-
تجربتى مع سحب سيفيك 2007
السلام عليكم و رحمة الله و بركاته يا هونداويه
انا حبيت بس انقل تجربتى مع عربيتى سيفيك 2007
مع بدايت ايام الحر الشديد لقيت العربيه سحبها بقا وحش اوى و الموتور اخشن و صوتوا على شويه و الجير بقت نقلاته ثقيله و محسوسه اوى و مش عارف ايه السبب
المهم ربنا الهمنى لحاجه كنت عاوز اعملها من زمان بس مكسل , بس لما عملتها اخيراً العربيه بقت وحش حتى مش فاكر امتى اخر مره كانت بتجرى كده و بتجمع سرعات كده
المهم الحل RESET ECU
العربيه بقت حاجه تانيه حتى فى نعومة الموتور و صوتوه
كل الى انا عملتو فكيت ال -ve ترمنل بتاع البطريه و سبتها طول اليل مع انى اظن مش شرط المده الطويله بس عموماً ركبتها الصبح و بقت بجد الطياره بعد ما كانت بطه
بس طبعاً الجير محتاج يتعلم تانى فى مش بيبقا عارف يجيب انهى نقله
ملحوظه : ان انا عربيتى كانت مكتومه كده علشان انا بسوق زى جدو بالظبط براحه اوى و بتنقل على 2000 ر بى ام بالكتير لحد مالموتور اكتم :)
-
خدوا بالكوا ان الكاسيت هيعوز الكود بتاعوه و ده جوا الطبلوه
العربيه مش هتقفل بالريموت فلازم تقفلها بيدك لو هتسبها مده
بعد ماتفصل البطريه دوس على الفرامل لحد ماتبقى زى الحجر علشان تفضى اى شحنه فى الموتور
-
هو الكلام دة فى كل العربيات ولا السيفيك بس ؟
-
اى عربه انجيكشن فيها ECU و بيتعملوا ريسيت عادى جداً
بس طبعاً لو العربيه مكتومه من فلاتر او بوجيهات مش هتفرق و لة عربيه صاحبها علطول سايقها سواقه رياضيه بردو مش هيحس باختلاف
فى بقى حاجه كمان و احد بيسوق بعنف و العربيه بتاكل بنزين و يعمل ريسيت و يسوق زى جدو ال ECU هيشتغل بعد يومين او تلاته على Economy mode و يوفر فى البنزين على حساب الأداء
برضوا واحد راح ركب تعديلات فى الموتور من فلاتر او شكمان لازم يعمل ريسيت علشان الكمبيوتر يقيس من جديد بعد التعديلات ديه.
-
شكرا يا باشا على المعلومه القيمه جزاك الله عنا خيرا و تقبل منكم صالح الأعمال .
-
حلو الحوار ده ربنا يباركلك
-
-
جزاك الله خيرا
لما احس بكده هابقى اجربها
شكرا على المعلومه
-
الحمد لله ان الموضوع عجبكم و يارب ناس كتير تستفاد من الموضوع ده ان شاء الله
(هو مين الى غير عنوان الموضوع بتاعى؟)
-
مبروك الاداء الجديد :)
ومتسوقش كده كتير بعد كده ابقى اكبس شويه متبقاش هادى على طول انت راكب هوندا :))))
Content Relevant URLs by
vBSEO 3.6.0 PL2