السلام عليكم
يا جماعة انا بجد تعبت من التفكير مش عارف اختار ما بين 3 عربيات و هما:
1- Seat Ibiza 1600cc DSG automatic
2- Ford Fiesta 1400cc full option automatic
3- Punto evo 1400 cc full option Automatic
عرض للطباعة
السلام عليكم
يا جماعة انا بجد تعبت من التفكير مش عارف اختار ما بين 3 عربيات و هما:
1- Seat Ibiza 1600cc DSG automatic
2- Ford Fiesta 1400cc full option automatic
3- Punto evo 1400 cc full option Automatic
التلات عربية حلوين جدا وحيرة حضرتك عندك 78 فيها
الIbiza هتديك: أداء اقوي في السحب والجري, فتيس ودركسيون انعم, توكيل محترم ( الماني تقفيل اسباني )
الFiesta هتديك: جانط سبورت, بس كده. أنا بأحس ديه أكتر واحدة مبالغ في سعرها. هي اعتقد الماني بالكامل.
الEvo هتديك: سعر ارخص, كماليات أكتر ( جنط, Blue and Me تحكم في الموبيل بالاأومر الصوتية ), تقفيل ايطالي. بس ده علي حساب أداء اقل من الIbiza, والتوكيل أسوء من بتاع Seat إن كنت سامع إنه بيحاول يحسن نفسه.
لو حضرتك يهمك الأداء والتوكيل الIbiza هترضيك جدا بالذات في حتة الأداء ديه العربية ما شاء الله عليها بتطلع من أي حاجة 1600 من غير تربو مع ثبات فوق عن الممتاز, بس الEvo هتديك كماليات أكتر وسعرها ارخص. ممكن برده تعمل موضوع في قسم المقارنات الأعضاء هايفدوك جامد, وأي استفسار أنا في خدمتك.
شوف حضرتك عايز إيه من العربية وربنا يوفقك للاختيار الأحسن.
السلام عليكم،
الله يكون في عونك، وصلي إستخارة وشوف إنت مرتاح لمين فيهم.
الفيستا شكلها جامد أوي من برة.
بس انا سمعت ان فى مشاكل فى فتيس ال ابيزا الاوتماتيك و بالنسبة للفيستا ماتورها اخباره ايه هو والتوكيل و قطع الغيار ولك جزيل الشكر
يا باشا أنا معيا فتيس الIbiza الاوتوماتيك ومفيهوش أي مشاكل خالص. الكلام الحضرتك تقصده حاجتين بس
أول واحدة كان فيه زمان في2008 مشاكل في الDSG ال6 سرعات القديم في عربية فولكس وتم استدعاء كل العربية وتغيرها في الضمان
تاني مرة في 2009 كان فيه حساس حراره بيبوظ في الفطيس الجديد الDSG 7 سرعات مش الفتيس نفسه وبرده فولكس عملت استدعاء وغيرت الحاساسات وهنا في مصر بيغيره بالكامل في الضمان
مفيش أي مشاكل في موديلات 2010 وإنت طالع والفتيس من نص 2009 لحد دلوقتي بينزل من غير أي مشاكل. الفتيس تحفة هما بس الناس بتقول كده على أي تكنولوجيا جديدة. متقلقش منه غير إن Seat زي فولكس بتديك سنتين ضمان علي العربية بدون حد ادني للكيلومترات و 12 سنة علي الدهان.
انا حابب الابيزا جدا بس الفيستا اخبارها ايه انا خايف من توكيلها
أنا الصراحة استغليتها لما لقيتها 1400 cc فـصرفت نظر. بس أنا اسمع إن فكري جروب كويسين بس لف كده في قسم فورد واسأل عن التوكيل. وربنا يوفقك يا فندم
بس لية مش باشوف منها عربيات كتير مع انها جامدة قوى
ماهي مش هتلحق تنتشر زي أي عربية بتشوفها كتير ( lanos, verna, Cerato, elantra ) غير لما تبيع كام عشر ألاف وهي يادوب يمكن بايعة 2000 عربية بالكتير متنساش إنها نزلت فعليا في يانير 2010 اجدد كتير من العربيات التانية. بس el-Ibiza بمختلف موديلاتها هتلقيها منتشرة. طبعا مش نفس انتشار الكوري بس ركز معها هتلاقيها كتير. ولو زرت التوكيل أي يوم هتلاقي كام واحدة بتعمل صيانة. أنا حاليا أعرف بتاع 6 عربيات 2010 في منطقتي بشوفهم بإستمرار. واحدة منهم لموني بتندمني إني مجبتش اللون ده.