انا عايز اشترى عربية ومعايا 20 الف وفيه فيات 132 2000 سى سى وفيات 132 1600سى سى عايز اعرف مميزات \ عيوب كل سيارة ومتوسط استهلاك البنزين وكمية زيت كل سيارة
السيارتين من موديل 78 الى 81
عرض للطباعة
انا عايز اشترى عربية ومعايا 20 الف وفيه فيات 132 2000 سى سى وفيات 132 1600سى سى عايز اعرف مميزات \ عيوب كل سيارة ومتوسط استهلاك البنزين وكمية زيت كل سيارة
السيارتين من موديل 78 الى 81
الاتنين كاربراتير ،، الاتنين عضم ناشف و تقاال ،، الاتنين أستهلاك عالي للبنزين ،، أنصحك بالأقل من حيث السعة اللترية "1600" أقل أستهلاك للوقود أن شاء الله ،، الاتنين حماليييين قسية ، موتور ال 2000 أجمد أكيد ، غالباً حتلاقيه موديل قديم ،،"أقدم من ال1600"
الاتنين سهلين الصيانة ، و سهل الشغل فيهم ، و مية واحد ممكن يصلحولك فيها أي حاجة ، سواء كهربا ميكانيكا صاج ،، الاتنين اما بيفتحوا بقهم ،، بيفتحوه بغبااوة ،، ببساطة ،، الاتنين أخوات ،، أنصحك بال1600 ،، لو تنقلاتك عادية ،، التنين حيصدوا معاك في أي حاجة فيها أرهاق ،، بشرط نظافة حالة الموتور ،، طبعاً أي أرهاق ما عدا الششد ،، هي بتشد ،، بس منصحكش :))
عايز نصحتي بقى ،، لو عايز تشتري حاجة من دول ،، أختار ال 1600 ،،
بس نصحتي ،، ملكش دعوة بيهم ،، موديلات قديمة و متعبة ،، حتجيبها مستعملة يد تانية أو تالتة ،، صعب تلاقيها أولى ،، حتجيبها تصرف عليها كتير صيانة نظراً لقدم عمرهم ،، و أكيييييد مهماً كانت نظافة حالة العربية حتلاقي حاجة بايظة فيها ،، نصيحتي فلوسك تجبلك حاجات تانية حلوة ،، و يا سلام لو زودت شوية 5 الاف ،، ممكن تركب ألماني ،،
أو أيطالي "فيات" بس أنضف ،،
اولا ال132 ديه عربية رفاهية
ال1600 ده اتنين كامة يعني موفر في البنزين وال2000 ده بتاع اعلي فئة (ازاز كهرباء و سنتر و تكييف فبريكة و باور ناعم جدااا و كاسيت الفبريكة بيسجل للي جوة) و كمان فيها ادراج في كل حتة و من جوة تحس انك راكب عربية مش هقولك الا كده ( و كمان عربية معمولها اختبار تصادم!! تخيل)
ال1600 مفهاش تكييف و هي اقل فئة في ال132 بس عامتا التكييف هيكون تعبان لأن الموديل قديم بس ممكن تبقي نجيب انتا تكييف تاني ياباني جديد تركبه بدل اللي فيها
نيجي بقي لأهم نقطة
العربيتين موديلات قديمة يعني لو عندك استعداد من الأخر تدفع 4500 جنيه فوق تمنها (سمكرة و دوكو و عمرة موتور و عفشة كاملة و علاج بارومة موجودة في حتت معينة و تنجيد و كاوتشات ابواب) لأنك متعرفش اللي قبلك بايع ليه او مخبي ايه يبقي اتوكل علي الله و هيبقي معاك عربية لا تقل عن الزيرو في اي شيء و هتنساها 10 سنين لقدام
انا بفكر لو فيه 132 2000 سى سى من 16 الف الى 19 الف وتكون حالتها 50 % واصرف عليها 4000 الاف هتكون احسن ما اجيب عربية بالفلوس اللى معايا وملقيش فلوس اظبطها وعلى فكرة تحركاتى مشكتيرة يعنى ممكن من 20 الى 30 كم يوميا ده ايام الجانعة لكن فى الاجازة متعديش 15 كم فالفيات 132 2000 سى سى عادى يعنى
ربنا يوفقك و ييسرك لما فيه الخير ،،
هو ده اللى فكرت فيه والحمد لله استقريت
وشكرا لكم
لو حاولت وزودت المبلغ الى 27 الف ممكن اجيب ايهِِ
ربنا يوفقك
ايوه صح ممكن ننساها 3 - 5 شهور لو فيه صيانة دوريه كل شهر على الاقل العربية هتكون تمام معاك
عربية زي دي عشان تشتغل عدل ،، لازم الموتور كله باي باي ،، و يتسقط موتور جديد عشان تشتري دماغك ،، و ده مش بيحصل إلا في حالة نظبيطها "في معظم الأحيان" و ربنا يجعل بختك و حظك في الطيب يا أستاذ "ياريساوي"
ربنا معاك
وتلاقى العربية المناسبه
الف شكر فى ناس كتير قالولى على عربيات تانية بس انا مش عارف ليه انا ماسك فى العربية دى كل الناس بتقولى موديل قديم وهطلع عينك
بس انا لو عملتلها عمرة كاملة موتور كهربه وفرش جديد وكاوتش جديد وظبطها اول ماشتريها انشاء الله العربية هتكون حلوة وانا من النوع اللى بحافظ على العربية يعنى لو عايزة مثلا تصليح بـ 50 جنية ومش معايا الا هيا هصلحها والله المستعان وربنا ييسر الامور
نفس قوة الموتور أنسى ،، لأن أصلاً مش حتلاقي موتور حاجة زي دي مستعملة و قديمة كده و موتورها قوي ، و متستناش كده إلا بعد عامرة شاملة ، و مش حيديك كامل قوته كمان ،، المستعمل زي مأخونا الكريم قال مسبقاً حظوظ ،، و نصيب،، المهم نيجي لإجابة حضرتك ،، عندك الإيبيذا مثلاً ، حتلاقي موديلات أحدث من الفيات دي " مش قديمة قوي كده" يعني تسعينات ،، و في نفس راينج السعر ده ،، و موتورها جمييل و معروف ،، في برده الماروتي ،، ماتورها جميل بالنسبة لجسمها ،، و كذلك البرايد ،، في شاهين أحدث و تسعينات و غالباً في نفس الراينج ده ،، الموتور ،، حضرتك بتشوف كبس الموتور اللي حتشتريه ،، بس عامةً موتور الشاهين عفي ،، بس مش قوي ،، معرفش ايه نظام سعر الريجاتا و الدوجان و كده ،، ممممم..... يا ترا فيه أيه تاني ،، أستنى شوية أفتكرلك ......:U_thin1[1]:
قوة موتور للاسف مش هتلاقي في نفس الفئة السعرية (أنا كنت بطلع من كل العربيات المذكورة فوق), بس الموتور مش كل حاجة. - أنا بأتكلم عن ال2000 طبعا.
يعنى ممكن اجيب ايه بـ 25 الف