احساسى بالالنترا 2011بعد شهر و1320كم

**abosamra** · 08-09-2010 02:27 AM

شكرا يا باشا انت جبت المفيد الاحساس باى مطب وان كانت العربيه ناعتمه فى المطبات ولكن بتشهر باى هزة بعد 110 يعطى الاحساس بعدم الامان والطرق عندنا زى مانت عارف بس انا حاول اتحرك بالسيارة من حارة الى حارة على سرعه عتاليه والحمد لله العربيه لم تعوم او خذلنى فى شى طبعا الطريق كان فاضى وكويس على العموم انا ثقتى بالعربيه يتزيد كل يوم وربنا يستر

**Ashraf_Ibrahim** · 08-09-2010 11:41 AM

ما دام انت ماسك الدروكسيون كويس ما تقلقش
انا كنت بنقل حارات على 140 والعربية كانت كويسة الحمد لله وهي فيرنا مش النترا
اهم شيء انك تكون عاقل انقل حارات بس ما تضربش غرز دي تفرق عن دي جامد

**hosammoner** · 18-09-2010 01:41 PM

السلام عليكم اولا عايز اقولك انى معايا النترا 2008 عاملة 30000 كم بصراحة انا من النوع اللى بيجرى جامد وبجرى بالعربيه جامد عايز اقولك فى الطرق المستقيمة والمستويه ممتازة واحساسك بثباتها فوق ال 160 اعلى من تحت كدا لكن بجدبجد خلى بالك كويس اوى فى الطرق المكسرة وخصوصا مطبات الهوا لانها عشان طريه اوى المساعدين بيتفردوا للاخر وفى نزولها وش العربيه مش بيبقى ثابت مش عايمه ولكن مش مستقر وفعلا العفشة الخلفيه المالتى لينك دى فوق الممتازة وبتدى احساس امان عالى جدا لانها حاكمه العربيه من ورا كويس اوى وكانت السبب فى انى اخرج من حادثه مؤكده والله لو عربيه تاينه كانت ...... ؟وربنا يكفينا شر طريقنا جميعا

**kan** · 19-09-2010 04:49 AM

انا عندي كنت عايز اسالكم بخصوص
ان لما حد بيقعد في كنبه قلي ورى عربيه بتخبط من تحت كتير
ايه العلاج؟؟؟؟؟؟؟؟

**lol64** · 19-09-2010 05:04 AM

موافق جدا على الراى ان العربيه فى مطبات الهوى خفيفه جدا
انا بجرى بيها بسرعات عاليه فوق ال 140 الى ال 180 فى السفر وثابته ماشاء الله لكن مطبات الهوى العدو الاول ياجماعه مش ليها لاى عربيه

**elosos2002** · 10-01-2011 01:19 PM

العربية بتجري وموتورها كويس انما موضوع الثبات دة اسمحولي فا العربية خفيفة بمعني الكلمة ودة بيبان مع واحد زيي لاني بركب عربيات كتيرة ف الحكم بيبقي من اول انطباع عكس عربيات كتيرة بتديك احساس انها موزونة و تمام وبتديك ثقة انك تجري و تعمل اللي انت عاوزة
وبالنسبة للاخوة الافاضل اللي بيقولوا انها ثابتة فا دة لانهم ملاك للعربية و خلاص اتعودوا عليها فا بقت هيا بس المقياس بس لو ركبوا ونوعوا في السواقة هيعرفوا انها خفيفة وموتورها مش مناسب لوزنها بالمرة وكذلك الاكسنت و الفيرنا يخرب بيت الفيرنا ريشششة بعد ال 120

وطبعا دة رأيي ووجهة نظري انا مع احترامي الكامل لبقية الاراء

**mmans** · 12-01-2011 09:35 AM

المشاركة الأصلية كتبت بواسطة tamerosman

عادى جدا الالنترا عربية خفيفة و مش ثابتة بعد 120 ،مش عربية ثبات انا كان عندى موديل 2005 ركبتها خمس سنين كل يوم و على فكرة الشكل القديم اللى كان عندى اثبت من الشكل الحالى

نصيحة متزودش بيها ابدا عن 120 هى مش ثابتة و فراملها مش نمرة واحد

يا جماعة الالنترا مش عربية ثبات و جرى هى عربية اسرية و اقتصادية فى كل حاجة اللى عايز يجرى يركب المانى بس يدفع او يركب مازدا 3 و هيدفع برضه

لا يا باشا انا مش معاك فى حكايه يركب مازدا 3 عشان الجرى بس انا وانا باللانترا بتاعتى كنت بشد مع مازدا 3 على طريق مصر اسكندريه الزراعى و مظبطو مكن و غرز و كل حاجه و معدى منو كماااان مكن و هوه كان بيجرى مش ماشى براحتو يعنى و عديت منو مستريح على 150 بصراحه الالانترا عربيه مكنتها بتاعت جرى و بسبق بيها لانسرات بومه 1600 كمااااااان

**seanmichaels** · 12-01-2011 01:18 PM

الإلانترا ثباتها معقول, لغاية 120, و 130 أو 140 شغال, مش بطال, و لو العربية محملة ممكن لغاية 150 و أكتر كمان, العربية مش خفيفة و في نفس الوقت مش تقيلة أوي, وزنها 1200 كيلو و ده نفس وزن البومة و السيفيك, مع فارق الأيرو داينمكس لصالح السيفيك طبعا, و كمان السيفيك أوطى, الأخ اللي بيقول إن العربية لو محملة بتحك في المطبات, أي عربية لو محملة بتوطى, الدريكسيون بتاع الإلانترا بيتقل من سرعة 70 تقريبا و بيبقى حلو أوي, لكن التوكيل قالي إنه في موديلات 2007 و أول 2008 ماكانش بيتقل, معرفش يا باشا ممكن الدريكسيون بتاعك يكون فيه حاجة, و لما الباور مش بيتقل فعلا بيعطي إحساس عدم الثبات, مثلا الياريس عربية محترمة لكن في ناس بتقول إنها مش ثابتة أوي. لكن الحقيقة الياريس ثباتها مش بطال بس الباور مش بيتقل على السرعات العالية زي الإلانترا. الأخ اللي بيقول إن الإلانترا بتجري من المازدا و اللانسر’ طبعا يا باشا, الإلانترا 121 حصان, البوما تقريبا 100 حصان مش 121 زي ما في ناس في أبو رواس بتقول, و المازدا 107 حصان, الكوري طبعا هو الأسرع