وانت طيب يا بيه
عرض للطباعة
اهو اللي ماشي بنظامك ده هو اكتر واحد دمه بيتحرق
يا ريس كده وحش عليك
صحتك واعصابك
الناس اللي بتتكلم عليهم زي بتاع الشيفروليه
اعصابهم بارده ودمهم بارد
والله ولا فريزر توشيبا العربي
حلا ليف ومش بيحسو على دمهم نهائي
لو حطيت راسك في راسه
حتندم
وتلاقي نفسك ماشي في الشارع مفروس
مادام من الاول انت شايفه في المرايه
سيبه يعدي ويروح لحاله
لكن محولتك انك تأدبه (( كان غيرك اشطر ))
محاوله فاشله
متحاولش تطبق القانون
ومتمشيش الناس على مزاجك
وبرضو اولا واخيرا انت متعرفش ظروفه ايه
والمره الجايه امسحها فيا انا
لآ لا يا زاجو انت شرير كفاية عجلتين و زيادة فى الاحتياط ممكن ترمى ابرة منهم ههههه فزورة دى لانة برضو مش حا تتحرك من مكانة كدة حتى لو غير الاستبن هههههه لآ كدة عيب بس دة حا يكون درس لن ينساة طول عمرة و مش بعيد الونش يكلبش لة العربية لو اتأخر و كان حظة ماشى :b4_592:
اديني عمر وارميني من عالسطوح
بعد ما عملو جنون البقر
وانفلونزا الخنازير
والطيور
وكل حاجه في البلد بقت ( مزفلطه )
لدرجه اني احيانا بصنف الهبل بتاعي على اساس المرض المنتشر ( مرض الموسم )
واحيانا ( نقول غالبا ) الهبل ده بيساعدني في التعرف على الهبل ( فقسهم )
يعني نقدر نقول اني بعرف العبيط لما اشوفه
المهم يعني انا من ساعه جنون البقر استنتجت ان الحكومه ( عبيطه )
وانفلونزا الخنازير لما عملوها ( اصلها معموله فعلا ) استنتجت ان مش حكومتنا بس اللي عبيطه
انفلونزا العصافير بقى اكدتلي اني كنت غلطان ومافيش عبط ولا حاجه وان كل اللي بيحصل ده عباره عن ....بيزنس
حد فاهم مني حاجه ؟؟؟
مش مهم
بل صباعك واقلب الصفحه ( او انزل بالماوس )
انا قلت موضوع الاخلاق وخلصنا منه ( بس مخلصتوش مني )
خلاص ان شاء الله كلنا ركبنا العربيه بأخلاقنا ورحنا مشوارنا ورجعنا البيت كلنا ونمنا وشربنا
طب لف وارجع وانزل كلمني
عايز اسال سؤال
محدش قبل كده نام ولما صحي لقى الدنيا اتغيرت؟
يعني نمت وزير وصحيت غفير
او نمت متغطي وصحيت متكلفت
او نمت جعان وصحيت شبعان ( عادي ماهو فيه دليفري في الاحلام )
المشكله بقى ان الدنيا تتغير واحنا مناخدش بالنا
يعني متخدش بالك انك غفير وتنسى انك كنت متغطى وتطنش انك نمت جعان
خد صوره اوسع شويه عشان اوضح اللي فات ..
جنون البقر قاطعنا اللحمه وحصلت أزمه اقتصاديه
انفلونزا الخنازير عملت ازمه اقتصاديه مع ان اعتماد المطاعم في الغالب على لحم الكلاب والقطط ( شاورمه قطه وفيه شاورمه كلب ) واحنا بناكل ضاني ( مبتفرقش معايا اديني لحمه اديك طراوه )
انفلونزا الطيور كل اسهم شركات الواجن في البورصه (فرفرت )
على فكره كل ازمه العمله المصريه بتنهار ( قال يعني )
واحنا بننهار
وبترجع البلد 50 سنه لورا
يعني بين يوم وليله تنام وانت مرتاح ومتطمن (معاك فلوس بقى ومتزبط ) تصحى تلاقي اللي معاك يساوي النص(غفير )
وتنام متغطي ومرتاح تصحى تلاقي نفسك من القلق متكلفت عشان تحس بأمان
وتنام جعان وتصحى ملكش نفس تتسمم ( شبعت من النكد))
المصيبه ان محدش بيفكر اللي جرا ده جرا من ايه
ومثال على اللي بقوله (سؤال)
حد يقدر يقولي ليه زمان كان الموظف بياخد 3 جنيه في الشهر؟
( على فكره اللي مرتبه دلوقتي 7 تلاف في الشهر يعني كان زمان مرتبه 21 جنيه بالمليم )
(اصوت؟؟))
كل اللي فات ده مع انك معاك نفس الفلوس ونفس الماديات وشغال نفس الوظيفه
ليه بقى بيحصل كده ؟
ليييييييييييييييييييييييي يييييييييييييه؟؟؟؟؟؟؟؟؟؟
من وجهه نظري
وبكرر
وجهه نظري
ان الحكومات بتاعت العالم كلها عباره عن شويه حراميه
وابتكرو نظام جديد للسرقه
سرقه الشعب ( الشعب مش المجلس )
والنظام الجديد العبقري الفذ ده هو
الامراض
والأوبئه
وفكره بأختصار شديد
نلم بضاعه
نعطش السوق
نبيع البضاعه
يعني ايييييييييييييه؟
يعني جنون البقر ساعتها الناس فكرت انه خلاص مفيش لحمه تاني وان نص سكان العالو حيموتو
طب وبعدين؟؟
دلوقتي فيه بقر مجنون؟؟
عمرك شفت بقره مجنونه؟؟
ادي النصبه الاولى (( امير الاننتقام )
انفلونزا الخنازير شكرا
ركبنا الموجه ونزلنا وكله في السليم ...الثاني (( امير الانتقام برضو ))
التالته بقى ودي كلنا فاكرينها عشان لسه جديده هي انفلونزا الطيور (( الفراخ ))
المره التالته دي كانت متزبطه جامد عن المرتين اللي فاتو
وطولو فيها
وقالو كلام كتير
والكلام كان كبير
وباء يا عالم
والبشريه حتفلسع
يا عدويييييييي
شكرا
لو انتشر
مافيش بني ادمين خلاص
فرخه واحده تعطس
نلاقي كل التطور والتكنولوجيا والعم والعلوم والاحياء والجغرافيا
ولا ليهم لازمه
يعني الحكوم فهمتنا ان مفيش فراخ
ولا بني ادمين لو المرض انتشر
وبعدين قالو انه انتشر
(( بصو على اسهم شركات الدواجن سواء في مصر او اي بلد عنده بيض بلدي )
انهيار تام للبورصات
وللأقتصاد
وعملات راحت في البكلاوبز(( البكلاويز ده زي الحمبلاظ والاستبحس ملهومش تفسير لكن مفهومين )
وبعدين
وبعدين
وبعدين
؟؟
؟؟
؟؟
بعدين اعلنت منظمه الصحه العالميه القضاء على الوباء
وادي التالته (( كونت دي موند خريستو )
سبحان الله
في يوم وليله
كله بقى قشطه (( ملبن بالقشطه كمان )
س: اسهم شركات الفراخ بعد اعلان خبر زي ده جرالها ايه ؟؟
ج: ولا حاجه منهاره زي ماهيه وشدت البورصه بحالها معاها
س: هل لديك اقول اخرى ؟؟
ج: فلوس الناس اللي ضاعت في البورصه راحت فييييييييييييييين؟؟؟
س : ( طاخ دب دش دشششش طراخ تتاتتتاتتتتاتتتتتتا )
بعدين نسمع صوت عربيه اسعاف (ويوا ويوا ويوا )
اقصد ان محدش اتكلم
واللي اتكلم قال كلام فاضي
ومحدش عارف حاجه
وعلى فكره
البورصه مؤشر عن الاقصاد
لو بورصه بلدك تمام
يبقى اقتصادك تمام
لو بورصتك في البكلويز
يبقى انت اكيد في مصر ( في شبرا بالتحديد )
اخر كلام
هما 4 اسئله
1 -محدش سأل نفسه الناس اللي عندها ممتلكات ب 50 مليون ورصيد ب 50 مليون وعندها 40 سنه جابت ال 100مليون دول في اربعين سنه ازاي ومن فين ؟؟(( مش سرقه زي ما انتو فاكرين لأني اعرف ناس بتسرق من 40 سنه ومعهمش 100 الف حتى ))
2- حد خد باله ان زمان الشلن كان ورقه ليها لازمه (بيقولو الجنيه كان 11 بريزه هههههههه)) بعدين بقى عمله معدنيه والجنيه كان ليه لازمه وبعدين بقى عمله معدنيه ( واللي حيقول تضخم ومش عارف ايه يبقى خساره فيه وصله النت اللي جايبها ))
3- حد خد باله ان اللي انا كاتبه مش مترابط ظاهريه لكن بجد كل ده موضوع عن فكره واحده ؟؟
4-حد فاهمني ؟طب فاهم ايه ؟؟ طب حتعمل ايه لو خدت بالك دلوقتي وانت مكنتش عارف اللي عرفته ؟؟؟
اشمعنى شبرا يا زاجو بلاش تلطيش فى بعض
:mahf(5):
معلش مهو دى الكلمة الوحيدة اللى فهمتها
:rfds:
حد فاهم انا عايز ايه ولا لسه؟؟
طبعاً مش فاهم حاجة ... بس الصورة الرمزية بتاعتك http://www.nilemotors.net/Nile/custo...tar76154_3.gif بتعبر كويس عن الموضوع ده
ارحم نفسك
وكل سنة وانت طيب
هههههههههههههههههههههه
بص ياريس
انا بأختصار شديد عايز الناس تبدأ تفكر في ( اللا وعي )
سواء من ناحيه الاخلاق او من ناحيه الدنيا ماشيه ازاي
او في الاقتصاد والسياسه والأدب والعلم
تخيل كده ان مخك متسجل فيه كل المعلومات اللي في العالم
يعني انت تعرف كل حاجه
وحد سألك سؤال
تجاوب ولا لا؟؟
صدقني لما اقولك ان كل المعلومات اللي انت محتاجها متسجله ومتخزنه في دماغك
عايزه بس حد يطلعها
وانت طيب وبخير وسعاده
.
كمان عندي صوره رمزيه احسن وبتعبر عني انا شخصيا مش عن الموضوع وبس
اتفضل
http://img148.imageshack.us/img148/3...rorphotowe.jpg
لا لا لا لا ... الصورة الأولى أرحم بكتيــــــــــــــر
الناس بتبص للأحداث بصورة فردية ... انما الربط بينهم ما بيفكروش فيه
دا حتى الناس ما بتربطش بين الدين والأخلاق
ربنا يرحمنا جميعاً
ماشي
حضرتك كده مسكت اول الخيط
انا مش بقول فوازير على فكره
انا من الاول عندي هدف
وهدفي مش ان السواقه اخلاق وبس
من موضوع انا بسوق بأخلاقي
لو تلاحظ ان الاعضاء انتبهو ان الاخلاق موجوده جواهم وجوا الناس
وان الطيب احسن
طب هو كان فيه حد قال لا مليش دعوه انا حسوقه بالدراع؟؟؟؟ لا محدش قال كده
الاخلاق موجوده جوانا
انا بس طلعتها
لو طلعنا الحاجات الكويسه من جوانا واتعاملنا بيها
واتعلمنا نفكر في كل حاجه ( نرجع نفكر )
حنفهم اللعبه
دكتور في الجامعه قبل كده قاللي حاجه كويسه
كان بيتكلم على القنابل النوويه وكده
قال تخيل ان كل الانفجار والمصايب اللي بتحصل من القنبله دي بسبب انفجار ( ذره )
تخيل بقى لو قدرنا نوصل لطريقه نفجر بيها المخ البشري ايه اللي ممكن يحصل
اهو انا ناوي افجر المخ البشري
طبعا نتائج الانفجار مش حتبقى نار ودخان
لا
حتبقى طريقه تفكير وتحليل مش معقوله
مستوى جديد
وابسط نتيجه ان الناس تبدأ تحس (( تحس من الاحساس مقصدش تحس على دمها انا اقصد الاحساس بمعنى الشعور ))
فهمتني ولا لسه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههه يا جماعة زاجو دة مصيبة من مصائب الزمن ههههههههههههه و على فكرة هو بجد شاب جدع جدا جدا جدا و انا شخصيا بحبة جدا على المستوى الشخصى و أولادى لما شافوة مسكو فية و حبوة جدا جدا جدا و بيسألونى علية دايما و زاجو بما انك عارف انى من هواة الصور أتفضل يا باشا ههههههههههههههه كل سنة و انت طيب يا فنان الرابط دة ليك مخصوص ههههههههههههه ImageShack Album - 6 images الصور http://img821.imageshack.us/img821/9360/39588147.pnghttp://img121.imageshack.us/img121/226/kfaya.jpghttp://img836.imageshack.us/img836/3...jokersuper.jpghttp://img808.imageshack.us/img808/8056/joker22.jpg
ربنا يكرمك يا استاذ هشام
والله انا دايما بحب الاطفال ( اللي بيتحركو ويتنططو ) لكن مبحبش العيال اللي تحس انهم نايمين على نفسهم كده ومكسوفين
عشان كده بقولك هاتهوملي العب معاهم شويه
بس حتاخدهم تاني حيجننوك هههههههههههههههههه
والف شكر عالصور
صح والله كفايه ديموقراطيه
انا الكاريكاتير ده شايفه من زماااااااااااااااااااااان
ولعلمك ده معناه كبير قوي ولخص المشكله السياسيه كلها
اولا الموضوع انا فهمته واستوعبته تماما
بص يقه النهارده يوم الوقفه وقولت اجرب عملى
اخدت الكلمتبن وفضلت احفظ فيهم
ياشوماخر لو حد قاد لك العالى عادى متتنرفزشى سيبه يعدى واطفى نورك خالص
ياشوماخر انت بتسوق با اخلاقك مش با اخلاق الى حواليك
شويه حد رما عليه بالعربيه عادى عادى يمكن يكون مستعجل لالا اكيد مستعجل
حد جه من الجمب وبيدخل بوش العربيه فى العادى مش بعديه بس لا انا خلاص هبتدى بنفسى
حد معدى من قدام العربيه ومتنح ومديك جمب وشه ال يعنى انا مش شايف عايز تخبط اوك انا مش شايفك
فى العادى باجى من جمبه واخبطه بالمرايا افوقه
لكن النهارده فى ظل النظام الجدبد
لالا سيبه يعدى يمكن مشغول فى الفرجه على المحلات ومش مستوعب انه معدى بين العربيات وبلاش كلاكس عشان متزعجهوش هو كلاكس صغنن لو اخد باله خير وبركه ما اخدشى هو اكيد هيعدى مش هيفضل واقف فى مكانه
بتوع الميكروباص
تم التعامل معاهم من مبداء انهم ناس شقيانه طول اليوم وبيقبلوا اشكال مايعلم بيها الا ربنا فتم التعامل معاهم على ان الطريق ملكيه خاصه ليهم واحنا تحت امرهم يحبوا يجوا يمين نوسع يقفوا من غير اشاره فى نص الطريق وارد طب بعنى بالعقل ينزلوا الركاب فين فا لازم نعزرهم
بجد انا الناس ال كانت راكبه معايا استغربت سواقتى جد ا النهارده هما كانوا مستفذين اخر حاجه
وانا كنت فى منتهى الهدواء بس شعور جميل
وانا بسمع طول الطريق لو حد دايقك عادى وارد لو حد كسر عليك بتحصل انت بتسوق با اخلاقك مش با اخلاق غيرك على فكره انا مش بتريق انا فعلا ولا اول مره ارو ح البيت اعصابى هاديه والنهارده كان اختبار حقيقى للاعصاب ليله العيد وما ادراكم ما ليله العيد
واسف على الرغى بس حبيت انقل التجربه من ارض الواقع
كان معكم مراسلكم من ارض الواقع فى تجربه واقعيه للقياده تحت شعار انا بسوق با اخلاقى وابداء بنفسك :Ta_clap[1]:
ماشي يا شوماخر
بس في شبين مش زي عندنا خالص
لو جيتي هنا
ابقى عدي عليا
حسلفك الشوت جن بتاعتي ههههههههههههههه
شوفي سيادتك
الطيب احسن وتحكيم العقل في اي مشكله بيحلها
ومادام انا ماشي في حالي وباحترامي
مرضاش حد يدوسلي على طرف ( عشان الشوز بتاعتي مش سيفتي )
امسك اعصابي
امسك اعصابي
امسك اعصابي
وكده يبقى انا المستفيد
وفعلا على فكره سواقين الميكروبااص دول عالم تانيه
ربنا يستر علينا وعليهم
وربنا يهدي المجانين كلهم ان شاء الله واولهم انا
كمان انا سمعت ان مرايه التمبرا الجوز ب 90 جنيه
أحتياطي شيلي معاكي 90 جنيه في العربيه
بس اعتقد انى فهمت انت تقصد ايه صح ونفذت وبجد كانت النتجه كويسه مش حاجه وحشه انك تتعامل با اخلاقك ده هيفرق معاك فى احساسك الداخلى وزى ما قولت كل واحد فينا شايف نفسه ان محدش قده فى الدنيا وانه احسن واحد بيسوق طب لما احنا كلنا كده مين الناس ال مبتعرفشى تسوق ال ماليه البلد د ى
ومين الناس المستفذه دى اكيد كل واحد مننا جواه عارف انه اكيد استفذ حد :36_1_1[1]: وغلس على حد ويمكن لا يمكن ايه اكيد اتقال عليه مين ال غبى ال علمك السواقه
كل واحد مننا سمع الكلمه دى وبرضو كل واحد مننا سمع من ال حواليه انه احسن واحد بسوق وانه مشاء الله عليه استاذ
طب بجد مين الناس ال ماشيه فى الشارع ومبتعرفشى تسوق دى
اكيد جواهم متخيلين انهم احسن ناس بتسوق برضو اتمنى اكون فهمت الفكره
احفظ الله يحفظك
( أدي العنوان عشان محدش يشتكي ))
بسم الله الرحمن الرحيم
انا عارف ان الناس غالبا عارفه الكلام ده
انا بس بحاول افكر اللي ناسي
في حد بيشتغل ومش لاقي التقدير اللي هو عايزه؟؟
في حد عايز يتجوز و عنده شقه وعربيه والعروسه موجوده ومش عارف يتجوز؟؟
طب فيه حد كل يوم عند الميكانيكي وعمال يدفع فلوس في تصليح العربيه ومفيش فايده برضو ؟؟؟؟
البركه
البركه هي ان ربنا يباركلك في الشيء اللي بتعمله وييسره عليك
لو مفيش بركه
يبقى متعملش حاجه احسن
واسال نفسك مفيش بركه ليه
ممكن تكون في شغلك بتشتغل كويس ( ظاهريا ) لكن ( داخليا ) بتكرووت الشغل وعايز تروح تنام ( او تلحق ماتش الاهلي ) ومستغرب انه ازاي فلان الفلاني بيعمل نص شغلك ومع ذلك مرتبه قدك مرتين
ربنا مباركله عشان اخلاصه في الشغل مش زيك ( مقضيها )
يعني ممكن تكون عريس جاهز من كله بس مقضيها مع خطيبتك ( عايش في دور الحبوب يعني ) متلاقيش عندك اي مصيبه ولا حاجه لكن مش عارف تتجوز وتخلص وغالبا في الأخر الموضوع بيتفشكل
او بعد ما تتجوز تقول ياريت اللي جرا ما كان (( تدبس يا حلو ))
كل ده عشان سيادتك مكنتش مراعي حقوق ربنا ( ماشي بتتسرمح مش على الصراط المستقيم ))
وده كان السبب ان البركه راحت من مشروع الجواز
وخليك ( او خليكي ) قاعد في بيتكم
او العربيه كل يومين رايح جاي بيها وكل صاروخ يعدي من جنبك (( بنت )) لازم ترزعها الكلمتين اللي دايما بتقولهم ( العلامه المسجله بتاعتك ) وعمرك ما عملت خير بيها ولا وصلت حد في الطريق ولا نفعت حد معندوش عربيه
( فطبعا مفييش بركه ولا زم تقضيها عد الميكانيكي )
احفظ الله يحفظك
احفظ الله يحفظك
احفظ الله يحفظك
احفظ الله يحفظك
احفظ الله يحفظك
احفظ الله يحفظك
احفظ الله يحفظك
احفظ الله يحفظك
احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك بشيء إلا قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف
صدق رسوا الله صلى الله عليه وسلم
اظن الكلام المره دي مفهوم
البركه فعلا اتشالت من كل حاجه من الوقت ومن كل حاجه
بس انا عايزه اضيف حاجه ياربت كل واحد يجدد نيته فى اى حاجه انه بيعملها وهو من جواه طالب رضى ربنا
وان كل خطوه بيخطيها بتكون بنيه رضى ربنا
يعنى حتى لو خارج مع اصحابك استحضر انك ناوى انك تبتسم فى وشهم عشان تاخد ثواب تبسمك فى وجه اخيك صدقه والله لو كل واحد فينا بداء با انه يدور على رضى ربنا فى كل ال بيعمله البركه هترجع تانى