أمير الصعيد .... شيخ العرب همام الهواري ....

**نور القمر** · 04-09-2010 06:03 AM

كنت داخلة اقول عل مدحت تيخة ((الشيخ سلام )) انه افضل شخصية في المسلسل وزعلت عليه لما مات كأنه مات بجد
ليهم حق يكتبوا في التتر نجم المستقبل
مع ان يحى الفخراني رخم لكن ممثل مبدع وكمان صابرين وريهام وعجبني جدا دور عمر الحريري كان مقنع جدا وكنت بمو من الضحك كل ما يشتم يقول ابن المركوب او اولاد المراكيب لانه بيفكرني بشخصية لصعيدي جارنا الله يرحمه كان ديما يقول اللفظ ده
بس مش عاجبني تبرج صابرين لانها مدام اتحجبت كان مفروض تلتزم بحجابها ومكنش في داعي لبعض الاحضان بينها وبين الفخراني اللي اساءت لها عموما ولوكونها محجبة خصوصا
لكن المسلس فعلا من اققوى الاعمال
وبالمناسبة انا ليا فرع من عيله هوارة

**medo_2060** · 04-09-2010 06:15 AM

انا شوفت حلقه واحده بس من المسلسل دا عشان زميل ليا هيمثل فيها وكان طالع فى دور واحد اسمه سليمان بيك تقريبا... ايه رأيكم فى تمثيله بما انكم متابعين المسلسل؟......
وعموما مقدرش احكم على المسلسل لانى مش متابعه.

**mostafabakry** · 04-09-2010 04:00 PM

المشاركة الأصلية كتبت بواسطة mazagangee

صحيح المسلسل أجمل ما يمكن مشاهدته في رمضان و لكن

اللهجة مش بتاعة العرب و لا الصعايدة في زمن همام و لا حتى دلوقتي دي لهجة اخترعها المخرج

بعض الديكورات مش مناسبة للزمن الحقيقي للأحداث

الزيادة و النقص في الأحداث مالهوش لازمة و كان كفاية الأحداث الحقيقية ....

اللهجة دي هي بتاعة الصعايدة حاليا و خصوصا صعايدة شمال قنا نجع حمادي و فرشوط و ابو تشت
انا من قنا و بصراحة اول مسلسل تكون اللهجة زي بتاعتنا فعلا في الصعيد بعد ذئاب الجبل و نوعا ما الضوء الشارد

انا معاك ان بعض الديكورات مبالغ فيها و مش بتاعة الفتره اللي بيتكلم عنها المسلسل

بس مجمل العمل كويس و بصراحة انا معجب جدا بيه و خصوصا يحيي الفخراني تممثيله راااءع و بيعيش الشخصية بشكل مبدع و طبعا كل الممثلين اللي معاه رائعين

انا لو قدرت اشوفه اكتر من مره في اليوم بشوفه

**ghada_zaky** · 04-09-2010 06:04 PM

انا مش عارفة انزل القصة من الينكات اللى موجودة
الصفحة بتتفتح كلام هيروغريفى

**BomBom** · 05-09-2010 01:07 AM

المشاركة الأصلية كتبت بواسطة ghada_zaky

انا مش عارفة انزل القصة من الينكات اللى موجودة
الصفحة بتتفتح كلام هيروغريفى

في نص صفحة التحميل تقريبا فيه جدول من سطر واحد مكتوب اوله Click لرقم معين ، و ليكن 70 مثلا ، و باقي الجدول مجموعة ارقام عشوائية من ضمنها الرقم المذكور بعد كلمة Click ، يتم التأشير بالماوس + كليك على الرقم ليبدأ التحميل .

**M.Elsheikh** · 05-09-2010 01:13 AM

الف شكر علي القصه الاصليه

**medociv** · 05-09-2010 10:23 AM

انا رايي الصراحة ان احسن حاجة في رمضان هي مقاطعة المسلسلات والبرامج الهايفة اللي ملهاش لازمة (وفي غير رمضان الصراحة) (لاني اكتشفت ان المتابع الهمام للمسلسلات بيطلعلو في الاخر ودنين طوال قوي)
وبعدين المسلسل ده كمان اللهجة كلها عامية هو كان في كده !! وصابرين المحجبة طالعة بشعرها (لابسة باروكة عشان الحجاب بس)
والبت اللي معرفش اسمها ايه نظام باين لبس زبالة ومكياج اوفر للجميع وعدسات
يعني مغالطات - استهبال - مكياج ومناظر غريبة والله مناظر تفطر

**MaZaGAngeE** · 05-09-2010 11:31 AM

المشاركة الأصلية كتبت بواسطة ghada_zaky

انا مش عارفة انزل القصة من الينكات اللى موجودة
الصفحة بتتفتح كلام هيروغريفى

عرفتي تنزليهم و لا ابعتهوملك ؟

**MaZaGAngeE** · 05-09-2010 11:34 AM

المشاركة الأصلية كتبت بواسطة medociv

انا رايي الصراحة ان احسن حاجة في رمضان هي مقاطعة المسلسلات والبرامج الهايفة اللي ملهاش لازمة (وفي غير رمضان الصراحة) (لاني اكتشفت ان المتابع الهمام للمسلسلات بيطلعلو في الاخر ودنين طوال قوي)
وبعدين المسلسل ده كمان اللهجة كلها عامية هو كان في كده !! وصابرين المحجبة طالعة بشعرها (لابسة باروكة عشان الحجاب بس)
والبت اللي معرفش اسمها ايه نظام باين لبس زبالة ومكياج اوفر للجميع وعدسات
يعني مغالطات - استهبال - مكياج ومناظر غريبة والله مناظر تفطر

انت من حقك تعمل اللي يريحك و تقول رأيك بس ياريت يكون أسلوبك أفضل من كده لأن لو انت عايز تنصح حد و تقوله انت حمار مش هقبل منك نصيحة بالعكس ممكن كمان يتمادى في الخطأ اللي هوه بيعمله ( ده لو انت بتنصح حد عمل حاجة غلط )

**ghada_zaky** · 05-09-2010 04:12 PM

المشاركة الأصلية كتبت بواسطة MaZaGAngeE

عرفتي تنزليهم و لا ابعتهوملك ؟

تمام نزلتهم

ميرسى جداااااا

الموضوع: أمير الصعيد .... شيخ العرب همام الهواري ....

LinkBack

أدوات الموضوع

عرض

-

-

-

-

-

المواضيع المتشابهه

( saga ) روحت امبارح عز العرب فرع مدينة نصر عشان الساجا , و زعلان من سياسة عز العرب

العرب العاربة والمستعربة (العرب ليسو عرق بشري إنما قومية لغوية)

العرب المنفصلين ؟؟ و اللغة العربية و قضايا العرب و الثقافة

أمير وقع عالتابلوه

الكلمات الدلالية لهذا الموضوع

المفضلات

المفضلات

ضوابط المشاركة