ماشى يابو الشوق ياغالى واللة ان شاء اللة هاجربها بس متأكد انها هتنقل لوحدها مش عارف لية حاسس انى مهما اقرص على الغيار الاولانى ماينقلش لوحدة بس انت كدة طمنتنى وربنا يسترها
عرض للطباعة
دا فيديو انا كنت عامله للتسارع بتاع العربية وكنت مشغل الاستبترونيك وبتنقل لوحدها انا مش بعمل حاجة
YouTube - Kia Cerato / Forte 0-100
الخوف على الموتور بالطريقة دي مش مظبوط اوي. زي ماقلت قبل كده موتورك مش محتاج غير تبريد وزيت نظيف. كيا بتضمن العربية لحد 100 الف كيلومتر, ومش حيخليك تبوظ الموتور بسهولة لانه لما حيلاقي شنابر متاكلة او بستون معووج مش سهل ابدا يحدد انت اللي عملت كده ولا ده عيب صناعة, وبالتالي اي حاجة ينفع يقفلها عليك وهو قافلها من الاول, ميفضلش غير الاهمال اللي ممكن يبوظ الموتور, لكن كتر الاستخدام مش هيعمل حاجة.
عن تجربة شخصية, كيا ريو 2004 عاملة لحد دلوقت 190الف كيلومتر, من يوم ماشترتها و انا نازل حرق فيها, وبعدين بعتها لواحد صاحبي وبرضه بيعمل نفس العمايل (مراهقة متاخرة تقريبا), لحد دلوقت الموتور ماحتجش صيانة ولا مرة, غير الحاجات الدورية
الموضوع من وجهة نظري يا شوقي باشا انك محتاج تفتح الموتور بشكل افضل,
و خصوصاً العالي... انت محتاج تفتح الموتور على الغيار الثالث و الرابع تحديداً...
و انا كنت شرحت بالتفصيل في كام موضوع هنا كيفية التفتيح (في رأي الشخصي)
من فوق لتحت, يعني من الغيار الرابع, ثم الثالث, ثم الثاني, ثم الاول, و بالتفصيل...
لو حصل يا باشا... هتحس بسحب العربيه جداا على اي سرعه بمجرد ما تكبسلها
بنزين و بدون كيك داون خااالص, هتلاقي العربيه بتسحب معاك جدااا...
و ده اللي كنت عامله مع (المرحومه), كنت مفتح الموتور, و الافضل
تبدأ بالعالي (الغيارات العاليه, من اول الرابع, لحد الاول), و شوف الفرق...
عربيتك زي الفل, و مافيهاش اي مشكله, و مش محتاجه اي تعديلات...
جرب و صدقني هتفرق معاك كتيييييييير (عن تجاااااارب)...
تحياتي يا باشا...
متابع
ربنا يخليك ياباشا انا فرحت جدا لما لقيت رد حضرتك هنا وربنا يحفظك من كل سوء
ايه رايك لو حرقت على كل غيار لاخر الار بى ام هل ده يغنى عن التفتيح شويه لانى قليل لما بطلع طرق سفر وافتح العربيه ولا ايه رايك ؟
انا قولت كده لسبب انى لما جربت موضوع الستيب ترونيك كذا مره وخليته يجيب اخر لفات الموتور فى اول وتانى نقله لقيت العربيه حتى فى الاوتوماتيك سحبها كويس جدا وفرق كتير فقولت اكيد ممكن تفرق
باشا مظنش الموضوع ليه علاقة بقوف لتحت.... المقصود بالتقتيح في العربيات الجديدة دي مش زي ايام الكربراتير لما كنا بنجري عشان نسلك الكربراتير والفلاتر... الفكرو انك تجري بالعربية عشان الكونترول يسجل الdriving behavior بتاعك انك بتجري ويجهز العربية لكده... عشان لو فضلت ماشي بالراحة العربية هتكتم نفسها عشان توفر بنزين
هي الفكره انك تجيب اخر الغيار بشكل عادي جداا و براحته... يعني اكبس لكل غيار,
بس بدون كيك داون, لانك هتنزل على الغيار الاقل طبعاً...
الموضوع ببساطه... امشي عادي بالعربيه لحد ما تجيب سرعة الغيار الرابع, و العربيه تنقل ليه,
و بعدين اقرص تدريجياً على البنزين, و جمع سرعة على قد ما تقدر للرابع, و بعدين انزل بيها
تاني لبداية سرعة الغيار الرابع بردو, و بعدين اكبس تاني لحد ما تجمع سرعه, و تنزل تاني..... وهكذا
كل ده على غيار واحد و هو الرابع, و كام مره, و اعمل نفس الموضوع مع الثالث, بس اكبس
لاخره و في نفس الوقت ماتطلعش للرابع, و بعدين قلل سرعتك, و جمع تاني......... وهكذا
انا بعد ما عملت كده عندي... والله العظيم كان acceleration الـD عندي احسن 100مره
من الستيب ترونيك, و كان تجميع العربيه ممتاااااااااز جدااا على كل السرعات و كل النقلات...
انت ممكن تعمل ده في اي وقت, و اي مكان, بس في تفتيح الرابع هتحتاج طريق كويس و فاضي
علشان تجمع براحتك سرعه عاليه, و في نفس الوقت تنزل و تطلع بالسرعه من غير ما الطريق يحكمك...
جرب الموضوع ده في الغيار التالت و الرابع, و قوللي في فرق ملحوظ فعلا, ولا مافيش تغيير؟؟
لكن صدقني هتفرق معاك جدااا, و انا واثق في كلامي جدااا لاني مجرب ده بنفسي في عربيتي (الله يرحمها) :120146b
و انا موجود لاي استفسار يا باشا...
تقبل تحياتي...
مش دي الفكره, لكن بردو لو هتعود العربيه على اسلوب قياده, فده مش بانك تجري عموما و خلاص,
لانك مش هتحس بفرق, و لو حصل هيكون على الغيار الاول بس, و بردو جرب بنفسك...
لكن اللي بقوله انك تلاقي acceleration قوي و سريع, و استجابة العربيه افضل كتيير
على كل السرعات و النقلات, و في اي وقت, و بدون كيك داون خااالص...
و ده بانك تفتح الموتور نفسه, مش انك تعود الكونترول على اسلوب قياده معين...
ده قصدي يا باشا, و يمكن الكلام مش ساعفني اوصل اللي اقصده قوي, لكن اتمنى تكون فهمتني
على قد ما قدرت اوصلك اللي اقصده يا باشا...
تقبل تحياتي...
تصدق يا غازي إني مفتحتش الموتور لحد دلوقتي
ممكن أضافة يا شباب بعد أذنكم ( و تقبلوني أخوكم )
أنا بس كنت أقرأ بداية الموضوع و بعدين الموضوع تطرق للمحرك و منطقة الخطر أو المنطقة الحمراء أو الريد زون .
المعلومة اللي أحب أقولها
أن الريد زون مش علشان أن دي أقصى قدرة حصانية فالشركة بتوقف الموتور يروح المنطقة دي .
الريد زون دي معناها و بكل بساطة أنك بتحاول تشغيل المحرك لأقصى سرعات ممكنة و ده ممكن يؤدي لتدمير المحرك
علشان كدا زمان العربيات القديمة كان خطر جدا أنك تنقل في المنطقة لأن ده بيقلل عمر المحرك جدا جدا .
دلوقتي العربيات الحديثة بها كمبيوتر للتحكم بالعربية و مش بتخليك أصلا توصل للريد زون و بتفصل الغيار .
و علشان نحافظ على عمر طويل للمحرك
منخليهوش يعلى بعدد لفات عالي عمال على بطال بدون لازمة .
علشان كدا الشركات بتحاول أن منكقة العزم الأقصى تكون أصغر ما يكون و بتحاول تعمل معادلة ما بين العزم الأقصى و القدرة الحصانية الأقصى للحصول على قوة معقولة على جميع السرعات .
و مرة تانية الريد زون دي خطر جدا و أصلا قيادة المحرك على سرعات عالية بيزيد الأحتكاك ما بين أجزائه و بيؤثر على عمره سلبا .
و نصيحة أخوية لوجه الله تعالى ,,,,,,,,, أحنا يا جماعة مش داخلين سباقات ..... ربنا يباركلكم في عربياتكم ... و يحفظكم من حوادث الطريق اليومية .....
و لا زم نتعلم من اللي بنشوفه يوميا على الطريق من حوادث و عربيات معجونة و جثث ملقاه على الشارع ...
عيد سعيد
لا يا راجل..!!! :B4_556:
ده على اساس انك محتاج اصلاً, وانت على طول جايب اخر كل غيار, و ده الهادي بتاعك..!!!
اطمن يا ابوحميد... انت موتورك متفتح, و على البحرررررري كمان...
و لو موتورك محتاج لحاجه فعلا, يبقى محتاج يتقفل تاني, مش يتفتح...!!! ههههههههههههههههه :C_laugh[1]:
كل سنه و انت طيب يا هندسه...