هل الكفاءة مبرر لفصلك من العمل

هل الكفاءة مبرر لفصلك من العمل

سؤال حيرنى
بس مكنتش قاعدةة فى الكافيه بتاع soma :colsmil:
ففكرت اطرحه للنقاش واعرف ارائكم

لو انت بتشتغل ومتميز جدا فى شغلك لدرجة انك ممكن تعمل شغلك وشغل غيرك
وانت سعيد وراضى وبدون انتظار شكرأو تقدير
فى المقابل تجد انك تحولت وسط زملاء العمل لشخص مرفوض يتمنون ويطلبون طرده من العمل
مع العلم انك مش فى مجال منافسة معاهم
تعمل ايه
تسيبلهم الشغل وتمشى تحت شعار لا اعمل مع من لا يرغبون فى العمل معى
ام تستمر فى العمل مع اهمالك فى العمل لتتساوى بهم فبتوقفوا عن بغضك
ام تستمر بنفس كفاءتك ضاربا بعرض الحائط مشاعر الكره والرفض ممن حولك
قال رسوال الله ( صلي الله عليه و سلم ) من عمل منكم عملا فليتقنه.
هل هتقدر تكمل شغل وسط ناس انت تعلم علم اليقين رفضهم لوجودك
هل الرجال دائما يبغضون ويرفضون العمل مع النساء
ليه دايما عندهم حساسية شديدة تجاة تفوق المرأة
ليه ممكن مكان يروح منك لانك بنت ولو اخدتى المكان ده
هيحصل تذمر ورفض من باقى زملائك
ليه بنسمع جملة اى رجل ياخد الترقية حتى لو ما يستحقهاش بس بنت لأ حتى لو تستحقها
اكيد ده مش رأى كل الرجال ولا اسلوبهم بس غالبية كبيرة منهم
وكتير مننا قابل الموقف ده فى حياته الشخصية او مع حد من معارفه
السؤال الاساسى

هل الكفاءة ممكن تكون سبب لرفض من حولك
بغض النظر عن كون الانسان الكفء رجل او امرأة

ياريت اعرف آرائكم

رأيى ان مش شرط يكون السبب الوحيد فى الرفض و النفور من الزملاء هو التفوق عليهم او التميز او اختلاف الجنس .. ممكن اوى يكون فى اسباب تانية .. زى الغرور .. التعالى .. اسلوب حاد او هجومى ... فى حاجات كتيرة قوى ممكن تخلى الواحد مكروة من زملاءة و للاسف دايما الحد دة بيشوف اسباب تانية يسقط عليها الموضوع زى مثلا تفوقة عنهم او غيرتهم منة ..
بس بردة كل الكلام دة ميمنعش ان الغيرة ممكن تكون سبب زى ما بتقولى .. بس ببتبقى دايما على نطاق ضيق و صعبة الحدوث لما يكون فى اجماع من مجموعة كبيرة من الناس و الزملاء على رفض الشخص دة .

السلام عليكم
انا ماقدرش اعمم الكلام بتاعك
بس انا بقالى فى مجال شغلى 10 سنين
ما قابلتش كده خالص
جايز عشان مجال شغلى موش مجتمع مهول العدد زى المكاتب الحكومية مثلا
بس الحاجة اللى لاحظتها بس هى طريقة تعامل بعض العمال معايا العامل ممكن يتقبل الشدة من المهندس الراجل (على فكرة المهندسين ممكن يستخدمو الفاظ موش كويسة ) لكن المهندسة الست لو زعقت بس يتقمص وفى حالة الغلط الاكبر

انا عن نفسى شايفة انى كبنت ليا مميزات اكبر بكتير غير النقطة
انا عندى اجازات موش عند الرجالة
لو فيه شفتات بليل الرجالة بياخدوها
كده

مسالة ان اللى بيشتغل كويس بيترمى عليه الشغل ده مالوش علاقة بالجنس راجل ولا ست
اللى ما يعرفش يوقف غيره عند حده ياخد على دماغه


مسالة الصراع الى بتقولى عليها دى بتبان فى حاجة مخوفانى جدا جدا جدا

حاييبقى يوم اسود لما يبقى رئيسى فى الشغل واحدة ست

اقتباس:

---

المشاركة الأصلية كتبت بواسطة ezzatfox

رأيى ان مش شرط يكون السبب الوحيد فى الرفض و النفور من الزملاء هو التفوق عليهم او التميز او اختلاف الجنس .. ممكن اوى يكون فى اسباب تانية .. زى الغرور .. التعالى .. اسلوب حاد او هجومى ... فى حاجات كتيرة قوى ممكن تخلى الواحد مكروة من زملاءة و للاسف دايما الحد دة بيشوف اسباب تانية يسقط عليها الموضوع زى مثلا تفوقة عنهم او غيرتهم منة ..
بس بردة كل الكلام دة ميمنعش ان الغيرة ممكن تكون سبب زى ما بتقولى .. بس ببتبقى دايما على نطاق ضيق و صعبة الحدوث لما يكون فى اجماع من مجموعة كبيرة من الناس و الزملاء على رفض الشخص دة .

---

اكيد طبعا فى اسباب كتير تؤدى لنفس النتيجة
لكن انا بتكلم عن حالة محددة وهى هل الكفاءة ممكن تكون سبب

اى مكان بيكون فيه مجموعه أعداء النجاح..فتميز شخص معين فى مجال معين ...بيبقى بمثابه اعلان عن تقصيرهم واهمالهم فى العمل...

هقول لحضرتك مثل بسيط...

فى فتره من الفترات كنت بشتغل فى مصنع ...وكنت ماسك ورديه ليل ..وجالى واحد عايز يشتغل وبالفعل كنت محتاج حد وشغلته...واول يوم شغل لاقيته ينتج ما تنتجه عامله الورديه الصباحيه ذات الخبره الطويله ومع الوقت معدله بيزيد....

بعد فتره الاستراحه ومدتها ساعه رجع صاحبنا بمعدل ربع السابق...

إستغربت ولما اتكلمت معاه وفهمته ان بالمعدل ده مش هينفع يكمل معانا (طبعا دى مناوره عشان افهم ايه اللى حصل )....رجع لمعدله واحسن.....!!!

لما كلمته تانى مره عرفت اللى حصل....

باقى العمال فهموه انه كده بيتعب نفسه على الفاضى ولو الانتاج زاد عن المعدل اللى بيعملوه هيستغنوا عن حد فيهم لان المصنع مستكفى....وطبعا هيكون هو لانه الجديد...

وبمناوره مماثله لاقيت ان البنات بتوع ورديه الصبح مفهمين الشباب بتوع ورديه بليل انهم لو زودوا عن انتاجهم العادى هنرفد كل البنات وهنقطع ا عيشهم من المصنع....

المقصود هنا ان الصراع مش بين رجل وامرأه فقط...

الاساس صراع كفائه...

ثانيا خوف ..لان تميز أحد الافراد مش بس بيفضح الباقين ..لأ بيكون زريعه للمديرين لتهديد باقى الفريق....

وعلى الجانب الاخر...

الكيميا....

يعنى ممكن تصرف الشخص يدى ايحاء بانه متكبر او متعالى او تصرفاته تدى ايحاء بانه متقرب من المديرين وواصل على حساب نقل اخبار زمايله او اى كلام فاضى من ده...

أكيد فى شخص ولو واحد من المجموعه دى مقرب للشخص صاحب المشكله...ينصحه ازاى يحسن صورته وعلاقته بفريق العمل....

اقتباس:

---

المشاركة الأصلية كتبت بواسطة أشرف فتحى

اى مكان بيكون فيه مجموعه أعداء النجاح..فتميز شخص معين فى مجال معين ...بيبقى بمثابه اعلان عن تقصيرهم واهمالهم فى العمل...

هقول لحضرتك مثل بسيط...

فى فتره من الفترات كنت بشتغل فى مصنع ...وكنت ماسك ورديه ليل ..وجالى واحد عايز يشتغل وبالفعل كنت محتاج حد وشغلته...واول يوم شغل لاقيته ينتج ما تنتجه عامله الورديه الصباحيه ذات الخبره الطويله ومع الوقت معدله بيزيد....

بعد فتره الاستراحه ومدتها ساعه رجع صاحبنا بمعدل ربع السابق...

إستغربت ولما اتكلمت معاه وفهمته ان بالمعدل ده مش هينفع يكمل معانا (طبعا دى مناوره عشان افهم ايه اللى حصل )....رجع لمعدله واحسن.....!!!

لما كلمته تانى مره عرفت اللى حصل....

باقى العمال فهموه انه كده بيتعب نفسه على الفاضى ولو الانتاج زاد عن المعدل اللى بيعملوه هيستغنوا عن حد فيهم لان المصنع مستكفى....وطبعا هيكون هو لانه الجديد...

وبمناوره مماثله لاقيت ان البنات بتوع ورديه الصبح مفهمين الشباب بتوع ورديه بليل انهم لو زودوا عن انتاجهم العادى هنرفد كل البنات وهنقطع ا عيشهم من المصنع....

المقصود هنا ان الصراع مش بين رجل وامرأه فقط...

الاساس صراع كفائه...

ثانيا خوف ..لان تميز أحد الافراد مش بس بيفضح الباقين ..لأ بيكون زريعه للمديرين لتهديد باقى الفريق....

وعلى الجانب الاخر...

الكيميا....

يعنى ممكن تصرف الشخص يدى ايحاء بانه متكبر او متعالى او تصرفاته تدى ايحاء بانه متقرب من المديرين وواصل على حساب نقل اخبار زمايله او اى كلام فاضى من ده...

أكيد فى شخص ولو واحد من المجموعه دى مقرب للشخص صاحب المشكله...ينصحه ازاى يحسن صورته وعلاقته بفريق العمل....

---

احييك على رأيك يا اشرف بجد
الخبرة بتفرق برضه
انا مش بتكلم على موقف محدد
انا بتكلم عالعموم لانى لاحظت موقف زى اللى حصل معاك
شخص يظهر تفوق شديد جدا وفجاة العكس
راحت فين الكفاءة
شرفنى مرورك يا ابو ياسين

انا حاليا فى شغلى بمر بنفس الظروف دى....طبعا مش هسيب شغلى...لان مقتنع ان انا مش مستنى تقدير من الحواليا...انا مستنى تقدير من ربنا...انا بعمل العليا و اكتر فى شغلى مش عشان ارضى مديرى ولا عشان ترقية ولا عشان اسمع نفاق او مجاملات ون حد...انا بعمل كدة عشان طمعان ان ربنا يعوض تعبى دة فى صحتى و فى حياتى...انا مش معاكى فى موضوع الصراع دة....لان حاليا فى مساواة فى العمل بل بالعكس فيه مناصب كتي ناجحة وشاغليها من الاناث...يعنى مفيش صراع...
موضوع الكفاءة بقى دة نابع من الشخص و قتناعه ان العمل عبادة وزى ما ربنا امرنا بالصلاة والصوم والحج...كمان ربنا بيخب ان اذا عمل احدكم عملا فليتقنه....
الموضوع يرجع للشخص...هل هو مهتم بالحواليه اكتر ولا مستنى تقدير من المولى عز وجل...انا حاليا بشتغل مثلا 8 ساعات فى مكان مش مرتاح فيه و الناس الفيه برضه من الناس الانت بتتكلمى عليهم....لكن انا عمرى ما هسيب المكان عشان عبد ربنا عالم بعباده..وعالم بيكى...يعنى عمرك ما هتكونى مجتهدة فى شغلك و ربنا هيتخلى عنك

اقتباس:

---

المشاركة الأصلية كتبت بواسطة baskota

احييك على رأيك يا اشرف بجد
الخبرة بتفرق برضه
انا مش بتكلم على موقف محدد
انا بتكلم عالعموم لانى لاحظت موقف زى اللى حصل معاك
شخص يظهر تفوق شديد جدا وفجاة العكس
راحت فين الكفاءة
شرفنى مرورك يا ابو ياسين

---

يافندم يسعدنى المرور باى موضوع لحضرتك.....

نسيت اضيف حاجه......معلش استحملينى...

أحيانا بيتقلب الوضع لمؤامره.....

بمعنى...

لو الواحد اترقى لمنصب عالى...بمرتب ومميزات أعلى ..وطبعا بسلطات أعلى...هيبدأ الناس تتقربله بشتى الوسائل تجنبا لشره او طمعا فى مميزات اضافيه ماديه او معنويه...

وفى الواقع مع اول مطب او غلطه...

وكما يقول المثل الشعبى اللى بصدقه جدا...مع الفارق فى التشبيه طبعا ..(لما يقع اللى مش عارف ايه بتكتر سكاكينه )...

100 واحد هيكلموا المدير العام وهيلفقوا قصص وحكايات عن مدى اهمال واستهتار الشخص ده وانه مش محل ثقه...

فعذرا لا مجال للثقه فى العمل على الاطلاااااااااااااااق...

واحد صاحبى متعين فى شركه ادويه ....وكان ما شاء الله شعله نشاط وهمه (طبعا ..مش صاحبى!!)

وفضل واحد زميله يزن على دماغه انهم مظلومين وانهم مستقبلهم بيضيع فى الشركه دى وانه مع اول تكه هينفجر ويسيب الشركه.....وفضل يسخن فى صاحبى لغايه ما ساب الشركه مع اول مشكله وقدم استقالته...

أتارى ان مكان رئيس مجموعه العمل هيفضى لانه مسافر السعوديه وصاحبى ده كان الوحيد اللى بينه وبين المنصب ده وطبعا لما مشى بقى هو المرشح الاول للمكان ده وفعلا أخده...

ربنا يكفينا شر اصحاب النفوس المريضه..

انا هقسم الموضوع لجزئين علشان اعرف ارد علي كل واحد علي حدي

اولا بالنسبه للصراعات في الشغل دي هيا كده النفس البشريه و لازم يكون في شويه حقد علي شويه كراهيه للتفوق عادي يعني بس بردوا اضرب بكل دا عرض الحائط طالما انا ماشي صح بغض النظر في كلامي سواء رجل ام امرأه تماما
و عموما دي من احد ضرائب النجاح و هو الحقد و الكره لمجرد انك ناجح في شغلك سواء من الناس اللي في الشغل وصولا اللي بعض الافراد في النطاق الاجنماعي ضعيفي النفوس

الجزء التاني بقي و هو اذا كانت امرأء
في مثلا ساعات تلاقي واحده بتشتغل شغلة رجاله يعني مهندسه استشاريه مثلا في موقع و دي بيبقي من الصعب التفاهم معاها لان بيبقي في نطاق شغلها كم من الرجال و العمال فبتبقي جايه علي اساس انها تطلع عينهم دا مثال و مثال سئ و دول بيبقوا مكروهين من الدنيا كلها و بتاخد معامله مش كويس
لكن في بيبقوا فاهمين كويس و دول بيبقوا مريحين في التعامل و بتبقي جايه فاهم شغلها كويس و بتنفذه و دول قليلين جدا او انا مش باشوفه في نطاق شغلي

الا هو ايه موضوع الكافيه دا :36_1_37[1]:

اقتباس:

---

المشاركة الأصلية كتبت بواسطة remomemo

السلام عليكم
انا ماقدرش اعمم الكلام بتاعك
بس انا بقالى فى مجال شغلى 10 سنين
ما قابلتش كده خالص
جايز عشان مجال شغلى موش مجتمع مهول العدد زى المكاتب الحكومية مثلا
بس الحاجة اللى لاحظتها بس هى طريقة تعامل بعض العمال معايا العامل ممكن يتقبل الشدة من المهندس الراجل (على فكرة المهندسين ممكن يستخدمو الفاظ موش كويسة ) لكن المهندسة الست لو زعقت بس يتقمص وفى حالة الغلط الاكبر

انا عن نفسى شايفة انى كبنت ليا مميزات اكبر بكتير غير النقطة
انا عندى اجازات موش عند الرجالة
لو فيه شفتات بليل الرجالة بياخدوها
كده

مسالة ان اللى بيشتغل كويس بيترمى عليه الشغل ده مالوش علاقة بالجنس راجل ولا ست
اللى ما يعرفش يوقف غيره عند حده ياخد على دماغه


مسالة الصراع الى بتقولى عليها دى بتبان فى حاجة مخوفانى جدا جدا جدا

حاييبقى يوم اسود لما يبقى رئيسى فى الشغل واحدة ست

---

هههههههههههههه الأول حمد الله على سلامتك يا قمر ومنوره المنتدي كنت مفتقداكي جدا :B4_007:
ثانيا رايك صح انا مشكلتي ساعات كتيره مع العمال تلقيهم بيهتموا بالراجل وبينسوا انك موجوده بس ده لازم كده وقفه وتظبيطه وكل شيئ هيبقي تمام ...اما لو رئيستك واحده ست فعلا انا جربت وفهمت الفرق كويس. بس انا رئيسه لبعض زملاء ليا ولما اتنزلت عن المكان لتعبي هما زعلوا وكانوا دايما بيتهموني ان انا استغنيت عنهم فاكيد طبيعه الشخصيه بتتحكم في الأمر ده . واللي اعرفه ان فعلا الكفاءه المفروض هي اللي تثبت نفسها ليه ميبقاش الكفاءه والجهد والتميز هو معيار بغض النظر عن ان الشحصيه بنت ولا ولد..بس اعداء النجاح كتير عن تجربه لزميلتي مسكت وكاله كليه خاصه علشان تميزها وهي صفيره في السن الكل كان مطلع عليها اشعه انها دفعت وكلام من هذا القبيل بس بعد ما عالجت المشاكل وكانت متميزه في اداءها وصارمه في قرراتها والحقوق مرشحه للعماده بتاعه الفرع دلوقتي وانا بشجعها انها تكمل فمن راي انك ولا يهمك وخاليكي على طريقك عارفه انك ممكن تعاني كتير بس يكفيكي انك صح وكفائتك هي اللي بتحدد مكانك في اي مكان ....موضوع جميل يا بسكوتايه وربنا يحغظك :_Alshmokh23[1]:

اقتباس:

---

المشاركة الأصلية كتبت بواسطة walidadel

انا هقسم الموضوع لجزئين علشان اعرف ارد علي كل واحد علي حدي

اولا بالنسبه للصراعات في الشغل دي هيا كده النفس البشريه و لازم يكون في شويه حقد علي شويه كراهيه للتفوق عادي يعني بس بردوا اضرب بكل دا عرض الحائط طالما انا ماشي صح بغض النظر في كلامي سواء رجل ام امرأه تماما
و عموما دي من احد ضرائب النجاح و هو الحقد و الكره لمجرد انك ناجح في شغلك سواء من الناس اللي في الشغل وصولا اللي بعض الافراد في النطاق الاجنماعي ضعيفي النفوس

الجزء التاني بقي و هو اذا كانت امرأء
في مثلا ساعات تلاقي واحده بتشتغل شغلة رجاله يعني مهندسه استشاريه مثلا في موقع و دي بيبقي من الصعب التفاهم معاها لان بيبقي في نطاق شغلها كم من الرجال و العمال فبتبقي جايه علي اساس انها تطلع عينهم دا مثال و مثال سئ و دول بيبقوا مكروهين من الدنيا كلها و بتاخد معامله مش كويس
لكن في بيبقوا فاهمين كويس و دول بيبقوا مريحين في التعامل و بتبقي جايه فاهم شغلها كويس و بتنفذه و دول قليلين جدا او انا مش باشوفه في نطاق شغلي

الا هو ايه موضوع الكافيه دا :36_1_37[1]:

---

هقولك موضوع الكافيه
soma كل يوم تروح تقعد فى كافيه ووتكلم نفسها
وتيجى تعملنا موضوع عن صراع النفس البشرية
ممكن تصاحب نفسك و لا لأ
لو مش انت تحب تكون مين
وهكذا
شكرا طبعا على مرورك ورأيك احترمه والكفاءة بقيت مشكلة فعلا

اقتباس:

---

المشاركة الأصلية كتبت بواسطة أشرف فتحى

يافندم يسعدنى المرور باى موضوع لحضرتك.....

نسيت اضيف حاجه......معلش استحملينى...

أحيانا بيتقلب الوضع لمؤامره.....

بمعنى...

لو الواحد اترقى لمنصب عالى...بمرتب ومميزات أعلى ..وطبعا بسلطات أعلى...هيبدأ الناس تتقربله بشتى الوسائل تجنبا لشره او طمعا فى مميزات اضافيه ماديه او معنويه...

وفى الواقع مع اول مطب او غلطه...

وكما يقول المثل الشعبى اللى بصدقه جدا...مع الفارق فى التشبيه طبعا ..(لما يقع اللى مش عارف ايه بتكتر سكاكينه )...

100 واحد هيكلموا المدير العام وهيلفقوا قصص وحكايات عن مدى اهمال واستهتار الشخص ده وانه مش محل ثقه...

فعذرا لا مجال للثقه فى العمل على الاطلاااااااااااااااق...

واحد صاحبى متعين فى شركه ادويه ....وكان ما شاء الله شعله نشاط وهمه (طبعا ..مش صاحبى!!)

وفضل واحد زميله يزن على دماغه انهم مظلومين وانهم مستقبلهم بيضيع فى الشركه دى وانه مع اول تكه هينفجر ويسيب الشركه.....وفضل يسخن فى صاحبى لغايه ما ساب الشركه مع اول مشكله وقدم استقالته...

أتارى ان مكان رئيس مجموعه العمل هيفضى لانه مسافر السعوديه وصاحبى ده كان الوحيد اللى بينه وبين المنصب ده وطبعا لما مشى بقى هو المرشح الاول للمكان ده وفعلا أخده...

ربنا يكفينا شر اصحاب النفوس المريضه..

---

انت تطول براحتك
ده انت عندك خبرة بكل مؤامرات العمل
مش عاوزاك تسيب قصة من دى من غير ما تحكيهالنا
عشان ناخد خبرة ومانقعش فى المؤامرات دى
محدش ضامن الظروف :E_braces[1]:

اقتباس:

---

المشاركة الأصلية كتبت بواسطة rodya113

هههههههههههههه الأول حمد الله على سلامتك يا قمر ومنوره المنتدي كنت مفتقداكي جدا :b4_007:
ثانيا رايك صح انا مشكلتي ساعات كتيره مع العمال تلقيهم بيهتموا بالراجل وبينسوا انك موجوده بس ده لازم كده وقفه وتظبيطه وكل شيئ هيبقي تمام ...اما لو رئيستك واحده ست فعلا انا جربت وفهمت الفرق كويس. بس انا رئيسه لبعض زملاء ليا ولما اتنزلت عن المكان لتعبي هما زعلوا وكانوا دايما بيتهموني ان انا استغنيت عنهم فاكيد طبيعه الشخصيه بتتحكم في الأمر ده . واللي اعرفه ان فعلا الكفاءه المفروض هي اللي تثبت نفسها ليه ميبقاش الكفاءه والجهد والتميز هو معيار بغض النظر عن ان الشحصيه بنت ولا ولد..بس اعداء النجاح كتير عن تجربه لزميلتي مسكت وكاله كليه خاصه علشان تميزها وهي صفيره في السن الكل كان مطلع عليها اشعه انها دفعت وكلام من هذا القبيل بس بعد ما عالجت المشاكل وكانت متميزه في اداءها وصارمه في قرراتها والحقوق مرشحه للعماده بتاعه الفرع دلوقتي وانا بشجعها انها تكمل فمن راي انك ولا يهمك وخاليكي على طريقك عارفه انك ممكن تعاني كتير بس يكفيكي انك صح وكفائتك هي اللي بتحدد مكانك في اي مكان ....موضوع جميل يا بسكوتايه وربنا يحغظك :_alshmokh23[1]:

---

شكرا على الترحيب الله يخليكى كلك ذوق والله

ومسالة رئيسى واحدة ست انا فى كليتى كل الرؤساء كانو رجالة عشان كده متخوفة جدا من الستات لان تعاملى معاهم مايطمش الا من رحم ربى
خاصة انى انا نفسى رخمة اساسا مع اللى تحتى ههههههههههههههههه موش اوى انا بهزر

اقتباس:

---

المشاركة الأصلية كتبت بواسطة BASKOTA

هقولك موضوع الكافيه
soma كل يوم تروح تقعد فى كافيه ووتكلم نفسها
وتيجى تعملنا موضوع عن صراع النفس البشرية
ممكن تصاحب نفسك و لا لأ
لو مش انت تحب تكون مين
وهكذا
شكرا طبعا على مرورك ورأيك احترمه والكفاءة بقيت مشكلة فعلا

---

ااااااااااااااااااااااااا ااااااااه انا بردوا شوفت المواضيع دي بس مكنتش بعرف ارد عليها لاني مش بفهم فين السؤال :F_eyeb1[1]:

و شكرا للتوضيييييح

ايوة الكفاءة ممكن تكون سبب لفصلك من العمل لسبب بسيط جدا . الناس اللي مش شايفها شغلها ومريحة بدءت تظهر فكله بدء يشغل دماغه في التامر والاسافين اللي تطلع الانسان الكفء عكس كدة. وده في كل مكان وفي كل مجال لان النفوس البشرية بقت مريضة وبتحارب بعضها.

http://www.nilemotors.net/Nile/47209...post3873009744

اقتباس:

---

المشاركة الأصلية كتبت بواسطة أشرف فتحى

http://www.nilemotors.net/nile/47209...post3873009744

---

رديت هناك

ربنا يبارك لاخوك

اقتباس:

---

هل الكفاءة مبرر لفصلك من العمل

---

فى هذا الزمن

نعم
ايوه
اينعم

لا هو لما حد يضايقنى فى الشغل أمشى .. صعبة
لو انا كفء فى شغلى و اللى حواليا مضايقين منى بس الشركة فيها عدل بين الموظفين مش هيهمنى حاجة طالما باخد حقى من الشركة و مرتبى كويس
اصلا لو الشغل كتير مش هلاقى وقت للأجتماعيات ده مضايق منك و ده بيقول عليك كذا...
بالنسبة لموضوع الرجال اللى بيغيروا من تفوق النساء...ردة الفعل دي مش متعلقة بالنوع دي متعلقة بالأخلاق. و الرجل اللى بيفكر كده ابسط شيء طب هو ليه ميحاولش يتفوق على غيره اللى بيتعب طالما حاسس بالغيرة؟
فزي ما فى رجال عقلهم صغير بيغيروا لو واحدة متفوقة عليهم فى الشغل...فى نساء برضه عقلهم صغير مجرد ما يحسوا انهم متفوقات بتلاقى نبرة استعلاء و غرور كأنها شمتانة فى الرجال اللى اتفوقت عليهم و بقوا فى نظرها كائنات أقل شأنا. موضوع توازن نفسي مش موضوع نوع

حضرتك ذكرتى حاجة مهمة جدا فى الموضع وهى (لو انت بتشتغل ومتميز جدا فى شغلك لدرجة انك ممكن تعمل شغلك وشغل غيرك )
المشكلة ممكن تكون فى كلمتين (شغل غيرك ) لان فى الحالة ديه هيعتقد البعض أنك بتحاولى تاخدى مكانهم عشان ترقى من نفسك على حسابهم فى حين ان كل اللى يهمك هو القيام بعملك على اكمل وجه

اقتباس:

---

المشاركة الأصلية كتبت بواسطة ahmedelshahawy

حضرتك ذكرتى حاجة مهمة جدا فى الموضع وهى (لو انت بتشتغل ومتميز جدا فى شغلك لدرجة انك ممكن تعمل شغلك وشغل غيرك )
المشكلة ممكن تكون فى كلمتين (شغل غيرك ) لان فى الحالة ديه هيعتقد البعض أنك بتحاولى تاخدى مكانهم عشان ترقى من نفسك على حسابهم فى حين ان كل اللى يهمك هو القيام بعملك على اكمل وجه

---

حضرتك انا اشتغت فى فترة فى مكان له عدة انشطة مختلفة
واشتغلت فى كل مكان فيه والمكان اللى كان يحصل فيه عجز كنت اخلص شغلى واروح اكمل الشغل اللى ناقص
الناس كانت مبسوطة جدا سواء اصحاب العمل او الناس اللى بتشتغل معايا
لدرجة ان كل شخص يفكر ياخد اجازة كان يقولى ممكن تغطى شغلى
وعلاقتى بيهم كانت كويسة جدا لان الناس كانت نفوسهم حلوة
كمان انا قولت ان مفيش مجال للمنافسة
لان انا لو شغالة محاسبة مثلا مش هاخد ترقية مدير التسويق
لان طبيعة عملى مختلفة تماما عن طبيعة عمله
شرفنى مرورك

اولا بحييكى يا بسكوتة على طرحك للموضوعات المفيدة واللى بيطلع منها اراء ونقاشات هادفة
ونتمنى باقى الموضوعات تكون على هذا المنوال

انا حرد عليكى فى اول جزء

ممكن ليه لا اشتغل فى مكان انتج فيه من نابع ضميرى ومن نابع حبى وانتمائى للمكان اللى بشتغل فيه
ماليش دعوة باى شخص كاره لنفسه وللحياة ,
واكيد الانسان الناجح حيقابل غيره كتير من حواليه , ولو انتبه لاى انسان بيحقد عليه وبيغير منه وبيكرهه وحطيته فى دماغه يبقا كفائته حتقل وانتاجه حيقل , وعمره ما حيقدم
واقدر اعيش وسطيهم عادى ,

اما نقطة التقدير ان مفيش تقدير من رؤساكك فى العمل وكل اللى حواليكى , احيانا بياثر , بس عن نفسى اتعودت انى مستناش حاجة من حد ولا كلمة تقدير , لانى بشتغل فى جهات حكومية , وانتى عارفة ان ده صعب انه بيحصل
, واحيانا بيكون الواحد عنده افكار كتيرة لحاجات كويسة ويجوا يكبتوكى ويكسروا طموحك
وعشان كدا الانسان المصرى اللى عنده قدرات وابداعات بيتقدر بره مصر كويس , ولو بكلمة شكر وده بيعطيله دافع للانتاج اكتر
ولكن عن نفسى انا بعمل اللى عليه فى شغلى واكتر عشان دينى وعشان ضميرى والحمد لله

وبخصوص ان يكون معاك زمايل فى الشغل بنات

بحب عادى جدا يكون معايا زمايل بنات فى شغل , واذا كان هما فى يوم من الايام كان مرؤسين عليه عادى جدا , ولا حزعل ولا اى حاجة , وكتير فى بنات عندهم كفاءات فى العمل اكبر منى ومفيش مشكلة , ولا تزعلنى ابدا
لان ربنا خلق لكل واحد فينا قدرات , بالعكس انا مزعلش من النقطة دى
واهو انتى يا بسكوتة, عندك قدرات وملكات كتابية رائعة وافكار رائعة فى طرح المواضيع افضل من بعض الناس , اللى منهم شباب
وبالعكس الواحد بيكون سعيد بافكارك وارائك دى
اللى متاكد لو انت فى مكان ادارى فى اى شركة واتحطيتى فى اى منصب حتبدعى صح

فى النهاية مفيش حاجة اسمها رجل وست , ومفيش حاجة اسمها ريس وريسة

بس الحاجة الوحيدة اللى نلغى منها الستات هى سواقة العربيات ههههههههههههههههههههههه

عشان انا طهقة من سواقة الستاتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتت

ومرة تانية موضوع مميز كعادتك يا بسكوتة
ولكى منى كل التحية والتقدير

انا اشتغلت في مكان مديرة المكتب معرفة صاحب الشركة لا تفقه شيء في شيء لدرجة انها عشان تعرف البرينتر بتجيب ناس مخصوص لكدة من شركة كمبيوتر ولو عايزين يعملوا شير بين كمبيوتر المدير وكمبيوتر فلان لازم حد من مكتب كمبيوتر
لما اشتغلت والله بحسن نية قولت لها سبيلي الحاجات دي انا اعملها وبالتالي المدير بقه يستعين بيا انا عشان اي مشكلة وهي حست انه عرف اني اميز منها وكان منبهر بشغلي
بس والله انا كنت بتعامل بحسن نية عشان الشغل يمشي مش نأجل الحاجات التافهة دي في انتظار مهندسين الكمبيوتر
ده غير الاتعاب المبالغ فيها اللي كانوا بيطلبوها
جات قدام صاحب المكان وقدام المدير وبتقولي عندنا شغل كتير وعايزاني اقعد 12 ساعة متواصلة وانا رفضت وصمتت امشي في ميعادي لاني عارفة ان الشغل عايز ساعة زيادة فوق ال 8 ساعات وكان في زميل برة ورجع وهو يقدر يكمل الساعة دي والمدير مكنش رافض اني امشي
ومن بعدها يا اوختشي مرحعتش الشغل بعد ماضربت الاسفين المحترم لصاحب المكان :36_1_1[1]:

اقتباس:

---

المشاركة الأصلية كتبت بواسطة BASKOTA

اكيد طبعا فى اسباب كتير تؤدى لنفس النتيجة
لكن انا بتكلم عن حالة محددة وهى هل الكفاءة ممكن تكون سبب

---

اكيد طبعا انا لامس المشكله دى بنفسى كان عندى مديره الشغل عندى انسه وكانت ممشيه المصنع زى الساعه ف غيابى وف وجودى
وكانت مكروهه جدا من العمال الرجاله وكانوا بيغيرو منها جدااا
عشان انا كنت مديها صلاحيات كتير بناءا على كفاءتها
ولما اتجوزت وسابت الشغل
تعبت جدااا وملقتش بديل ليها من الاساتذه اللى كانوا عايزين ياخدوا مكانها
:36_7_4[1]::36_7_4[1]::beatdeadhorse5:

شفت فى فيلم أجنبى راجل رفد واحدة عشان متفوقة أوى فى الشغل و هيضطر يديها علاوة و يزود المرتب ... و هو كان عايز يوفر

هههه