بالطبع الجميع يعرف الهدف من اذاعة مسلسل الجماعة فى هذا الوقت بالتحديد قبل الانتخابات !!!!!!
فهل حقق المراد من اذاعتة فى هذا الوقت
عرض للطباعة
بالطبع الجميع يعرف الهدف من اذاعة مسلسل الجماعة فى هذا الوقت بالتحديد قبل الانتخابات !!!!!!
فهل حقق المراد من اذاعتة فى هذا الوقت
اكييييييييييييييييييييييي ييييييييييييييييييييييييي د
فى ناس كتير المسلسل عامل تأثير جامد فيهم تجاه الاخوان
و لولا انى على درايه كبيره بالاخوان بحكم العيله كنت قولت عليهم زى ما ناس كتير بتقول دلوقتى
أنا على علاقه بناس كتيييييييره من الاخوان وبصراحه 99%منهم نفوسهم مش صافيه وفيها سواد مغلف ببياض(اللى هو التدين الكاذب)وانا شايف ان صورتهم في المسلسل صادقه لحد كبير
المشكله ان الاخوان بيقولولك لا ده المسلسل زاد من تعاطف الناس مع الجماعه!!!طيب لما هو كده يااخواننا زعلانين من وحيد حامد وعايزين توقفو المسلسل ليه؟؟ده اكبر دليل انهم بيرددو كلام الكبار بتوعهم من غير تفكير وعايزينا نلغي عقوقلنا زيهم!!
الجماعة كعمل درامي يعتبر عمل رائع اما بالنسبة لموضوع انه حقق غرضه ولا لأ فبدون الدخول في تفاصيل أيوة المسلسل حقق الغرض منه .
فى الحقيقة انا متفرجتش علية
عشان عارفة من الاول انو هيحرق دمى
مش حتفرق
الطبيعى ان اى صاحب دعوة اخوان كان او غير اخوان بينالوا اذى بسبب دعوته
الديث الشريف بيقولك ايه
عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال
"ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف
وفى روايه لأحمد
أحفظ الله تجده أمامك تعرف إلى الله فى الرخاء يعرفك فى الشده
وأعلم أن النصرمع الصبر وأن الفرج مع الكرب وأن مع العسريسراً
يعملوا بقى مسلسل يعملوا فيلم يطلعوا كل واقفين على راسهم الامر محسوم
النقطة ان المسلسل مش مجرد هجوم على الاخوان ده هجوم على القيم الاسلامية بشكل عام
لازم اللى يتدين يبقى عنده مشاكل نفسية و مكلكع و بتفتف او جاى من بيئة صعبة او فقير
ولازم المحجبة تبقى شغالة شغلانة متواضعة او خدامة و مبتضحكش و بتبص باشمئزاز للناس و عايشة مع خمسين فى اوضه واحدة
تبوهات السينما المصرية عموما يعنى و اللوبى اللى مسيطر عليها اللى عايزين الفحشاء تنتشر بين الناس و الناس تفضل نايمة و مغيبة عشان خاطر مصلحة السلطة الحاكمة
الكويس لازم لازم يبقى متحرر و مراته قاعدة جنبة بالمايوة و الدنيا بيس معاه
و الست الطيبة لازم تبقى متبرجة ولابسيه بادى
انا لقيت ان فى شباب بدا يهتم بالموضوع وان المسلسل لم يحرز المطلوب منهبل على العكس
بصراحه أنا مشفتش المسلسل
بس مقطع اللي قلدوا فيه عمرو خالد كان مستفز أوي
و عموما المسلسلات ليس لها اي مصداقية
ما هو ده الاعلام اللي شغال علينا بقى له سنين و سنين
لما خرب دماغات كتير
تقريبا خرب دماغات الكل بنسب متفاوتة
و الله انا - على العكس - خلال حياتي التقيت ببعضهم , مافيش حد التقيت بيه منهم و انطبق عليه وصفك , على العكس , كل اللي ربنا شاء و التقيت بيه او عرفته كان محترم جدا
كتير اوي بيقولوا كده فعلا و الله اعلم
المسلسل نجح جدا فى الهدف المطلوب منه
انه يعرف الناس حقيقه الاخوان المسلمين
وفعلا بدأت اقرا عنهم وعن مواضيعهم وردودهم
وفعلا ابتديت احس انهم مش وحشين زى ما انا كنت فاكر
بس وحشين علشان الحكومه عاوزه توصلنا كده
شكرا للكاتب والمخرج:rolleyes2:
واجمل جمله عجبتنى جمله ابتسم انت فى امن الدوله
هما الناس دول فاكرينا عايشين فى هونولولو ولا ايه:I_angr1[1]:
انا ماشوفتش منه غير حلقه او اتنين وحسيت انه موجه لهدف معين لكن ده مش كفايه اني احكم عليه
اما الاخوان بالرغم من اختلافي الشخصي مع افكارهم وليس افرادهم فانها كجماعه لهم وعليهم وعند نقضهم لابد ان يكون النقض موضوعي
انا شوفت اول 10 حلقات وبعد كدة قولت لالا كفاية كدب بقا
انا اقصد بالكدب الشاى والقهوة بتوع امن الدوله والمعامله الخمس نجوم
المفروض إن الإخوان المسلمين كنشأه و أهداف..و كل حاجه هم بيسعوا ليها أو سعوا ليها...شيء معروف للناس كلها سواء من كتب التاريخ..أو من مواقع الإنترنت...أو أي وسيله بحث...ولن يغير وحيد حامد بكتابة المسلسل فكرة الإخوان المسلمين..سواء سلبا أو إيجابا..
اللي عايز يعرف معلومات عن حسن البنا...بيعمل سيرش على أي موقع...و بمنتهي البساطه حيحصل على أدق المعلومات...
اللي شافو المسلسل فئتين ! فئه شافته و عارفه او حتدور علي الحقيقه بلسبياتها او ايجابياتها ! و هما دوول المطلوبين ! من ناحيتنا !
و فئه المسلسل أثر فيها , و دوول تقريبا ملهمش لازمه لأنهم لا راحو ولا حيحروحو انتخابات ولا ليهم رأي سياسي ولا ليهم لازمه اساسا !!
فى رأيى فعلا المسلسل حقق عكس المرجو منه والناس اللى مكانتش تعرف الأخوان بدأو يدوروا ويبحثوا ويعرفوا مين هو حسن البنا.
بالرغم من الأخطاء الكتيرة اللى فى المسلسل لكن بغض النظر عن المتحوى الإخراج فعلا رائع.
والمسلسل دا بيفكرنى بالأفلام الأمريكانى اللى لازم يبقا امريكا بتمثل جانب الخير فيه حتى لو امريكا هى اللى رايحة تحتل واى حد تانى بيمثل جانب الشر عشان احتمال فى يوم من الأيام يبقا عنده قوة ما !!!
بالمناسبة وحيد حامد بدأ يكتب فى الجزء التانى من المسلسل
http://www.masrawy.com/News/Arts/Cinema/2010/september/4/wahid_hamed.aspx
اقصد اللي عاوزين "التغيير" عموما و اللي بيدورو علي الحقيقه مش علي اساس اخواني او كدا !
مبدأيا انا مش من الأخوان never was , never will ! علشان تحكم عليهم من طريقتي !
و ياريت حضرتك تنفي كلامي ! روحت انتخبت قبل كدا ؟؟ ناوي حتي ؟؟ طلعت بطاقه انتخابيه ؟؟ , وقعت حتي علي بيان التغيير ؟؟ :-)
مسلسل لوحيد حامد عن الاخوان المسلمين
طبعا مشفتش ولا حلقه
مش هو ده الشخص اللي يكتب مسلسلات عن وقائع حقيقيه
مش هو ده الشخص اللي اقبل بفكره او حكمه علي حد .......
ده مجرد اداه في ايد الحكومه ال ........ لتوصيل صوره معينه عن خصومهم في المعركه
بغض النظر بقا عن الاخوان دلوقتي حالهم ايه......
يا جماعة المفروض إن احنا طبقة مثقفة ويا ريت اللي يقول رأي التاني مش يزعل منه أو يعقب عليه بأي نوع من السخرية، الحاجة التانية أنا ليا وجهة نظر في المسلسلات عموما، يعني مش هي الحاجة اللي أخد منها الحقائق أو أخد منها العبرة والعظة لأنه ببساطة المخرج مش هايعطيك الحقيقة كاملة لازم يكون فيه حبة حاجات مش حقيقية زي مسلسل جمعة الشوال الراجل الحقيقي نفسه قال إن المسلسل ليس فيه من الحقائق سوى 6% فقط. الحاجة التالتة بالنسبة للإخوان المسلمين دول بشر ليهم مزايا وعليهم تحفظات لكن من وجهة نظري إنهم كويسين إلى حد ما بدليل إن ليهم أكتر من 70سنة والحكومة بتحاول تقضي عليهم لكن بالعكس قوتهم بتزاد وده من أكبر الأدلة على صدقهم لأنهم لو منافقين كان ربنا تلفهم من زمان.عامة انا ما شوفتش المسلسل بس كنت باشوف مقاطع الناس كانت بتعلق عليها زي لقطة الخطأ في القرآن بتاع محمود الجندي، وزي تقليد عمرو خالد، بصراحة حاجة منتهي السفالة من المخرج. آسف للتطويل.
يا أخ pro-drive
مبدئيا ايه الاستفادة لما في وسط كلامك تتكلم عن حد ( و لو عن حد غير معين ) بالطريقة دي في حين ان كل جريمته انه تأثر بمسلسل ؟
هل من وجهة نظرك اللي تأثر بمسلسل ده لما يشوفك بتقول كده هايحس انه غلط و هايفكر في موقفه ؟
ولا هايشوف ان فيه حد بيشتمه و هايفترض ان الحد ده اخوان او ايا كان (زي ما حصل كده ) و هايعمق رأيه (اللي من وجهة نظرك غلط ده ) و بالتالي يبقى رد فعلك جاب نتيجة عكسية لهدفك اللي هو المفروض ان الكل يعرف الحق و الصح و يبقى وراه ؟
يا حضرات , الراجل بيقوليعني متبري منهم تماما , ايه الفكرة في الافتراض المباشر ان الراجل ده اخوان ؟اقتباس:
مبدأيا انا مش من الأخوان never was , never will
الجملة اللي هو قالها ممكن تصدر عن واحد حزب وطني و ممكن عن اخوان و ممكن عن واحد ليبرالي او يساري ؟
أظن ان افتراض انه اخوان مش في محله
بالله عليكم جميعا , شخصنة الحوار مش هاتفيد اي حد فينا بالمرة
انا قلت رأيي في الموضوع اللي اتقفل و لكني شايف ان المسلسل مليان أخطاء غبية هيه اللي خلت الناس تكدب المؤلف و تبدأ تسأل عن الاخوان و تقرا عنهم .............
المسلسل خلاني متحيز للاخوان وملياااااااااااان اخطاء
وعجبني اوي الحوار مع وكيل النيابة لما كان بيقولو دول شيوعين انت ليه انضممت ليهم
الراجل رد عليه وقالو اي حاجة ضد الحكومة انا فيها لان الحكومة مادتنيش حاجة
يا جدعان اى حد يصدق النظام بتاعنا يبقى لا مؤاخذة يستاهل يعيش فى حكمه.......النظام بتاعنا واقع اخلاقيا وانسانيا ولا يسوى ربع جنيه مخروم...........دول ناس كل همها الحكم وهيعملوا اى حاجه عشان يفضلوا فيه......والكدب والتزوير مش جداد عليهم.....الى يصدقهم يبقى يستاهل ..........و ربنا يهدى
أنا موقع على بيان التغيير و بالعكس الإخوان بيتحركوا حسب مصلحتهم لأنهم هيشاركوا في الإنتخابات و جبهة التغيير مش هتشارك لإنها عارفه اللي فيها + إن المشاركه إضافه لشرعية الإنتخابات
و صفوت الشريف قالها إنسوا يكون للإخوان 88 مقعد تاني
ياريت تفرقوا بين الإخوان و جبهة التغيير
ايه يا جماعة الموضوع كبر مكنتش متوقع السخونة ده
باختصار الناس الواعية فقدت الثقة تماما فى التصريحات الحكومية والإعلام الحكومى المقروء والمسموع والمرئى
حاجة زى موقف البعض كده من أمريكا
أنا لو عرفت إن أمريكا بتعادى أى جهة أعرف ان الجهة دى صح ، ولو بتأيدها أعرف انها غلط الغلط
هو المسلسل و ضحلي أنا حاجة مهمة
كشفلي من هو وحيد حامد
هو في معلومة أو حقيقة مهمة قد تغيب عن البعض و لها علاقة بالمسلسل و الهدف منه
كل فصائل المسلمين . . . مسلمين
( وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا)(آل عمران: من الآية103)
و بالتالي فالإشكالات بينهم ظاهرية و لا يجب أن تتحول إلي خلافات ، فالمفروض أن الجميع يسعي إلي الله
و ليس لنا إلا الظاهر من القول و الفعل و ليس لنا أن نحكم علي سرائر الناس و نواياهم
عن عبد الله بن عتبة بن مسعود قال : سمعت عمر بن الخطاب رضي الله عنه ، يقول : إن ناساً كانوا يؤخذون بالوحي في عهد رسول الله صلى الله عليه وسلم، وإن الوحي قد انقطع ، وإنما نأخذكم الآن بما ظهر لنا من أعمالكم ، فمن أظهر لنا خيراً ، أمناه وقربناه ، وليس لنا من سريرته شيء ، الله يحاسبه في سريرته ، ومن أظهر لنا سوءاً ، لم نأمنه ، ولم نصدقه وإن قال : إن سريرته حسنة )) رواه البخاري
و قال النبي عليه الصلاة والسلام: ((إنما أقضي بنحو ما أسمع))
و بالتالي لا يحل لمسلم أن يصف غيره بأي وصف سئ بدون دليل فعلي غير مبني علي استنتاج النوايا
و معلومة أخري ، الإخوان المسلمين في مصاف فصائل المسلمين من أكثرها مرونة و هو نقطة خلاف بينهم و بين الفصائل الأخري ألا و هو مقدار المرونة و هدفها
و مع ذلك يشاع أنهم متشددون و يهددون الديمقراطية و الآخر
صدقوني كل الهجوم من أجل كلمة المسلمون
كلنا كمسلمون مأمورون ( وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا)(آل عمران: من الآية103)
فلا نغلب الجدل و المراء ، فلنقول سمعنا و أطعنا و لنعتصم بحبل الله
كل الفصائل التي تندرج تحت راية الإسلام وجب عليها الإعتصام بالله و نبذ الفرقة و ليس لأي مسلم الخيرة من أمره
هذه رسالة لكل إخوتي في الإسلام من سلف و إخوان و شيعه و و و كل من قال لا إله إلا الله و إلا ما تصنع بلا إله إلا الله إذا جاءتك يوم القيامة
اللهم بلغت ، اللهم فاشهد
بصراحة المسلسل حقق الهدف منه و زيادة كمان
أزاي ...
أنا هاتكلم عن نفسي دون الخوض في تفاصيل كتير ...
أولا .. أنا ماكنتش اعرف يعني أيه أخوان و كنت متصور أن هدفهم هو ديني فقط و انها جماعة أسلامية ..
و لكن بعد المسلسل اللي خلاني أقرأ عن الاخوان من مصادر متعددة و أسأل عنهم عرفت حقائق كثير أثبتت لي عكس ما كنت متخيل و عرفت الاتي :
1- الاخوان لسيوا كما يدعون أنهم تنظيم ديني بقدر كونهم تنظيم سياسي يلبس عباءة الدين و هذا في حد ذاته خداع
2- تشابه العمليات العسكرية (أن جاز عليها هذا الوصف) التي نفذها الاخوان مع عمليات العصابات الصهيونية في فلسطين فليس الجهاد هو قتل الابرياء من المدنيين و المسلمين
ثانيا .. الحكومة هي السبب الرئيسي في ميل الناس للأخوان منذ البداية بسبب فسادها و ديكتاتوريتها
ثالثا .. لا الحكومة و لا الاخوان أفضل لصلاح هذا البلد فكلاهما سواء و الحل هو الخلاص منهما معا و بالعربي كده زي مابيقولوا (ربنا بيسلط أبدان علي أبدان)
معلش يمكن رأيي ده مايعجبش ناس كتير و لكن لي أسباب و عندي من المعلومات مابنيت عليها رأيي الذي جعلني أصبح اكثر خوفا و ريبة في أمر الاخوان بقدر كرهي ايضا لحكومة الحزب الوطني و النظام القائم
مع خالص تحياتي
م/ سمير الشهاوي
انا قرات الموضوع متأخرا لاكنى هقول راى بامانه راى مواطن مصرى من ملاين المصرين
اولا
المسلسل مستهدف الاخوان المسلمين مائه بالمائه بدليل لو فى ديمقراطية والاخوان حبوا يردوا بمسلسل من انتاجهم سيتم منع عرضه نهائيا لانه هيكشف وحشية امن الدولة سواء معهم او مع اى شخص لا ينتمى لاخوان واقرب حادثة الشاب خالد سعيد وكيف ينقلب المجنى علية جانى وكيف تسخر وسائل الاعلام والحكومات والدوله كلها ضده
ثانيا
لو انت مواطن عادى جد لا اخوان ولا يحيزنون وحبيت تؤدى فرائض دينك وحبيت تنظف ايدك من الرشوة سواء اعطيتها او اخذتها وحبيت تأخذ حقك كما اعطاه لك الدستور سوف تكون فى هذه الحالة مواطن خارج عن القانون وسف تجد القانون سريعا حكم عليك بالسجن والبهدلة انت واسرتك والعكس صحيح لو انت مظلوم والظالم هو افراد الامن فى بلدك ستجد نفس القانون هو هو سوف يكون بطيئا بطا السلاحفاء يميتك حسره وانت حى
ثالثا
لو قدر لنا وكان عايش بيننا احد الخلفاء الرشدين عليهم رضوان الله كل منا يسأل نفسه ماذا سوف يلاقونهم من الحزب الحاكم هل سوف يؤيدهم ام سوف يحاربوهم انسى الاخوان والمسلسل وجاوبوا على هذا السؤال
رابعا
المسلس عمل رائع جدا لكنه غير مقنع من وجهه نظرى الشخصية للاسباب الاتية
عمل موجه ضد فئه معينه ليظهر جميع سلبياتها وفى نفس الوقت يظهر ايجابيات الطرف الاخر
واليكم السقطات التى وقع فيها المسلسل من وجه نظرى
1 - اظهار الاستاذ عمرو خالد بالاستغلالى وليتهم مثله نقدر نأخذ منهم شىء مفيد للبلد
2 - اظهار مباحث امن الدولة وكانهم محققين من كوكب تانى بيطبطوا على اللى بيحقق معاهم وهذه اشياء لا تدخل عقل طفل صغير انا بقسم بالله العظيم انا اعرف ناس دخلوا مباحث امن الدولة خرجوا متخلفين عقليا من كثرة انواع التعذيب الذين تعرضوا له
3 - الانتشار والتوسع لجميع فئات الشعب خلال فترة نشأه الاخوان المسلمين معقوله كل تلك البشر مضحوك عليهم للدرجه دى منهم المثقفين والبسطاء والازهرين
4 - انتهازين ومنتفعين طيب ماشى تعالوا نحكم بانفسنا ليس على القديم ولكن الحالى ايهم حقق مصالح من هذه البلد الاخوان ام اعضاء مجلس الحزب الوطنى التى نقرا يوميا اعضاء ووزراء متهمين بتهم تخجل لها الانفس والابدان وضياع مقدرات البلد على مدار ثلاثون سنه ماضية ام الاخوان لو احد منهم طفا على السطح يغرقوه ولا تقوم له قومه
5 - دعونا نلقى نظرة عامه على التغيرات الحاليه الدكتور البرادعى اهو مش اخوانى لكن حب يعمل حاجه حب يغير مقولته ان لم تشارك اليوم فلا تشتكى غدا واحنا والحمد لله كل يوم صباحا ومساءا فى العمل فى المنزل بنشتكى سواء من التعليم من التزوير من ضياع ثروات البلد من الغلاء من الامراض التى انتشرت فى السنوات الماضية باكثر من مثيلتها كبد سرطان فشل كلوى وكله بسبب المبيدات المسرطنه والمستوردون اصحاب الضمائر الميته ولو دورت على اصلهم هتجدهم اصحاب الحكم الذين مفروض يخافون علينا ورغم ذلك لا نشارك ولو بالكلمه ونقول موافقين على التغير مش للاخوان للدكتور البرادعى الذى اطلق حملة التغير
6 - كلكم بسم الله مشاء الله مثقفون ادخلوا النت شوفوا صفحه دكتور البرادعى والمؤدين له اليكترونيا كام فرد ستجدهم لا يتعدو 160 الف وانظر لصفحه الاخوان والمؤيدين لحملة التغير لدكتور البرادعى ستجدهم قاربوا على مليون الا ربع وده اكبر دليل على ان المسلسل موجهه ضد الاخوان
واخيرا
انا مش اخوانى ولكنى مسلم اولا مصرى ثانيا عربى ثالثا محتاج اعيش فى بلدى مخفش من الامراض تنهش جسدى سواء انا او اولادى وملكيش اعالجهم
محتاج اعمل فى عمل وقبل ان ابدا اكتب استقالتى حتى عندما صاحب العمل يريد ان يخفض العمالة يخفض بكل سهولة يعنى اكتب عقد العمل والاستقاله فى نفس اليوم
مش عايز اشوف طابور الخريجين عاطل بلا عمل بسبب سياسه عرجاء تحكمنا وجاثمه فوق صدورنا
محتاج اعيش فى مكان نظيف مش مكان الزباله تحوطه من كل مكان ورغم كثرتها لكنى للاسف بدفع ثمن ازالتها شهريا مع فاتورة الانارة شكوتنا اصبحت للداخل وليست للخارج هكذا اصبحنا وتقوللى اخوان
بلد يصارع شبابها للخروج منها ويتعرضون للموت فى عرض البحر من اجل ربع فرصه عمل ولو فى مكان اخر
واخيرا
فى مثل عندنا بيقول الرجل المناسب فى المكان المناسب فليسأل كل منكم هل المثل ده مطبق فى بلدنا ولا لا
لو نعم مكنش ده حالنا واللى وصلنا اليه مش بسبب الاخوان ولكن بسبب العباقرة التى تحكمنا
فاروق الباز - احمد زويل - مجدى يعقوب وغيرهم كثيرون لو وجدوا انفسم فى بلدنا واعطوهم فرصتهم للتغير كانت مصر حاجه تانية وكان فعلا كنا نقول الرجل المناسب فى المكان المناسب فى بلدنا
مسلسل حياتنا وواقعنا الذى نعيشة ونحن ابطال مسلسه اكثر واقعيه من مسلسل الجماعه الذين تتحاورن عليه كلنا نصرخ صرخه مكتومه مملؤه بالالم والحزن والهم نعيشه يوميا بلا فاعلية نترقب المجهول لبلدنا ونحن واقفون صامتون مقيدين فى سواقى مغمضى الاعين حتى لا نحس كثرة الدوار فنقع
الاسلام ليس مجرد عبادات او معاملات فقط و لكن الاسلام منهج شامل منظم لجميع مناحى الحياة : اجتماعية اقتصادية و سياسية فبالتالى الدخول فى السياسة لا يتنافى مع كونهم جماعة دينية لان السياسة جزء من الدين فاين الخداع !
قال تعالى :
( فلا وربك لا يؤمنون حتى يحكموك فيما شجر بينهم ثم لا يجدوا فى أنفسهم حرجا مما قضيت ويسلموا تسليما )
( من لم يحكم بما أنزل الله فأولئك هم الظالمون )
مش عارف قتل الابرياء ده فين ! ياريت الكلام يكون بمعلومات مؤكدهاقتباس:
- تشابه العمليات العسكرية (أن جاز عليها هذا الوصف) التي نفذها الاخوان مع عمليات العصابات الصهيونية في فلسطين فليس الجهاد هو قتل الابرياء من المدنيين و المسلمين
ممكن يكون هو ده السبب فى ميل بعض الناس للاخواناقتباس:
الحكومة هي السبب الرئيسي في ميل الناس للأخوان منذ البداية بسبب فسادها و ديكتاتوريتها
و لكنى حتى لو كانت الحكومة صالحة و ديمقراطية سأميل للاخوان مادامت الحكومة علمانية استبدلت شرع الله بقوانين وضعية و مادام الاخوان يطالبون بتحكيم الشريعة الاسلامية سأويدهم
ده رأيك الشخصى و احترمهاقتباس:
.. لا الحكومة و لا الاخوان أفضل لصلاح هذا البلد فكلاهما سواء و الحل هو الخلاص منهما معا و بالعربي كده زي مابيقولوا (ربنا بيسلط أبدان علي أبدان)
و لكنى اراهم الانسب الان على الساحة للسبب السالف ذكره