الموضوع: مساعدة بخصوص الأريال الكهرباء

المشاركة الأصلية كتبت بواسطة karimfahmy99

فى فكرة جت على بالى دلوقت عشان لا انا و لا انت و لا صاحب الموضوع يزعل . اية الفكرة . ممكن الكهربائى يعمل الشغل على ابوة يعنى الشغل الاصلى بتاع العربية يطلع لما تشغل الجهاز و ينزل لما تطفى بس ممكن يعمل مفتاح صغير سواء مفتاح شد و لا مفتاح تكة مش فارقة المهم فايدة المفتاح انك لو حبيت تلغى طلوع الايريال تستعمل المفتاح دا . يعنى مثلا لو مفتاح شد لما تشد المفتاح يبقى شغال مع الكاسيت يطلع و ينزل مع الفتح و القفل . و لما يكون المفتاح جوة بدون شد يبقى الايريال ملغى سواء فاتح و لا قافل الراديو . بصراحة انا هعملها لنفسى بس بعد العيد لانى فعلا بكون خايف من تلطيش الناس و بكون اصلا مشغل اسطوانة مش الراديو . شكرا لصاحب الموضوع عشان خلانى فكرت فى الفكرة دى و ربنا ما يكسر لحد ايريال قولوا امين

آآآمين :-)

الفكره جميله بس هتخلي الواحد يحتار احيانا :-) لان لو الواحد مشغل الراديو والاريال طالع عادي و والواحد نسي و قفل الزرار على الوضع ده فالاريال هيفضل طالع حتى بعد تبطيل العربيه !!!!! وفي الحاله دي اما انك هتشوفه وتدور العربيه تاني وتنزل الاريال , او انك مش هتاخد بالك وهيجي نفس الواد اللي بيكسر الاريال كل مره ويكسره تاني :-))) ههههه زي نفس الاتوبيس السياحي الفاخر بتاع مسرحيه الزعيم :-))))

ده مجرد رأي , وعشان كده عايزين نوفر الغلبه على نفسنا :-)