بجد كلام زي الفل وبارك الله فيما رزق :d
عرض للطباعة
بجد كلام زي الفل وبارك الله فيما رزق :d
انا موافق على
أنا بسوق بأخلاقى وجنبها سمايل
وفوقها لوجو نايل موتورز
زميل تاني كاتب
انا كنت باتخيل الموقف على طريق سريع...مش هايسمعنى لو قلتله اى حاجة بهدوءاقتباس:
Cars Sniper
عضو فعال
على فكرة انا تقريبا مابشتمش فى السواقة خالص ماعدا فى حالة ان واحد موقف الطريق(غبى يعنى) ويستاهل الشتيمة لانه قاصد كدة اما على الطرق ممكن اللى كسر مايكونش قاصد ولو قاصد بجيبه واروح باصصله بصة من اللى هى وكأنى باقوله"سبحان الله(مع التعجب بالايد كمان)!! ربنا يشفى" ...من غير شتيمة واحدة او حتى كلمة ,باحرجه وباحسسه انه مالوش فيها
طب ولو حد عملك كده؟؟ لو عايز تحرجه احرجه بأدب
تعالى جنبه وقوله بمنتهى الهدوء ...
ينفع كده يعني ؟؟؟ والله حيعتذرلك على طول
لكن تبصله بصه دي معلش يعني كلام فاضي وملهاش معنى ولا اي تأثير عليه
اما بقى تأثير البصة عليه...فتخيل نفسك مكانه وحد بصلك بصة مش تمام وهو بيهز راسه(كأنه بيقول لا حول ولا قوة الا بالله) وكأنه مش شايف بنى آدم قدامه و سابك ومشى...ماتقوليش مافيهاش اى تأثير:ma:لانى مجربها فى ناس كتييييييير
معلش الكلام كتير عشان بحب اقول اللي في دماغي كله
والنبي مش مستاهله حملات ولا حاجه لو كل واحد ساق عربيته كويس بعد فتره الناس كلها حتتعدل لوحدها
لان الناس اصلا ماشيه عدل بس عايزه تتعامل مع ناس محترمه
هو تقريبا سبب المشكله ان الناس بتنسى انها كويسه وعايزه حد يفكرها
ومافيش اكتر من المحترمين في مصر
ولعلمك فيه امل كبير
بس
الغريب اني كنت فاكر حفتح الموضوع حلاقي المشاركات بتطلب توضيح للي اقصده
الحمد لله
كده كله مخه شغال زي الفل (24 حصان )
يا جماعه فكره الاستيكر حلوه مفيهاش حاجه
بس مش شرط يعني
الا بقى لو ناوي تكتب التفاصيل كلها...
شاب لديه رخصه وسياره وبيسوق عدل وبيحترم الناس واخلاقه في السواقه لا يعلى عليها يطلب عروسه ههههه اقصد يطلب من اللي ماشي وراه وقدامه عن يمينه ويساره ( الجهات الاربعه يعني ) يمشو بأحترامهم عشان ليلتهم تعدي على خير وشكرا .
بس اعتقد الزجاج الخلفي مش حيكفي موضوع التعبير ده
المهم يعني انا اقترحت السمايلي عشان برضو شكلها بيفرح وبتخلي الناس تروق وتنبسط
اللي شايف فكره استيكر مكتوب عليها اي حاجه من الاقتراحات بتاعت الاعضاء كويسه ومقتنع بيها يبقى حلو قوي ودي اوضح من السمايلي ( عشان فيه ناس مبتفهمش مش بعيد تعدي جنب عربيه ويقولك فيه حد لازقلك صوره على الزجاج زي كده ما بيقولك العجل بيلف هههههههههههه )
في حاجه استنتجتها
ان كل اللي كتب مشاركات عنده حسن ظن في الناس ( ماعدا سواقين الميكروباص والتكاتك هههههه)
ده دليل اننا مقتنعين اننا مش بنأذن في مالطا (( هو اشمعنى مالطا صحيح ؟؟ )
يعني مقتنعين ان الناس فعلا كويسين
والاستيكر حيكون عشان نفكر اللي ناسي اننا كويسين
على بركه الله
كل واحد يبدأ بنفسه
ومتستسلمش
امسك اعصابك
وحط اخلاقك في العربيه معاك
زيها زي المفاتيح
متنزلش من البيت من غيرها
عشان متجيش بعد مده وتنسى انت حطيتها فين
انا بسوق بأخلاقي ( والشوت جن موجوده برضو ))
ههههههههههههههههههههه
بهزر
انا بسوق بأخلاقي
حبيبى وصحبى وكفائه ياzago
انا بحاول دائما و انا نازل إني ابقى في مود هادي و اسوق بهدوء و لو حد كسر أو عمل حاجة تضايقني بحاول انبهه بطريقة بسيطة ذي كلاكس أو أكلمه , المهم بحاول إني أوصل الشغل من غير ما اكون متضايق , و بحاول برده التمس الاعذار أحياناً للناس ,
لكن لو الواحد في مود مش كويس مش هيعرف يعمل حاجة من دي و بالعكس السواقة بتزود الطين بلّة .... أقصد بتزود النرفزة و المود بيبقى أسوأ ....
فكرة السمايلي دي كويسة و انا هدور إن شاء الله عند بتوع الإكسسوارات على حاجة يكون حجمها كويس و شكلها حلو .
فكره حلوه يا ابو نسمه
ماهو لو المود مش كويس ساعتها احنا في مرحله خطوره لا قدر الله وممكن الواحد يعمل مصيبه بالعربيه
ساعتها يا اما امسك اعصابي وأهدي نفسي يا اما اركب مواصلات احسن الف مره
يعني عندك كمثال
انا شخصيا مبنزلش وسط البلد بالعربيه نهائي
لأني عارف اني في الزحمه ببقى فاقد السيطره تماما على اعصابي وممكن حتى واحد من الناس اللي بتعدي ومديا ضهرها للعربيات دي اروح شايله ( بالقصد )
وصدقني عملتها مره في امين شرطه واقف يسحب الرخص عند تمثال عبد المنعم رياض
من ساعتها عرفت ان الطيب احسن ( متخفش الراجل سليم ومعمليش حاجه )
يعني انا عارف ان الصبر ليه حدود
ولو الطريق يعدي حدود صبرك
يبقى المواصلات احسن
امال انتو فاكرين سواقين الميكروباصات بيسوقو كده ليه!!!!
ماهو من كتر الأرف اللي بيشوفوه
والله كلامك كله كلام جميل وانا دايما بقوله بينى وبين نفسى
لكن المشكله بقى لما تنزل لارض الواقع اللى اصبحت (ميدان المعركه)
تكتشف ان مافيش فايده ...... والله انا مش باحبط افكارك ابدا
المواقف اللى الواحد بيمر بيها للاسف تخليه يخرج عن شعوره
.................................................. ............
طيب انا هقولك على حاجه
وانا متجه لعملى يوميا بطلع الدائرى من مطلع زهراء مصر القديمه
متجه للقطاميه واكيد المطلع محتاج سرعه معينه
اتفاجئ بسائق نقل نازل المطلع كله بالخلف وبسرعه كمان
شوف انت بقى ايه اللى ممكن يحصل فى لحظه لو انا مش واخد باللى
او مش متوقع الموقف
الموضوع بيتكرر كتير وصدقنى اى حد مكانى مش هيكون هادى
وعندك كمان الافنديه اللى بيركنو على مطلع كوبرى ضيق علشان يركب او ينزل حد
وانت برضه ماشى بسرعتك ومش متوقع ان الطريق يحصل فيه كده
المشكله هنا ان فى مواقف ممكن تثبب كوارث بسبب الاستهتار
انا ممكن التمس العزر لحد رمى عليا او حد بيعمل غرز كمان ومستعجل
انما واحد بيرجع بظهره مطلع كوبرى او يقف فى او ل المطلع او المنزل
صعب جدا انى التمسله اى عزر
يظهر انا كمان طولت فى الكلام بس يارب تون فكرتى وصلت
زاجو و الله العظيم أنا بقالى 3 أيام و أنا سايق يا باشا حاسس أنى بسوق عربية فى السيرك مش الشارع و بقيت بتنرفز جدا العالم يا سيدى بتسوق ب عشواءية و البقاء فى أرض المعركة اقصد فى الشارع للاقوى و الى يحصلنى يبقى يجيبنى ههههههههههههههههههههههههه ههههه
كلامك مظبوط فعلا
نعيب زماننا والعيب فينا وما لزماننا عيب سوانا
البهايم اللي راكبين عربيات وبيعملو الحركات اللي حضرتك بتقول عليها
بأختصار شديد بيعملوها عشان مش لاقيين حد يلمهم
لو حد ماشي مظبوط واتطوع انه يعرفهم خطاهم صدقني اللي حيحصل حيبقى ( مصيبه )
وفي الاخر برضو مافيش فايده
طلعا لازم برضو نلتمسلهم عذر ( مخهم صغير )
وخليك عارف ان الحركات بتاعتهم دي غالبا في الاخر ( حتيجي على دماغهم )
انا بتكلم على الناس اللي ماشيه مظبوط وعدل
ليه تحرق دمها عشان ناس تانيه اقل وصف ليهم انهم مبيفكروش
الناس دي تعتبر طفرات
مش غالبيه خااااااااااااالص
اعتبر نفسك بتشوف حاجه غريبه
عديها وخلاص يعني ومتفكرش فيها كتير
حتي يقضي الله امرا كان مفعولا
( نخلص منهم يعني ) ههههههههههههههه
بالنسبالنا احنا
واخطائنا البسيطه
واخطاء الغير البسيطه
نتعامل كويس ونطنش عليها ويا دار مادخلك شر
الحل بتاع اللي راجع بضهره على مطلع بقى وكده....
اقرا التوقيع بتاعي
يا زاجو أول امبارح كدة كنت رايح أفطر برة و راكن عدل تماما أرجع يا عم و باقى 20 دقيقة على الفطار ألاقى واحد محترم راكن جنبى و شادد فرامل اليد بعربية هيونداى اكسنت الجديدة لحسن الحظ كان ورايا واحدة ست قافلة عليا برضو بس لما رجعت لورا شوية طلعت زى التعبان ما بين العربية الى قافلة عليا و الرصيف الى حكيت فية كتير جدا علشان أعرف أجيب مرشدير و أنت عارف التمبرا و الشنطة الى عاملة زى المصيبة ما بتشوفش منها لانها عالية ههههههههههه بعد ما خرجت و بلاش مش حا اقولك عملت أية هههههههههههههههه
يا هشام بيه قدر ولطف هههههههههههه
امال انا زعلان على العربيه الجيب ليه؟؟
ههههههههههه
المره الجايه ابقى اعمل زيي وفسيله الاربع فرد
والمسامح كريم
او ممكن بعد ما تطلع منه تقوم راجع مرشدير ومستفيد من ارتفاع شنطه التمبرا
والمسامح كريم برضو
ههههههههههههههههههههههههه ه السامح كريم فعلا أنت عارف انا بصراحة من كتر النرفزة بصراحة خرجت عن شعورى تماما بجد بس ما أستفدتش ب أرتفاع الشنطة ههههههههههه حطيت الاكصدام الامامى بتاعى فى الاكصدام الخلفى عندة و تقلت شوية على البنزين العلابية التاية برغم أنى كنت متنرفز صعبت عليا سبتة بس أية دة يا عم الراجل كان شادد فرامل اليد و عشق العربية بس العربية سحفت 35 سنتى لآدام و حسيت بجد أنها ممكن تتخلع و الاكصدام يقع صعبت عليا قلت خليك هادى و مشيت بس لو كنت شوفت وشة بجد مش عارف كان ممكن اقولة أية على قلة الذوق الى عاملها دى و المهم انة أكيد كان داخل محل مش طالع يفطر مثلا عند حد لان المكان كان قدام مول صغير مش عمارة سكنية
كلام جميل
كلام معقول
مقدرش اقول حاجة عنه
طب اسال سؤال لو نزلت و جيت تركب العربية و لقيت واحد قافل عليك و شادد فرامل اليد او معشق ممكن اعرف بتعمل اية سواء انت مستعجل و لا فاضى الحالتين بعد أستنفاز تجربة انك تفضل تضرب كلاكس يمكن يسمع و تحس و يجى يحرك العربية ممكن أعرف بمتهى الامانة و بدون تجميل للحقائق
لما بيحصلي كدا بروح وبرجع اخدها وقت تاني او تاني يوم لو عند الشغل
ويبقي ربنا كاتبلك الخير مين عارف لو مشيت بالعربية فلوقت اللي مستعجل دا كان حصل ايه
يلا مستنيين صاحب الموضوع يرد
بس فعلا لما بقيت اتعامل بالاسلوب دا
ان كل واحدة معدية جنبي دي صحبتي الانتيم او والدتي او خالتي
وكل واحد معدي جنبي دا والدي او اخويا او حد من نايل موتورز المفروض افرح لما اشوفه
الوضع بيتغير كلية... دا غير ان ضغطي نزل شوية بعد مكان عالي باستمرار
زاجو أنا مش شرير و الله يا باشا بعمل حركات جدعنة مع ناس ما أعرفهموش و خصوصا لو كان العربية فيها شياب بصراحة مش بنات ايوة و الله مش العكس هو الصحيح لو شاب بقفلة أكتر لانة مش حا يفتكر أنا نازل أتغزل فى جمالة و طلباتة سريعة و اسهل ههههههههههههههههه بجد بس لو لاقيت واحد ست سنها كبير شوية دى بقف لها على طول لو بنت و حلوة ممكن أطنش ههههههههههه ميت حد حا يقفلها يا عم مش لازم أنا الا لو كان الطريق فاضى بقف بس بعمل اية بقوم معلق سلك القطر فى العربية عندة و مركب الهلب بتاع القطرة فى العربية التانية و أسحب العربية فى السريع لاقرب مكان عمار او معقول و دى من وحهت نظرى جدعنة و سلام سلام يا باشا و باى باى ههههههههههههههههه
أروح و اخد العربية وقت تانى أزاى افرضى انا مش تحت باب البيت و عاوز اروح و فى مكان يعيد أنا توصلت لحل بس هو شيطانى بصراحة و مش عاوز اقولة ههههههههههههههههههههههههه هه
بص ماتزعلش من ردي
اي كلام فاضي معقول
انت تقصد الناس بتحترم بعض علشان عربياتهم زي بعض بمعني ان ال لانسر يحترم لانسر اللي زية والدايو يحترم الدايو اللي زيو
والحل اللي عند ان احنا كلنا نعمل عربية جديدة نفترض ان نوعها هايكون زجزجة
وكلنا هانكون راكبين زجزجة
ولما كلنا هانركب زجزجة كولو هايحترم نفسو وماحدش هايشتم حد ولا هايزنق علي حد
صح كده
ماعنديش غير رد واحد ...........ده عند امو يا ادهم ..........
اخلاق الناس وسلوكياتهم بتتغير 360 درجة اول ماتقعد ورا الدركسيون من غباء الناس اللي في الشارع
ابو عبد الله
بأمانه
والله بدون مبالغه
انا عشان الحركه دي مخصوص
معايا في شنطه العربيه علبه زيت فرامل ( باكم)
طبعا عرفت بعمل بيها ايه
وصدقني لو صاحب العربيه موجود الخساير بتبقى اكبر
وحصلت كذا مره انزل الاقي واحد من الجيران عندنا راكن عربيته بالعرض وقافل على عربيتي ( الجيب )
وكلمته كذا مره بالزوق ومفييش فايده
مش عايز اقولك ايه اللي عملته في الاخر عشان مش حتصدقني
ومن ساعتها الراجل لما يشوفني بيدارى (بيستخبى يعني )
بس خدت من بابا شويه تهزيق محترمين
انا عارف ان فيه نوعيه ناس تستحق القتل رميا ( بالشباشب )
بس الناس دول بيعملو الحركات دي بقصد
انا كل كلامي على الناس اللي بتغلط ( سهوا )
لا انت فاهمني غلط
انا مقصدش نوعيات العربيات
انا اقصد ان الواحد لما يلاقي بينه وبين الناس ترابط
بيبقى كويس
ولو فيه عربيه اسمها زجزجه احجزلي زجزوجتين
وياريت تشرحلي ازاي السلوكيات بتتغير اول ما تقعد ورا الدركسيون
لاني معنديش الكلام ده
سواء ورا الدركسيون او ورا الشمس
اللي بتقولو مينفعش
طب ولو رجعتي لقيتي العربيه لسه محبوسه؟؟
طب لو صاحب العربيه سافر
حتعملي ايه؟؟؟؟
يا جماعه مش بقول ننام على نفسنا
بقول نتعامل بالحسنى
تصرفك ينفع في حالات قليله
انا مره عملت زيك سبت عربيتي وخدت عربيه والدي
ورجعت لاقيت العربيه لسه واقفه
وبعت لصاحبها ييجي يشيل عربيته
ونزلت باليل لقيت البيه مطنشني
جبت عربيه والدي وقفلت بيها عليه
وسبتها يومين ( والدي كان مسافر )
الراجل كان حيشد في شعره قاللي حجيب ونش واطلع عربيتي قلتله انا عايزك تلمس اي عربيه من بتوعي
والله سبتهم يومين
وفي الاخر سكان العماره اتدخلو رحت عديتها
((بصراحه عديتها عشان انا اللي كنت محتاج عربيه ههههههههه ))
عشان كده بقولك ان ده حل فاشل بكل المقاييس
ههههههههههههههههههههههه حل شيطانى زيت الباكم لآ لآ لآ دة ازى بجد حا يفور الدوكو على طول و دة بجد غلط و غير قانونى دة قانونيا ممكن تحاسب علية لانة يدخل تحت بند أتلاف ممتلكات الغير أقولك حل أسهل أنا أشتريت مفك بتاع بلف العجل من الراجل بتاع الكاوتش ممكن جدا أخليلة الكاوتش على الارض و أكتبلة ورقة و أقولة ما تعملش كدة مرة تانية و الرحمة برضو بتكون مطلوبة كفاية فردة واحدة و بس هههههههههههههههههههههه مش حا يعملها تانى عمرة و حا يفتكر الدرس دة و يتحترم نفسة و يحترم الناس الى بيقفل عليهم
واللانوس (محدش يزعل مني بس انا مكنتش اعرف انها عربيه )
كلامك جميل جدا علي فكره وفكرتك حلووو فش..... بس ليه سيره اللانوس بقي ؟؟؟؟؟
انا والدى قالى مرة حاجة عمرى مهنسها زمان لما كنت لسة بتعلم السواقة .قالى انتا سواق ملاكى وسواق الملاكى مبيشتمش حد لانك مش راكب ميكروباص او توكتوك .مع احترامى .وقالى لازم تقدر انك لما بتقفل على حد او بتجرى او بتاخد حارة من غير اشاراة ممكن المضرور يبقى اخوك او اختك او حتى جارك.وطبعا كل لما افتكر الكلام دة بحاول اهدى نفسى على الاخر .وبردة فى مقولة بتقول كما تدين تدان .دة غير انك لما بتشتم حد على الطريق لما بيقفل عليك.بردة هتيجى يوم وتقفل على حد غصب عنك وهيشتم عليك زى مانت شتمت على غيرك بالظبط.....
يعني لما تلاقي واحد تييت داخل يمين او شمال من غير مايدي اشارة
لما تلاقي واحد وقف في نص الشارع لوحد ........اكيد عبيط ............
لما تلاقي واحد بيجري من علي اليمين
انا النهارده لقيت واحد راكب شفرولية دبابة بيجري من علي اليمين وشايفو في المرايا
قمت مدي اشارة يمين في انتظار وقفلت علية ال 3 حارات لحد ماخليتو كان هيصوت
لحد ماخليتو يجيب سرعة 40 علي طريق انا بجيب فية ال 100
انا معرفتش حرقان الدم غير لما اتعلمت السواقة وصدقني انا متعلم السواقة غصب:khd:
يا جماعة اللى يحب يقول التغيير كان بنسبة كام مايقولش 360 درجة علشان ال 360 درجة يبقو دايرة كاملة يعنى مفيش تغيير حصل
انما المنطقى اننا نقول 180درجة يعنى كنت فى اقصى الشمل بقيت فى اقصى اليمين