الموضوع: قررت انى اشترى صنى بعد ما كان معايا جوليت

المشاركة الأصلية كتبت بواسطة ahmed.tv

الصنى عربية ممتازة جدا , واذا حضرتك نويت عليها , يبقا اختيار جيد وموفق باذن الله

ولازم تعرف بس ان الكمال لله ,

يعنى موضوع ضيق الكنبة فبتختلف من وجهة نظر كل واحد , وحسب الاحجام اللى بيقعده, لان انا شايف انها تكفى 3 معقول جدا من الاحجام العادية ويقعدوا كويسين

وموضوع استهلاك البنزين , دى حالات فردية , ولو فى مشكلة بيكون من الضفيرة وبتتغير على الضمان

وبالنسبة الى رائى , استنى على شراء العربية كام شهر عشان يكون فى تخفيض على الموديلات القديمة , عشان موديلات 2011 , وكمان بالمرة يكون الرؤية وضحت اذا كان فى تغير فى الموديلات الجديدة ولالا

وبخصوص موضوع الabs طبعا حاول تزنق على روحك على قد ما تقدر وتجبها فيها عوامل امان , وعشان كدا قولتلك كمان اصبر لنهاية السنة لان حيكون فى تخفضيات , فممكن متزنقش نفسك والامور تتظبط معاك

بخصوص الالوان , اللون النبيتى رائع واللون الجديد اللى تحفة اللون الفيرانى روعة عليها

وبخصوص تجربة العربية , صعب انك تجربها , الموضوع ده حصل مع زميلنا بعد ما دفع , وبيستلم العربية وكان معاه واحد من المهندسين المحترمين من اصدقائنا اصدقاء اسرة نيسان , فلما حس بموضوع الطنابير ,فالمهندس بلغ الشركة انها فيها مشاكل والطنابير عاوزة تتغير ومش غير العربية عشان تكون عارف
وده كدا كدا امره بسيط لان مهما حسيت باى مشكلة فى العربية الضمان مسئول عنها وبيغيرها على طول وفورا

وبخصوص الاوراق اان معنديش خبرة فى الموضوع ده لان شارى عربيتى مستعملة , ولسه ماشى على الترخيص القديم
بس اللى بسمعه ان المعرض بيبعت واحد من عنده وبيخلصللك كل حاجة وبعد كدا بتروح ترخص عادى وكل الامور بتكون ميسرة
وفى موضوع مثبت فى القسم عندنا فيه تفاصيل الترخيص

وكل سنة وانت طيبة
واختيار موفق
ومبروك مقدما
ورمضان كريم

شكرا على الرد الوافى و على الاستفاده القويه و بجد انا سعيد بالمعرفه الطيبه دى و رمضان كريم

الأخ مجاهد،
السلام عليكم،
اختيار موفق بإذن الله ، وانا كنت مستلم العربية وفيها مشاكل فى الطنابير الخلفية والبلى الأمامى وغيرتها فى صيانة 1000 كم هتحس فى لف الدريكسيون على الأخر يمين او شمال بطقة وده البلى الأمامى ، بخصوص الطنابير كل ما تيجى تفرمل تسمع طقات غريبة مختلفة عن طقطقة ال abs وحاول تجيب موديل 2011 عشان سمعت فيه تعديل فى الموتور عشان يوفر بنزين ودى المشكلة الوحيدة اللى تعبانا كلنا من العربية دى .
وشكرا
إياد مرسى

المشاركة الأصلية كتبت بواسطة eyadmorsy

الأخ مجاهد،
السلام عليكم،
اختيار موفق بإذن الله ، وانا كنت مستلم العربية وفيها مشاكل فى الطنابير الخلفية والبلى الأمامى وغيرتها فى صيانة 1000 كم هتحس فى لف الدريكسيون على الأخر يمين او شمال بطقة وده البلى الأمامى ، بخصوص الطنابير كل ما تيجى تفرمل تسمع طقات غريبة مختلفة عن طقطقة ال abs وحاول تجيب موديل 2011 عشان سمعت فيه تعديل فى الموتور عشان يوفر بنزين ودى المشكلة الوحيدة اللى تعبانا كلنا من العربية دى .
وشكرا
إياد مرسى

و عليكم السلام و رحمه الله و بركاته شكرا ه/ اياد بس رؤيه 2011 فى النيسان لسه لم تتضح بعد و بعدين موديل 2011 هايكون اغلى مش اقل من 5000 مع عدم تغير الشكل و التعديلات بسيطه و لكن الساده الافاضل الملمين بالسياره يقدروا يفيدونا اكتر

و كل سنه و انتم طيبين و رمضاااان كرررريم