الموضوع: حكايات البشر

فينك يا دكتورة من زمان

لعل المانع خير ...

كل سنة وحضرتك طيبة :)

فين باقى الحكايات يا دكتورة

تخيلو من زمان وانا بدخل المنتدى واول مره اشوف الموضوع ده بس بصراحه خرافه فعلا حكايات البشر
تسلم اديكو على الحكيات اللى اتكتبت وخصوصا صاحبه الموضوع الدكتوره مسلمه

حمدا لله على السلامه يا دكتوره.....رمضان كريم..

حضرتك المحرك الرئيسى للموضوع ده وبدون مشاركاتك الموضوع بيموت...

منتظرين حكايه جديده من حكايات البشر...

ومنتظر السمك والجمبرى اللى شوفته فى الصور بس

الله يسامحك يا دكتورة
انا لسة شايف الموضوع امبارح
ما سبتهوش الا الساعة 8 الصبح
اسلوبك مميز بيدل على شخصية ذات ثقافة عالية
وتربية راقية
ربنا يزيدك من فضلة

السلام عليكم و رحمة الله و بركاته

جزاكم الله خيرا على هذه الحفاوة التى لا أستحقها

مش زعلانة و لا حاجة يا بسكوتة بس ممكن تقولى كدة كان عندى حالة من الزهق العام

ربنا يسهل و أكتبلكم حكاية جديدة من حكايات البشر فى القريب العاجل

جزاكم الله خيرا مرة أخرى

دخلت مناقشه مع الأخت العزيزه بسكوته فى موضوع هنا على المنتدى ولما جيت اكتب المشاركه دى افتكرت موضوع العزيزه دكتوره مسلمه وقلت المشاركه دى تنفع تكون حكايه من حكايات البشر..لغايه ما الدكتوره تكتبلنا حكايه جديده ..إسمحولى اكتب انا الحكايه دى..

إن الله لا يضيع اجر من أحسن عملا..

للأسف انا طبيعه عملى تنافسيه جدا جدا جدا...فده بيخلينى ابقى زى ما بيقولوا عينيا فى وسط راسى...

لاننا وإن كنا فريق عمل...لكن أصحاب الشركه عندنا وضعوا نظام يضمن لهم الوصول بنا الى اعلى نقطه فى التشغيل من خلال نظام البونص....اى ارتباط الدخل بنقاط النهايه للمشاريع...

مما أدى الى اننا نتسابق فى انهاء العمل وبصوره مرضيه للوصول الى اعلى دخل ممكن فى نهايه الشهر..وكذلك الحرص على التمييز فى الاداء من حيث السرعه والجوده لضمان توكيل المهمه التاليه .....

ما سبق ادى الى وجود جو من التحفز بين الزملاء ووجود بعض اصحاب النفوس الضعيفه كما جرت العاده يؤدى الى وجود عداوات وتهم باطله وتوصيل صوره غير حقيقيه للرئيس المباشر...


نفس النظام متبع فى شركه أخويا لانه فى نفس المجال..


لكن ومع كل ذلك....

إن الله لا يضيع اجر من أحسن عملا..

فعلى الرغم من وجود مشاحنات بينه وبين رئيسه المباشر لأنه بيعمل فى صمت ولا يتقرب من مديره باى طريقه وتارك الملعب مفتوحا للزملاء بدس سمومهم لتعكير العلاقه بينه وبين رئيسه...

إلا انه فوجئ يوما بمديره المباشر يستدعيه فى مكتبه....

خير اللهم اجعله خير....

ليجد ميل ارسله صاحب العمل متعجبا....خاص بأخى...

فكما جرت العاده ..يتم ارسال التقرير اليومى للعمل الذى تم لصاحب الشركه على الميل ليتابع العمل من امريكا...

فاصحاب العمل دائما يروا منظومه العمل بما يطلق عليه الاخوه الهندسيون منظور عين الطائر...

ليلاحظ ملحوظه لم تخطر على بال اى من أفراد فريق العمل...

أن جميع افراد الفريق يتراوح معدل الاداء لديهم ما بين 12 الى 15 مشروع فى الشهر....وهى فى الغالب عمليات خاصه بكبار العملاء وتتميز ببونص او مكافاءه عاليه...

بينما معدل الاداء لدى اخى 72 عمليه فى نفس الشهر وكلهم لعميل واحد لا يغطى تكاليف العمل الفعليه مما يعنى 6 اضعاف العمل لباقى افراد الفريق وبدون اى حافز....

فارسل صاحب العمل ايميل مستفسرا عن سبب هذه القسوه او الظلم لهذا الفرد تحديدا...وطلب عقد اجتماع مع هذا الفريق فور نزوله القاهره...

فما كان من المدير المباشر لأخى ان طلب منه ألا يذكره بسوء امام صاحب الشركه...بل وتغيرت المعامله تماما من اضطهاد وقسوه الى طلباتك اوامر يا فندم....

وعند اجتماع صاحب العمل بفريق العمل فوجئ أخى بكون مديره المباشر ليدفع عن نفسه تهمه الظلم فى توزيع العمل بان قام بالقاء التهمه على باقى افراد الفريق معللا ذلك برفضهم فبول القيام بالعمليات الخاصه بهذا العميل كونها لا تدر اى دخل او مردود مادى او معنوى ..

فما كان من صاحب العمل الا ان ضاعف المكافئه الخاصه بالعمليات التى قام بها اخى لتصبح ذات دخل موازى لعمليات كبار العملاء كتعويض له عن الظلم الذى وقع عليه...

كما انه اتضح امام الجميع مدى احترام وتقدير صاحب العمل لهذا الشخص...