إسمحولى بما انى قديم شويه فى الموضوع ده أقول حاجه...

انا لما اتجوزت اشتريت فعلا جديد ...

3 تريننج

دسته غيارات

كام تى شيرت على كام عبايه على شويه رفايع كده...

حاجاتى كلها بما فيها هدومى القديمه أخدت ما يعادل ضلفه فى الدولاب...

فى المقابل...

زوجتى الله يمسيها بكل خير وبمعاونه حماتى الله يرحمها...أشتروا كميه ملابس وبياضات وفوط أخدت باقى الست ضلف...

ودلوقتى...بعد تسع سنين جواز....انا اشتريت على هدوم جوازى هدوم تلت اربع مرات وزوجتى المصونه لسه عندها أطقم وارواب وبيجامات وعبايات لسه بأكياسها.....

يعنى من الاخر العبره فى شراء المرأه للكميات دى من الملابس والمستلزمات ....مش التجمل والحرص على المظهر امام زوجها لأنها مش هتستخدمها كلها ولا على عشر سنين حتى....

الحقيقه ان الواحده مش هترضى تبقى عروسه بأقل من اللى عند بنت خالتها ولا اللى جابته أختها ولا حتى صاحبتها..

من رايى الشخصى ...

مفيش حاجه تربط ان الرجل يكون مهتم بمظهره وكم الملابس اللى هيتجوز بيها....

كفايه انه يحافظ على مظهره نظيف ومرتب بابتسامه وصوت واطى...