الموضوع: مساعدة بخصوص الأريال الكهرباء

المشاركة الأصلية كتبت بواسطة محمد الشامي

اهو عشان متنساهوش دي يبقا الافضل يعمله تبع الكاسيت :-) خاصه وان معظم الاجهزه دلوقتي فيها وصله جاهزه لكهربة الاريال

شوف اقولك كل حاجة ميزة و عيب فى نفس الوقت . يعنى اية . انت حتى لو نسيتة هتشوفة و انت طالع من العربية فى المقابل لو انت بتسمع كاسيت و مش عاوز الايريال و ماشى فى حتة زحمة 90% الايريال هيتقطم من تلويش الناس يبقى الافضل يبقى ملموم يا اما بلاها كاسيت و بلاها راديو لغاية ما تطلع من الزحمة و فى الغالب مش هتسمع ولا تشغل حاجة خالص لان الزحمة متوفرة عندنا

المشاركة الأصلية كتبت بواسطة محمد الشامي

والله هي فعلا رغبه شخصيه في المقام الاول وحسب الاحتياج والظروف , وانا واحد من الناس عندي الاريال مكسور من 4 شهور ومجبتش واحد غيره لغايه دلوقتي ولا بقيت اسمع سي ديز حتى من الدوشه اللي احنا عايشينها والحمد لله :-)

بس بصراحه انا رأيي ان الصح بتاع العربيه ان الاريال يشتغل مع الكاسيت , ويوم ما الواحد يدخل في زحمه يبقا يطفي الكاسيت عشان الاريال ميتكسرش :-))

فى فكرة جت على بالى دلوقت عشان لا انا و لا انت و لا صاحب الموضوع يزعل . اية الفكرة . ممكن الكهربائى يعمل الشغل على ابوة يعنى الشغل الاصلى بتاع العربية يطلع لما تشغل الجهاز و ينزل لما تطفى بس ممكن يعمل مفتاح صغير سواء مفتاح شد و لا مفتاح تكة مش فارقة المهم فايدة المفتاح انك لو حبيت تلغى طلوع الايريال تستعمل المفتاح دا . يعنى مثلا لو مفتاح شد لما تشد المفتاح يبقى شغال مع الكاسيت يطلع و ينزل مع الفتح و القفل . و لما يكون المفتاح جوة بدون شد يبقى الايريال ملغى سواء فاتح و لا قافل الراديو . بصراحة انا هعملها لنفسى بس بعد العيد لانى فعلا بكون خايف من تلطيش الناس و بكون اصلا مشغل اسطوانة مش الراديو . شكرا لصاحب الموضوع عشان خلانى فكرت فى الفكرة دى و ربنا ما يكسر لحد ايريال قولوا امين

ماشى ارد عليك . انا اصلى فصصت دايرة العربية على قدى يعنى و فهمت معظم الحاجات شغالة ازاى . اشرحلك يا سيدى . الايريال الاصلى عندى الفرد الواصلة فية هى 1- كهربا مباشر 2- كهربا من الكاسيت 3- ارضى

طريقة عمل التورتة اسف الايريال كالتالى : لما سعادتك بتفتح الكاسيت فردة الايريال اللى فى الكاسيت بطلع كهربا تروح فين ؟ قول معايا هتروح للاريال .

لما سعادتك بتطفى الكاسيت يعنى قطعت الكهربا اللى رايحة للاريال يجى دور فردة الكهربا المباشر و دى فردة مباشر ملهاش دعوة لا بالكونتاكت و لا ال acc اللى هو وضع الراديو لية ؟ قول معايا لانك ممكن تقفل الكونتاكت خالص و تسوجر الدركسيون و مع ذلك تلاقى الايريال لسة بينزل

الفكرة بتاعتى انى هعمل مفتاح لقطع الكهربا عن الايريال يعنى دا امر لنزول الايريال اكنك طفيت الكاسيت و هو لسة شغال اصلا فمفيش مجال انك تنساة . بالعكس انت ممكن تنسى لما تحب تسمع راديو انك تفتح الزرار عشان الايريال يطلع بس دى بسيطة هتمد ايدك بس تشد الزر . و كان الله بالسر عليم . ارجو تكون الصورة وضحت و اعتقد لو انا لسة فاكر صح السلك الازرق هو اللى من الكاسيت و طبعا الاسود ارضى و المباشر تقريبا بمبة مش فاكر اوى بس باينة من الفيشة لو حبيت تتاكد هتلاقى 3 فرد مش فردتين و المفروض الكهربائى برضة يعمل 3 فرد