السلام عليكم،
يا جون هو مش الابيزا بتنزل بكاست في العربية وولا دة ممكن يتغير ؟؟
وفعلاً الابيزا من جوة شكلها ضعيف أوي مقارنة بالافو
عرض للطباعة
السلام عليكم،
يا جون هو مش الابيزا بتنزل بكاست في العربية وولا دة ممكن يتغير ؟؟
وفعلاً الابيزا من جوة شكلها ضعيف أوي مقارنة بالافو
ده ال1.6 ال1.4 بتنزل من غير كاسيت ومكان 4 سماعات فقط
حسب حضرتك عايزة إيه من العربية.
اللي الIbiza هتديه لحضرتك مكونات الماني, تكنولوجيا عالية في الثبات وناقل الحركة, نعومة في الأداء, محرك وتسارع اقوي بكتيييير, توكيل محترم.
اللي الEvo هتديه لحضرتك سعر ارخص, كماليات أكتر ( جنط و Blue and Me و مسحات تخذين في الفرش فقط علي ماعتقد )
الباقي تقريبا العربيتين متميزين فيه يعني اعتمادية وتقفيل وراحة وحجم وتوفير بنزين واحد.
لو ها تشتري ابيزا ماتفكريش في ابيزا 1.4 الايفو احسن منها ( كنت هاشتري الابيزا الاول )
من الاخر
ها تشتري ابيزا يبقي اعلي فئة 1600cc
هاتشتري ايفو (مواتير مش للشد و الخرز و الجري ) بس تستحمل جااااااااامد ( مش حاجة جديدة علي فيات )
كنت النهارده ( انا + اربعة في العربية + التكيف ) ما شاء الله العربية تسارعها كويس بالنسبة للفئة بتاعتها
و كمان حاجة مهمة اوووووي ( مش هاتحك معاك في المطبات خااااااااااااالص )
بالنسبة للIbiza فـهي الصراحة عربية تحفة والتوكيل اجازته الحد فانتا ممكن تيجي الجمعة. بس موضوع المشوار ده حاجة حضرتك اللي تقدرها. يعني إنت تستحمل إنك كل 10,000 كيلو تضرب مشوار 7 ساعات ( تقريبا 800 كيلو صح؟ ) ده حاجة ترجعلك وترجع لظروفك. وأنا سامع من كل اللي معاه Ibiza من 2000 وإنت طالع إنهم مش بيعملوا في العربية حاجة غير الصيانة الدورية.
العفشه بتاعت الIbiza عن تجربة اسد في كل أنواع الطرق وعربية جامدة حتى في الطرق المكسرة. هي ديتها كل 10,000 تربيط عفشه وخلاص. هي عربية اعتمادية جدا وكل مكوانتها الماني. بس هي العفشه بتاعتها رياضية عشان الثبات على السرعات العالية فـهتكون ناشفه مش مريحة في المطبات. فـلو حضرتك اغلب الوقت سفر أو طرق ممهدة الIbiza عربية هتكون حلوة جدا. بس في الطرق المكسرة هتحتاج عربية عافشتها انعم وتاخد وتدي مع تكسير الشارع وتكون اريح. Ibiza عربية أكتر منها رياضية عن إنها تكون عربية عائلية.