ا/ احمد جزاك الله خيرا و شكرا لاهتمامك على فكره تقريبا ده تانى مشاركه ليا فى المنتدى و بصراحه الناس هنا كلهم فاهمين و متعاونين جدا و انا طمعان ان حضرتك تساعدنى فى بعض الامور بالاخص انى بعد المقارنات و البحث و بصراحه بعد متابعتى للمنتدى هنا قررت انى اشترى صنى انا كان معايا جوليت و كانت مريحانى و انا حابب اركب عربيه سيدان و كمان التغير سنه الحياه بس فى عده امور محتاج حضرتك فيها
1-المشاكل اللى فى الصنى دى زى ضيق الكنبه و الاستهلاك العالى للبنزين و الشكل اللى بقالو مده لم يتغير و التأفيل المصرى ده غير كمان انى قرأت ان موديل 2011 خلاص نازل فى اكتوبر اللى جاى و انا جاهز اخلص فى يومين مش عارف استنى و لا اتوكل الموضوع لسه فى علم الغيب
2- فى اى عربيه من وجهه نظرك بنفس القناه السعريه و افضل بناء عن تجربه حضرتك و خبرتك مع العلم ان الصنى الاتوماتيك بدون ال abs عامله حوالى 88 الف جنيه
3- موضوع ال abs ده فارق و لا لأ لانه ماديا هايفرق حوالى 3 او 4 الاف جنيه و انا جبت اخرى فى لم الفلوس يعنى هايكون صعب الفرق عليا
4 - اللون سمعت انى فى الوان لونها بيتغير او بتجير مع التقادم و انه افضل لون من و جهه نظرك انا ميال للنبيتى او الموف الغامق و ده لون جديد و الاتنين فرش بيج
5- سمعت ان فى حد من الاخوه كان شارى صنى زيرو و بعدين لقى مشكله فى الطنابير و هو بيجرب العربيه بصراحه انا مش عارف اجرب العربيه ازاى قبل الاستلام
6- ابه الاجراءات و الورق المطلوب عشان استلم العربيه اصل فى موضوع مقلقنى شويه الوكيل عايز اخلص الفلوس قبل الاستلام بيومين عشان الورق يروح المرور مش المفروض ادفع تستلم
و لو فى اى حاجه عايز تقولهالى او تنصحنى بيها زياده يبقى جزاك الله خير و اسف على الاطاله و رمضان كريم
المفضلات