفي موديلات كتير زي الأودي و بي ام زي4 و حاجات تانية كتيريعني الموضوع مش قاعدة طبعا ..الالماني طول عمر السيارات ماليانة بأحدث التكنولوجيا و مشاكلها قليلة جدا , الكلام ده عن تجربة سنين مع vw و أودي ثم بي ام . الالماني رقم واحد تكنولوجيا و اعتمادية . الفكرة ان الاعتمادية القليلة للسيارات الايطالي ممكن تخلي الواحد يقلق من شراءها خاصة مع التكنولوجيا العالية والمعقدة .