معلش يا جماعة انا لسه شايف الموضوع دا انهرده و احب اعلق عليه (انا عارف انه قديم و لولا رد hani945 مكنتش شفته اساسا.
اولا تحية كبيرة جداااا ليك على الموضوع و انا معاك 1000000% توكيل ميتسوبيشى بالذات اكتر واحد لازم يتقاطع.
اقتباس:
التوكيلات نزلت زيادات على أسعارها ... اشمعنى متسوبيشي اللي ها نقاطعها
الكورولا الشكل القديم بكام النهارده؟؟؟
الكيا زودت سعرت السيراتو عشان يكسر 100 الف و الريو ب 84500
هيونداي زودت الماتريكس 2008
والانترا غاليه اصلا
علشان توكيل ميتسوبيشى بيبيع عربية قديمة عنده نزل منها الشكل الجديد بسعر يبدا من 100 الف لل1300 مانيوال بدون كماليات (نزلوه تانى من كام يوم 97) و للعلم العربية دى من مدة كانت قربت من ال 80 الف و كان ناقص يوزعوها فى الجيش ببلاش اما بقية العربيات زادت صحي بس زيادة اقل كتيييير اوى من ميتسوبيشى و كمان ميتسوبيشى نزلت الشكل الجديد اللى هو من جوه قريب اوى من القديم و من بره تصميم مسروق من عربيتين بتبدا من 130 (نزلوها ل127) مانيوال 1500 فاضية.
أما الالنترا فبعد ال5000 جنيه الزيادة لسه ارخص من منافسينها بكتير (اللانسر و الكورولا ).
اقتباس:
انا شايف ان الدعوه للمقاطعه عشان تكون منطقيه تبقى دعوه لمقاطعه جميع الوكلاء
لازم الكل يبدا بتوكيل واحد (اضرب المربوطيخاف السايب ) و هتلاقى لو نجحت حملة مقاطعة ميتسوبيشى كل التوكيلات هتنزل تالاسعار علطول
اقتباس:
وبرضه في الاخر هتبقى غير منطقيه لان الموضوع عرض وطلب
وطول ما في طلب ........... البائع من حقه ان يحدد السعر
ايوه الكلام دا لو كان الشعب المصرى شعب محترم واعى عارف حقوقه و عارف ازاى يقاطع التوكيلات اللى بتغلى على الفاضى.
اقتباس:
ولازلت اراها مشكلة سطحية، يعني الناس خلاص معندهاش مشاكل غير متسوبيشي غلى
انا رايى هى دى السلبية اللى جايبانا لوره مهو لازم يكون فى بداية و لا ايه؟؟؟
اقتباس:
العربيات؟؟! طيب هو متسوبيشي لوحدة؟؟
واشمعنى نقاطع متسوبيشي ولية مش هيونداي مثلاً؟
علشان هيونداى زودوا 5000 جنيه ميتسوبيشى زودوا 13000 جنيه على الاقل.
اقتباس:
طب يعني الين زاد علي الاتنين دول بس و ما زادش علي الموديلين التانيين ليه ...
من الاخر الموضوع نصب في نصب ولا متاثر بالين و لا بتاع
خد عندك الدليل كل العربيات اللى اسعارها بتعتمد على اليورو زى الاوبل و الفولكس و البيجو و السيتروين مازادتش (ماعدا حاجة بسيطة اوى للبيجو) طيب ليييييه؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
مع ان اليورو اكتر حاجة اتاثرت!!!!!!!