دعوة لمُقاطعة وكيل ميتسوبيشي (وائل عطية)

**وائل عطية** · 11-03-2008 10:12 AM

بصراحة كده أنا حاسس إن الشركة بتتبع سياسة عشوائية في التسعير
يعني كل شوية نلاقيهم طالعين علينا بزيادة في الأسعار بدون سبب وجيه
رأيي الشخصي ، إن سياستهم التسعيرية غير مدروسة جيداً ولا ترعي البعد الإجتماعي
طبعاً الرد الطبيعي : بعد اجتماعي إيه ..فعلاً دا توكيل سيارات وعايز يكسب بأي شكل وخلاص ويستفيد من الزيادة المُبالغ فيها في مبيعاتهم في مصر (في مصر فقط) واحنا بنساعدهم على التمادي، لأنهم كل شوية يزودوا الأسعار براحتهم وكل شوية بسبب، وآخر الأسباب إن الين ارتفع والاعتماد مفتوح بالين !!!
ازاي يعني مفتوح بالين ؟؟ ماهو معروف في الدنيا كلها إن الدولار هو العملة الرسمية الدولية، أهو الدولار عمال ينزل في الأرض (ربنا ياخد أمريكا)، طيب هو بينزل وانتوا بترفعوا السعر ، إزاي يعني؟
دعوة لكل من يُفكر في شراء إحدي سيارات ميتسوبيشي من مصرية أن يُراجع نفسه وإن شاء الله سيجد بديل أفضل

**mido777** · 11-03-2008 11:02 AM

والله يا وائل باشا انا كنت متوقع من متسوبيشى انها تنزل من اسعارها مش تعليها لأن فيه سيارات فى نفس الفئة وسعرها تنافسى بالنسبة للمتسوبيشى

فبكده ممكن متسوبيشى تفقد الميزة التنافسية على اساس ان سعرها عالى

**Islam_galal** · 11-03-2008 11:06 AM

هوه الخسران في النهاية و بعدين الخليجي المفروض يظبط السعر لأن من منافسين للوكيل

**وائل عطية** · 11-03-2008 11:14 AM

لو سمحتوا يا جماعة
أنا شايف 10 تصويتات بعدم الموافقة، ياريت اللي صوت يُدخل ويقول رأيه
مش كفاية التصويت بس..إحنا عايزين نوجه رسالة قوية للشركة دي

**boody2** · 11-03-2008 11:14 AM

المشاركة الأصلية كتبت بواسطة Islam_galal

هوه الخسران في النهاية و بعدين الخليجي المفروض يظبط السعر لأن من منافسين للوكيل

مش كل الناس ممكن تثق انها تجيب خليجي بدون ضمان ..

**boody2** · 11-03-2008 11:16 AM

المشاركة الأصلية كتبت بواسطة mido777

والله يا وائل باشا انا كنت متوقع من متسوبيشى انها تنزل من اسعارها مش تعليها لأن فيه سيارات فى نفس الفئة وسعرها تنافسى بالنسبة للمتسوبيشى

فبكده ممكن متسوبيشى تفقد الميزة التنافسية على اساس ان سعرها عالى

انا فعلا مع القول ان الاسعار اصبح مبالغ فيها جدااااا ةو لكن ليس هناك زي ما حضرتك بتقول سيارات ياباني و باكرر ياباني في نفس الفئة باسعار تنافسية في السوقمع احترامي لكل انواع السيارات الاخري

**hamedo0** · 11-03-2008 11:20 AM

هي اسعار كل التوكيلات مش متسوبيشى بس

**limo** · 11-03-2008 11:22 AM

الاسعار كده فيها استهبال رسمى
ان السوق مليان عربيات يابانى وفى نفس الوقت مفيش زياده عليها
انتوا عارفين كده موديل 2008 زاد عن موديل 2007 كام ؟
10 الف جنيه مع عدم اختلاف فى الشكل او فى الكماليات
انا اول المقاطعين
انا كنت ناوى على 1600 اوتوماتيك ضمان وكيل المصريه بس كده خلاص صرفت نظر تماما
انا ايه الى يخلينى اركب عربيه شكل قديم ب112000 الف جنيه فى حين انى ممكن اركب حاجه احسن منها مع زياده بسيطه السعر

**محمد عز** · 11-03-2008 11:31 AM

على فكره ياجماعه السيارات هنا فى الامارات غليت برده وبالذات متسوبيشي وتويوتا وبيقولوا برده موضوع الين ده
مش عارف ان كان الكلام ده صح ولا لا
بس نسبة التضخم هنا فظيعه جدا يعنى كل خمس دقايق الحاجة بتغلي

**mido777** · 11-03-2008 11:31 AM

المشاركة الأصلية كتبت بواسطة boody2

انا فعلا مع القول ان الاسعار اصبح مبالغ فيها جدااااا ةو لكن ليس هناك زي ما حضرتك بتقول سيارات ياباني و باكرر ياباني في نفس الفئة باسعار تنافسية في السوقمع احترامي لكل انواع السيارات الاخري

لو حضرتك قصدك تستبعد التويوتا- الجنوب افريقى- مفيش مشكلة مع ان المصنع ده بيصدر لأكثر من 100 دولة ومنهم دول اوربية كتير
بس المازدا3 يابانى 100% واعلى فئة سعرية فيها 156.000
والمتسوبيشى لانسر اعلى فئة سعرية فيها 150.000

انا لو ح اختار ما بين الأثنين حجيب مازدا 3

مشاهدة نتائج الإستطلاع: هل توافق على الأسعار التي يطرحها وكيل ميتسوبيشي

الموضوع: دعوة لمُقاطعة وكيل ميتسوبيشي (وائل عطية)

LinkBack

أدوات الموضوع

عرض

دعوة لمُقاطعة وكيل ميتسوبيشي (وائل عطية) - انشر الموضوع فى :

-

-

-

-

-

-

المواضيع المتشابهه

وكيل ميتسوبيشي .. فشل بكل المقاييس

حادثـــــــــة !! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة