بمناسبة موضوع icehearted girl

**icehearted girl** · 07-09-2010 03:19 AM

ههههههههههههههههههههههههه هههههه

تحبه باللحمة ولا بالسوكررررررررررررررررررر

فكرتني بالموقف دا

**الغزالى** · 07-09-2010 03:34 AM

هى هى هى دة على كدة الواحد عندة مناعة زى الفل ( مش اوى يعنى ) ,,, اصلى واكل بتاع كلبين كدة على كام قطة من عند احمد الله يرحمهاااااااااااااااا كان عليهاااااااااا شوية سندوشات كبدة تعدمهم بسم الله ماشاء انا مش ها حكى على النظافة ولا الحلاوة عشان متتعقدوش انا هاقول مقتططافت بسيطة جدا ,,, الطاسة مثلا كانت ببتغسل بزيت العربيات تقربيا عشان يزفلط ,,, ايديها تقربيا ماكنتش ببتغسل ولا ضوافرهااااااااااا بتقصهااااااااااا وكانت مليانة من خيرات الدنيا وكفاية كدة عشان معقدكوش ش

**Miss_Pharma** · 07-09-2010 11:50 AM

الهدوم الجديدة مش بغسلها مع ان ماما دايما تغسل هدومها ..
اي مكان فندق او قرية مصيف لازم فوطي وملاياتي واطباقي والمعالق وكله يكون معايا ..
اي مطعم بره على قدر الامكان بطلب معالق بلاستيك
الحمام بحاول امسك نفسي طول مانا بره البيت قدر الامكان برضه بس لما بضطر لازم انضفه بالوايبس

الاكل بره بقى هو المشكلة فعلا .. الواحد بيبقى فعلا عارف انه منيل بنيلة ومع ذلك مش بيقدر يقاوم المطاعم ..
والمهم ان فيه اكتر من مطعم كل لما اكل منهم لازم يجيلي اسهال ومغص وارجع
ومع ذلك باكل منهم تاني :)
طفاسة

كوبايات العصير الازاز بتاعت محلات عصير القصب
بشرب من الحتة اللي فوق الأيد بتاعت الكوباية عشان اضمن ان محدش جاب بؤه عندها ( او على الاقل ناس قليلين اللي ناصحين وعملوا زيي :] )

**n_i_t_e** · 07-09-2010 12:36 PM

المشاركة الأصلية كتبت بواسطة Miss_Pharma

كوبايات العصير الازاز بتاعت محلات عصير القصب
بشرب من الحتة اللي فوق الأيد بتاعت الكوباية عشان اضمن ان محدش جاب بؤه عندها ( او على الاقل ناس قليلين اللي ناصحين وعملوا زيي :] )

لما ملاقيش كوبايات بلاستك و ببقى نفسي أوي فى القصب بعمل كده و كنت برضه فاكر نفسى ناصح
هو الحركة دي طلعت مشهورة و لا ايه

...كده مش هشرب تانى الا فى بلاستيك

**Samir Elshahawy** · 07-09-2010 03:44 PM

المسألة في الاول و الاخر مسألة ضمير و أخلاق و متابعة ...

انا دخلت فعلا مطابخ و مغاسل في أوتيلات كبيرة و عريقة عندما كنت أعمل بمجال السياحة من فترة و رأيت مهازل !!!
بصراحة ماكنتش مصدق نفسي

و كان عندي الفرصة ان أعمل كبير مهندسين بأحدي القري السياحية بالغردقة و كنت بأهتم جدا بمعدات المطابخ و المغسلة خاصة غسالات الاطباق و السخانات و كنت بأتابع بشكل يومي و تقريبا أثناء أعداد الوجبات الرئيسية حالات النظافة في المطبخ لأنها بتدخل في صميم عملي و كنت مطمئن تماما و راضي عن مستوي النظافة بالمطابخ و المغسلة و حتي الغرف احيان كتير كنت بأدخلها أثناء الصيانات و أطمئن علي جودة الاصلاحات و الصيانات داخلها

الشغلانة دي استمريت فيها 3 شهور و ماقدرتش أكمل لأني كنت بأشتغل من الساعة 8:30 صباحا و حتي 9:00 مساء بألف علي رجليا في قرية مساحتها لا تقل عن 15 كم مربع و باتابع في كل لحظة الاتي :
- حالة معدات المطابخ (3 مطابخ رئيسية)
- حالة معدات المغسلة
- حالة حمامات السباحة (3 حمامات) و بأشرف علي عمليات التعقيم و ظبط نسب الكلور و تنظيف الفلاتر ده غير تنظيف الحمامات في المساء كنت أيضا باتابعها بنفسي
- بعض الغرف كنت بادخلها عند الابلاغ عن اعطال بها
- ده غير المنطقة الهندسية اللي بتشتمل علي محطات تنقية المياه و الصرف و الكهرباء و التكييف وورش النجارة و الدهانات و غيره

بالطريقة دي كنت باقعد في مكتبي حوالي ساعتين كل يوم و الباقي كله جوال في القرية لدرجة أن أي عامل كان بيبقي متوقع اني اطب فوق دماغه في اي لحظة علشان كده كان الكل بيشتغل بضمير و خايف من العقاب اللي ممكن اوقعه عليه لو غلط

هيا دي المشكلة بصراحة ... ماحدش عايز يعمل شغله مظبوط و الرؤساء عايزين يقعدوا في المكاتب و في التكييف و يسيبوا الدنيا تخرب بره مكاتبهم

معلش طولت عليكم ...
كل سنة و انتم جميعا طيبين

م/ سمير الشهاوي

**MaZaGAngeE** · 07-09-2010 08:38 PM

المشاركة الأصلية كتبت بواسطة se_coralsea

المسألة في الاول و الاخر مسألة ضمير و أخلاق و متابعة ...

انا دخلت فعلا مطابخ و مغاسل في أوتيلات كبيرة و عريقة عندما كنت أعمل بمجال السياحة من فترة و رأيت مهازل !!!
بصراحة ماكنتش مصدق نفسي

و كان عندي الفرصة ان أعمل كبير مهندسين بأحدي القري السياحية بالغردقة و كنت بأهتم جدا بمعدات المطابخ و المغسلة خاصة غسالات الاطباق و السخانات و كنت بأتابع بشكل يومي و تقريبا أثناء أعداد الوجبات الرئيسية حالات النظافة في المطبخ لأنها بتدخل في صميم عملي و كنت مطمئن تماما و راضي عن مستوي النظافة بالمطابخ و المغسلة و حتي الغرف احيان كتير كنت بأدخلها أثناء الصيانات و أطمئن علي جودة الاصلاحات و الصيانات داخلها

الشغلانة دي استمريت فيها 3 شهور و ماقدرتش أكمل لأني كنت بأشتغل من الساعة 8:30 صباحا و حتي 9:00 مساء بألف علي رجليا في قرية مساحتها لا تقل عن 15 كم مربع و باتابع في كل لحظة الاتي :
- حالة معدات المطابخ (3 مطابخ رئيسية)
- حالة معدات المغسلة
- حالة حمامات السباحة (3 حمامات) و بأشرف علي عمليات التعقيم و ظبط نسب الكلور و تنظيف الفلاتر ده غير تنظيف الحمامات في المساء كنت أيضا باتابعها بنفسي
- بعض الغرف كنت بادخلها عند الابلاغ عن اعطال بها
- ده غير المنطقة الهندسية اللي بتشتمل علي محطات تنقية المياه و الصرف و الكهرباء و التكييف وورش النجارة و الدهانات و غيره

بالطريقة دي كنت باقعد في مكتبي حوالي ساعتين كل يوم و الباقي كله جوال في القرية لدرجة أن أي عامل كان بيبقي متوقع اني اطب فوق دماغه في اي لحظة علشان كده كان الكل بيشتغل بضمير و خايف من العقاب اللي ممكن اوقعه عليه لو غلط

هيا دي المشكلة بصراحة ... ماحدش عايز يعمل شغله مظبوط و الرؤساء عايزين يقعدوا في المكاتب و في التكييف و يسيبوا الدنيا تخرب بره مكاتبهم

معلش طولت عليكم ...
كل سنة و انتم جميعا طيبين

م/ سمير الشهاوي

ايه المجهود ده كله
انا كان مفروض هروح اشتغل كبير مهندسين في قرية سياحية لكن كان عندي عمرة في المصنع خلتني اعتزر عن المقابلة .. بس انا كنت زعلان على شغالانة مرتاحة و فلوس حلوة و سياح و مية و بحر
ماكنتش فاكرها متعبة قوي كده

لا يا عم المصانع ارحم

**Lion_Heart** · 07-09-2010 10:47 PM

المشاركة الأصلية كتبت بواسطة azmeralda

'

نجوووووووووووووووم الكلام ده لسه الشهر اللى فات الأسبوع اللى فات بقى صاحبتى حكت لى حكاية الصرصار اللى الجرسون مسكه بالشوكة اللى ناس بتاكل بيها ومطعم على المشايية برضه اللى تعتبر انظف مكان فى المنصورة

يععععععع يعنى انا اللى على وشك وسواس قهرى وهحتاج دكتور يفك لى العقدة دى

مش واخد بالى خالص المطعم ده كباب وكفته ؟؟؟؟؟
مش فاكر ايه اللى اخضر فى اخضر

**esam_comm** · 07-09-2010 11:23 PM

انا واحد حكي لي موقف انا ماشوفتش بعيني علشان الامانه يعني انه كان واقف عند حد بتاع سندوتشات كبده وزي ماكلنا عارفين انها بتتعمل في طاسه وكان جنب الطاسه اليي بيسسوي فيها الكبده وعاء كبير بتاع طحينه قامت قطه صغيره نطت من فوق وعاء الطحينه علشان توصل للكبده قامت وقعت في الطحينه راح الراجل اللي بيعمل الكبده برده فعل تلقائي مادد ايه ومطلعها وعصرها كده بايده من فوق لتحت مصمصها بايده يعني ونزل الطحينه في وعاء الطحينه ورمي القطه بعيد والله الموقف ده اتحكالي

اكتر تصرف بيكهرني في السلوك المصري وماشوفتهوش عند حد غير المصريين الناس اللي بتنف بايديها علي الارض وتلاقي حبل نازل من مناخيره للارض يقطعه ويمسح ايده في بعضها او في هدومه بجد منتهي القرف