الموضوع: نتيجه زيارتي مركز خدمة ابواليزيد - الملك الصالح

المشاركة الأصلية كتبت بواسطة ahmedhilmy

مبروك يا محمد باشا خير ما عملت الناس هناك محترمين و شغلهم كويس اوي انا في فبراير اللي فات غيرت في الفرع ده الشكمان بالكامل و بيديلك علي شغلهم 6 شهور ضمان لو رحتلهم في اي وقت خلال ال 6 شهور بيراجع علي شغله بدون اي تكلفة ده بالضافة انه لو شاكك في حاجة و معرفش الفني اللي هناك يفيدك يوم السبت بيبقي في مهندس من الفرع الرئيسي موجود هناك اسمه م / اكرامي شخص محترم جدا برده و بيفيد جامد و عموما مبروك ما عملت مرة تانية.

ربنا يبارك في يا استاذ احمد وفعلا هناك الناس محترمين جدا وكلامهم بيطمن الواحد على الاخر , خاصه في حكايه ظهور عيوب الصناعه او اي مشكله تانيه في القطع اللي تم تركيبها , لكن الحمد لله انا شايف ان شغلهم وحاجتهم تمام وان شاء الله مفيش اي مشاكل تظهر في القريب العاجل :-)

المشاركة الأصلية كتبت بواسطة walidadel81

مبارك عليك يا ابو حميد وانشاء الملك بتكون وضع العربيه افضل معاك فيما بعد بعد اذنك انا عايز اسالك علي حاجه اسعار النوبيرا زي اسعار الانوس ولا ماسالت وهل النوبيرا تو فيها علبه البيئه برده؟؟؟؟؟

الله يبارك فيك يا مستر :-) للاسف انا مسألتش على اسعار النوبيرا , بس والله لو كنت اعرف انك عايز تستفسر كنت سألتلك , لكن ان شاء الله لو عديت من ناحيتهم قريب اسألك والله على الشكمان من اوله لأخره , وبصراحه معنديش فكره عن موضوع علبه البيئه في النوبيرا :-)

المشاركة الأصلية كتبت بواسطة karimfahmy99

مبروك عليك التجديد اللى عملتة و اهم حاجة فى الموضوع هو احساسك بفارق عما كان فى الصوت . الراحة النفسية اهم حاجة و ان اللى ادفع مكنش هدر .

اه والله الحمد لله الراحه النفسيه اتوجدت , خاصه بعد لما لقيت ان مفيش فرق صوت عالى بعد الغاء علبه البيئه , لاني بحب صوت الموتور هادي , و الله يبارك فيك يا استاذ كريم :-)

المشاركة الأصلية كتبت بواسطة bakkarahmed

مبروووووووووووك عليك طقم الشكمان يا محمد
اما اتعاملت مع الفرع ده من 6 شهور تقريبا وهك ناس محترمين
بس انا لما روحت عندهم اخر مره من شهرين علشان كنت عايز اشتري لواحد صاحبي العلبه الخلفيه فقط قالولي انهم مركز خدمه فقط اما منفذ البيع في صلاح سالم تقريبا طبعا علشان كان ساعتها علبه الشكمان بس ب 130 جنيه وصاحبي قال انا اولي ب ال60 جنيه دول لان التركيب بمسامير فقط واي واحد اخره هياخد 10 جنيه تركيب و يبقي هاوفر 50 جنيه.
انت ناوي تبيع علبه البيئه بعد كده؟؟ علشان ممكن تجيبلك مبلغ تعمل بيه حاجه كويسه للعربيه؟

ربنا يبارك في يادكتور :-) تسلملي ياصديقي
انا مش عارف حكايه منفذ البيع اللي في صلاح سالم ده , بس عالعموم امبارح لما روحت كان عندهم كل حاجه سواء علب شكمانات او وصلات لان المكان ده فيه مخزن وموجوده جواه كل حاجه , وعلى فكره مصنعيه تركيب العلبه او الوصله عندهم تقريبا حوالى 40 جنيه !!!! بس المفروض ان الشغل عندهم اضمن من بره

وبالنسبه لعلبه البيئه فأنا والله مش مخطط اي حاجه ليها غير اني هشيلها في اي حته يمكن في يوم من الايام احتاج اركبها تاني (مع انه مستبعد) , بس لو حد عنده فكره او صرفه للعلبه دي يقولي ويبقا خير وبركه :-)

المشاركة الأصلية كتبت بواسطة drmomoking

معلش يا استاذ محمد انا ملاحظ اختلاف الاسعار فى اول الموضوع و لما حضرتك كاتب الحساب النهائى فهل الاسعار اللى فى الاول شاملة المصنعية والضريبة ولا اية برجاء التوضيح و شكرا

الاسعار في اول الموضوع تقدر تقول انها (فتح كلام) من مبدأ == بين البائع والمشتري يفتح الله :-) == , لكن في النهايه وبعد التركيب كان في محاولات للفصال بالإضافه لبطاقه التخفيض اللي كنات معايا , والنتيجه كانت الاسعار الموجوده في اخر الموضوع , وده من مبدأ == ساعه الكاش الغالي يبقا ببلاش :-)) ==

المشاركة الأصلية كتبت بواسطة drmomoking

هههههه انا كدا فهمت و مبروك لحضرتك و معلش سؤال برة الموضوع حضرتك تعرف هاشم اللى فى بين السرايات الميكانيكى ومصنعية تغيير التيل تبقى كام وشكرا

الله يبارك في حضرتك يا دكتور :-) وبالنسبه لعنوان هاشم فـ حالا هتلاقيه جوا موضوع حضرتك :-)

المشاركة الأصلية كتبت بواسطة karimfahmy99

الحمد لله دى اهم حاجة و بعدين احنا جيران مش عاوز الشارع يقلب نكد و لا اية يا يبو حميد

ربنا ما يجيب نكد ياريس ان شاء الله :-)