الموضوع: حق الزوجة عالزوج .....

المهم الدافع من ورا الحاجات اللي ب 30 الف دي ايه
هل فعلا عشان تعجب زوجها ولا عشان هي هتتجوز فلازم تجيب كل حاجه جديده ولازم كل حاجه مليون نوع؟

في حاجات كتييييييييييير البنات بتجيبها ومش بتتلبس اصلا بس هي بقت عاده ان البنت لازم تشتري مليون طقم ولازم اصحابها وقرايبها ينزلو يشترو معاها

بيتهيالي ان لو البنت فعلا عايزه تشتري حاجات عشان تسعد زوجها فالاولي انها تركز علي حاجات تانيه عشان اللبس مش كل حاجه

انا عندي دولاب واخد الحيطه كلها ولبسي انا يادوب واخد درج في ضلفه

وعلي فكره ممكن الحاجات الكتيييييييييير اللي البنت هتجيبها متعجبش زوجها او يبقي في حاجه معينه او ستايل معين هو عجبه قوي لما شفها لابساه وفي الحاله دي هتتمني انها مكنتش دفعت فلوس في كل الحاجات التانيه

انا شايف ان البساطه حلوه - يعني كام طقم يمشو الحال او كام شهر وبعد كده علي تشوف زوجها بيحب ايه وتبقي تشتريه وعلي الاقل يبقي كل شويه بتتجدد مش تجيب لبس ليها وللزمن

زي النيش اللي بيبقي سايح حاجات ومش بتطلع ولو حتي بعد 100 سنه واهو كله عشان المنظره وكلام الناس

انا دلوقتي بشتري شقه جديده غير اللي اتجوزت فيها وان شاء الله ناوي ان كل حاجه فيها برده تبقي جديده وبفكره اعمل كل اللي معملتهوش قبل كده في الفرح بس ادعولي

المشاركة الأصلية كتبت بواسطة Soma_Sooma

بالنسبة للبنات بتجيب حجات كتيرة موت وكل دة عشان زوجها المستقبلى طبعا حاجات بتتكلف الافات بجد ممكن توصل 30 الف جنية وكلها حجات هدوم وحجات كتيرة قوى لو عدناها مش هنخلص

واضح أنكم داخلين على طمع من الأول لما الهدوم توصل ل 30 ألف امال الباقي هيتكلف كام ربنا يعيننا عليكم هتودونا التربة زحف .

المشاركة الأصلية كتبت بواسطة soma_sooma

على فكرة كلكو اتكلمتو عالفلوس انا بتكلم فنقطة تانية خاااااااااااااالص

هى ان زى ما الزوجة بتتجمل وتهتم بنفسها لزوجها هو كمان مطلوب منة نفس الشىء

وزي ما هو بيطلع عينة ويتعب ويشقى عشان يسترها لازم هي كمان تستره دي نقطة النقطة الثانية لا خلاف عليها زي ما الست بتتجمل للراجل الراجل لازم يتجمل للست ولكن الطبيعي أن الست تتجمل لأنها رمز الأنوثة بينما الأساس في الرجل هي القوة والخشونة عشان كدة التجمل شيء ثانوي ولكن التجمل للزوجه حلال ومفيهوش أي نقاش .

المشاركة الأصلية كتبت بواسطة azmeralda

على فكرة لبس البيت لوحده بيعدى ال 5 الاف دول بمراحل وهى لو مشترتش لبس بيت كويس ليه هو مش هيرحمهاولسه لبس الخروج وشنط وجزم وطرح ولو مجبتوش كويس لا اهله هيسيبوها ولا زمايلها فى الشغل ولا هى نفسها هتحس انها عروسة مفروض انتو اللى تشترو بقى على حسابكو طالما مبتشتروش لنفسكو حاجة

القلب المتقطع والمتخيط دة رمز للرجالة الشحاتين البخلاء الجبابرة اللي مش بيشتروا هدوم لزوجاتهم ب 30 ألف ولا رمز لقلوب البنات الغلابة المساكين المستضعفين اللي ماعرفوش يشتروا هدوم بال 30 ألف أنا مفهمتش المغزى من وراء الصورة .