الموضوع: *** برامج و مواقع لتنمية الذكاء لدى الأطفال .......***

و الله مجهود مشكور و موضوع شيق اكيد حيعجب الولاد قوي


محمد فهمي

نسيت اسأل حضرتك لو تعرف الاختبار اللي بيحددوا بيه مستوي ذكاء الطفل فين ..لان ده مهم جدا
لان معظمنا ما بناخدش بالنا من الموضوع و الاطفال لسه صغيرين و بنشوف الولد او البنت بتعمل حاجات غريبة و تصرفات غريبة و بنقعد نضحك عليها و خلاص و ممكن دي بتكون مؤشر لمشكلة عند الطفل ممكن حلها مبكرا انما اما الوقت بيتأخر بيبقي الحل صعب شوية
فاختبار الذكاء ده بيبين ابنك فين دلوقتي و بتطمن من وقت للتاني عليه
و طبعا لا يجب اغفال بعض المحاذير التي يجب ان تراعي في تربية الطفل
اولا لازم نبقي عارفين ان تربية الطفل دي حاجة مش سهلة خالص و لازم نوفره الجو المناسب للتربية
يعني احنا مش جايبينه عشان نكبته و نديله قائمة ممنوعات و عليه ان يلتزم بها..لأ فيه فترة من الفترات لا يجب وضع اي محاذير للطفل و تركه ينطلق ليخرج طاقته و طبعا الطاقة دي حتخرج فينا احنا و لازم نستحمل ..نستحمل كل حاجة ممكن تحصل من تدمير لمحتويات الشقة و تكسير لفازات قيمة و لازم احنا برضه ناخد المحاذير باننا نشيل كل حاجة خايفين عليها او ممكن تضره بعيد عن متناول ايديه يعني انا مثلا شايل كل الفازات و باسكيتات القمامة ماعدا واحدة في دولاب المطبخ اللي خليت الراجل بتاع الالمويتال يعمل للدواليب الارضية اقفال و ضرورة قفل انبوبة البوتاجاز او عزل الغاز بعد كل استخدام للبوتاجاز
للاسف انا عندي مرحلتين مختلفتين واحد في كي جي 2 وواحد عنده سنتين يعني ده له محاذير و التاني له محاذير تانية خالص لكن بصراحة مازن الكبير مريحني الي حد كبير و طاعته و تنفيذه للتعليمات انما لازم تفضي دماغك تماما لطفل في المرحلة دي لان مناقشاته ما بتخلص ابدا فلازم يكون عندك طول بال و لو ماعندكش اشتري المهم لازم يبقي فيه طول بال عشان ما تخسرش القضية

الموضوع اكيد له استكمال انما قبل و بعد كل شيء لازم تفكر نفسك دايما ان اطفالك همه دول استثمارك الحقيقي اللي حيقعدلك و تجني ثماره بعدين فلازم تتعب قوي دلوقتي احسن ما تتعب العمر كله و تتعب بمزاجك احس ما تتعب غصب عنك و في الاول و الاخر احنا بنعمل اللي علينا و بنسيب كل حاجة علي ربنا عز و جل


محمد فهمي

شكرا وجاري التحميل والتجربة

جارى التجربة - مشكور

شكرا يا باشا بس مافيش حاجة للكبار ولا دول خلاص مفيهومش امل