الف الف الف مبروووووووووووووووووووووو وووووووووووووووووووك يا استاذ احمد
مبروك على سياره زوجتك ربنا يكرمك وتجيب لها بى ام بعد ما تدشدش 127
يعتمد بئه مين اللى علمها السسسواقه !!!!
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
الحمد لله اشتريت سيارة 127 موديل 85 عشان زوجتي تتعلم عليها وتبهدلها وتدشدشها وتقرف بيها خلق الله لغاية ما تتعلم
وآهي برضة سيارة تانية بالنسبة لي عشان ما ابهدلش السيارة الجديدة ...اللي لسة ما رخصتهاش
العربية دي سواقتها لذيذة جدا .. صغيرة الحجم وبسيطة جدا الرؤية فيها ممتازة سواء من الامام او الخلف والواحد ماشي بيها مش خايف من اي حاجة .. اللي خايف علي عربية يوسع
ربنا يسهلها الامور وتتعلم بقي خليها تخف عني المشاوير اللي مالهاش لازمة
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
الف الف الف مبروووووووووووووووووووووو وووووووووووووووووووك يا استاذ احمد
مبروك على سياره زوجتك ربنا يكرمك وتجيب لها بى ام بعد ما تدشدش 127
يعتمد بئه مين اللى علمها السسسواقه !!!!
رقم العضوية : 2504
تاريخ التسجيل : 08Oct2007
المشاركات : 1,704
النوع : ذكر
الاقامة : gesr el swis
السيارة: la yogad
السيارة[2]: la yogad
الحالة :
الف مبروك يا استاذ احمد لك و لزوجتك .. و ربنا يملهالكو بركة ..
بص يا استاذ احمد و ركز كويس و خلي زوجتك تقرأ الكلام ده ..
ده .. تست درايف سبعاوي للعربية ال 127 .. اقراه كويس ..و تستفيد جدا جداجداال127 حبيبة الشباب الكادح
العربية ال127 دى بالذات بأه حكايتها حكايه ، اول مرةفى حياتى اشوف عربية بتمشى من جوة بس ، يعنى وانت راكب جواها تحس انها ماشية وطايرةوجايبة 140 ،لكن كل الناس اللى برة شايفة العربية واقفة ومستغربة من الحركاتالعجيبة اللى الشاب الروش اللى راكبها عمال يعملها على الديريكسيونوالدبرياجلو بدأنا بنظرة للعربية من برة هنلاحظ ان شكلها كويس اوى فى ماعدا حاجة واحدة غريبة أوى، العجلتين اللى ورا داخلين لجوة أوى و موجودين فى نصالعربية ، يعنى الرفرف بتاع العربية فاااااااااااضى، وفيه حته رجل معزة كدة نازلةمنه من عند آخره من جوةتبتدى نحاول نركب العربية ، وده هستلزم بعضالمجهودات ، اسهلها طبعا فتح الباب لأن ابواب موديلات فيات القديمة دى طيعة جدا،بتفتح لو سندت عليها، وبتفتح فى اى مطب، وبتفتح لو شخطت فيها جامد، هى مشكلةالأبواب الحقيقية دى هى القفل وليس الفتحالمهم، بعد ما شخطنا فى الباب وفتحهنحتاج نتعامل مع الكرسى ، نرجعه لورا على الأخر ونلزقه فى الكنبة الخلفية وبعدينأروح مقرفص ولامم رجليا بين دراعاتى وانزلق الى داخل العربية، قد يستلزم الأمرمحهود من احد الأصدقاء يدينى زقه الى داخل العربية، وقد يكفى انى ادهن كاوتش الباببالصابون واتزفلط على جوة العربية بالدفع الذاتىالحمد لله استقرينا علىكرسى العربية،بس إيه الللى بيلعب فى دماغى دا، اه دا السقف، سقف ال127 متواضع جداولا يحب الإستعلاء، بينزل لمستوى دماغ اى حد يركب العربية، واى عربية 127 تبص علىسقفها تلاقى فيه علامة سودة فوق كل كرسى مطرح راس اللى بيركب العربية(ماهى غلطتهم،مبيغسلوش راسهم ليه قبل ما ينزلوا من البيت)
نحاول بأة نقفل الباب، طب ودهينقفل إزاى دة، مافيش مكان خالص ادى عزم لدراعى علشان يشد الباب، إستعنا على الشقابالله، انتقل بحرك اكروباتية الى الكرسى اليمين، اشد الباب (بحزم وبدون ان اتركهعندما يقترب من الكالون) انجح فى فقله بعد المحاولة الثالثةارجع تانى للكرسى الشمال (ولو انها مش هاتفرق كتير، العربية دى ممكن تسوقها من الكرسى اليمين او الشمالبمنتهى البساطة)
ندور بأه العربية، إيه الكونشرتو اللى انا سامعة ده، فىالبداية تدخل آلات النفح (وح وح وح وح وح) ده المارش، فى وصلة تستمر لمده 10 ثوانىبدون تدخل آيه آلات موسيقية أخرى، وبعدين وح وح وح وح وح وح، برضه مافيش حاجة تانى،وبعدين وح وح وح وح وح والتالتة تابتة تلاقى الآلات النحاسية دخلت معاها تقول هس هسهس هس وبعدين آلات النفخ تقول ورةورةورةورةورةورة، وبعدين آلات النقر تقول كلنجكلنج كلنج لحد ما يستقر صوت الموتور، فينك يا عمار يا شريعى تغوص فى بحر نغمات هذاالمحرك الطروبسخنت العربية والمسائل بقت 10 /10 ، نطلع بقى بالعربية،الحاجة المثيرة هنا ان الدبرياج خااااااافيييييييييييييييي ييييف، اخف من دواسةالبنزين، نديها الأولانى، وهنلاقى حاجة بتقول معانا عااااش، متشغلوش بالكو، داالفتيس بيعض بس، طب هو ليه بيعض هو مكلش لحمة، لأ يا سيدى واكل لحمة ومبسوط بسالمرة الجاية قبل ما تديله الأولانى إبقى إدى التانى الأول وانت اقف وبعدينالاولانى، وهى لعمرى طريقة فذة فى قيادة السيارات لم تمر على شخصى المتواضع قبلكدة، نسيت اقول لكم ،ان صديقى صاحب السيارة ،الجالس على الكرسى الأيمن نصه تقريباقاعد على حجرى، أه يا لئيييم، انا ديلوقتى بس فهمت انت ليه اصريت انك تجيب عربية 127 اول ما خطبت.....المهم : ابتديت اشيل رجلى من علىالدبرياج، وطلعت العربية، العربية دى بتفكرنى بلاعبات التنس الأسبانيات، اللى كل مايضربوا الكورة صريخهم يصحى الأموات فى المقبرة اللى جنب الملعب، برضه العربية دىبتعتبر ان جزء من كرامتها انها كل ما تعمل حاجة لازم تعمل لها صوت مميز، يعنىالعربية وهى طالعة راحت قايلة الأول "كلانج" فبصيت لصاحبى مستغرب: مين كلانج دى،قاللى كلانج إيه، قلتله الصوت للى طلع دا؟ قاللى صوت إيه ؟ انا مسمعتش حاجة، رحتموقف العربية تانى وطالع بيها، راحت قايلة "كلانج" تانية، قاللى آآه قصدك ده؟ ياراجل خضيتنى دى صلايب عمود الكوبلن، وبعدين انت هاتقرفنى ليه تسوق وانت ساكت ، قلتهحاضر، المهم بعد الكلانج وفى أول لنقلة الأولى اسمع صوت الموتور بيقولوررررررررررررررحححححح، انا قلت فى عقل بالى اكيد دا صوت تفنيس الفسنباخ وانا اللىبس مش فاهم فميش داعى أسأل صديقى الفخور بسيارته حفظا لكرامتى،الشهادة للهالعربية بتجرى( او ان هذا هو احساسى وانا راكب العربية، لأن لما بشوفها من برهالوضع بيكون مختلف)، اول تانى تالت رابع والعداد بيقول 80 والدنيا زىالفلإمعانا من صديقى العزيز فى إثبات كفاءة سيارته راح مشغل الكاسيت اللىحاططله صب ووفر مش عارف كام مليون واط ومعليه، وألاقيلك يا عم حاجات غريبة جدابتحصل فى العربية، مع كل بوم تش من الكاسيت الاقى فرش السقف بيطلع لفوق وينزل، فرشالببان بيدخل ويخرج، قزاز العربية كله بيلعب مع المزيكا والشنطة بتفتح لبرة شويةوتقفلدى طلعت مش بس عربة بتعزف سمفونيات محركية، لا دى كمان بترقص معالمزيكةالمهم انا قعد ازعق بعلو حسى أقول له "إ..ف..خر...بد..." هو طبعا مشسامعنى فزعق بعلو حسة يوقللى، "بتقول إييييييييييه" انا رديت عليه اقول له "إط....لمخ....ده" قاللى مش ساااااااااااااااااممع ، راح طافى الكاسيت وقاللى بتقولإيه مش سامعك، قلته : كنت بقوللك إطفى المخروب دهالمهم وصلت لسرعة 90 وهنابدأ المحرك يقول وغغغغغغغغغغغغغغغغغغغ، غوووووووووووووووو، ويييييييييييييييييغ،وووووووووغ ، الشهادة لله الموتور لسة بيجيب معايا، لكن صوته بقى غريب أوى ، عند ال 100 بقى الموتور بيقول ياااااااااااااغغغغغغغغغغغ غغغ، وهنا بدأت العربية تتصرف تصرفيفطس من الضحك، بدأت تتنطط،رغم ان الطريق انا شايفه مستوى لكن العربية عمالة تطلعوتنزل، يا ماما انتى فاهمة غلط انتى لا زلت بأربع عجلات، لسة مافيش جناحين، اعقلى،انا وصلت لحد 120لمدة ثانية ورحت شايل رجلى لأان المرحلة القادمة كانت ان الآنسةتقلع بينا فى رحلة جوية قصيرة تنتهى فى وش اول شجرة او عمود نوريقابلنا،المهم، قابلنا مطب صناعى، فرملت قبليه، العربية وانا بفرمل قررتمنها لنفسها كدة ان هذة هو الوقت المناسب للإنحراف يمينا، فلقيتها جايبة الشارع مناقصى الشمال لأقصى اليمين، انا كنت لحقتها بالديريكسون علشان اوازن تصرفاتهاالفرملية الغريبة دى، وهنا وقبل ان ابعثر كرمتى فى سؤال لصديقى عما لا أعرف منتكنولوجيا هذة السيارة، وفر عليا المهانة، وقال لى، هى بتحدف يمين مع الفرامل، انامن يوم ما جبتها وهى كدةطلعنا يا عم المطب الصناعى، واسمع العربية بتقولالحجات دى بالترتيب: تراك، زييييييييييييق،فسسسسس،ججج جججغغغغغغ، زييييييييق، بوم،فسسسسسسسس ، وهاترك تفسير الأصوات دى ليكم ولمعلوماتكم الصوتعفشجيةجرينابالعربية تانى لحد 100 ، وبعدين لقينا عربية تانية قدامنا ماشية على الشمال،قمت قلتاخد منها غرزة، ورحت مدى الديريكسيون شعرة يمين، وألاقيلك يا عم حجة بتقولايييييييييييييييييييييييي يييييييء، زيييييييييء، والعربية شغالة رقص بلدى من وراونصها الورانى عمال يروح يمين وشمال، طلعت كل خبراتى فى انى الم العربية لحد ماربنا كرمنى ووقفت على جانب الطريق ورحت موقف العربية، وطلعت حتة الصابونة اللى كانتفى جيبى ودهنت كاوتش الباب ورحت متزفلط على برة، إستلزم هذا دفعة شلوتية من صديقىصاحب السيارة ليحررنى من إطار الباب الذى اطبق على جسدى، ورحت قاعد على جنب الطريقوفتحت فى العياط،صاحبى قاللى مالك بس، قلتله من بين دموعى لا ولا حاجة،قاللى قصدك يعنى علشان العربية بتعوم، طب مهو كل ال127 وبعدين لعلمك ان العربية دىبالذات آمان جدا عن باقى ال127، لعلمك انى اما من ساعة ما جبتها من سنتين متقلبتشبيها غير 3 مرات بس..................!!!!!!
مفيش داعى احكيلكم ايه اللى حصلبعد كدة علشان ماتاخدوش عنى فكرة وحشة
__________________
مع تحيات سبعاوى
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
انا قرأت الموضوع وليه تعليق عليه كمان وبرغم ذلك برضة اشتريت 127 بالعند في زوجتي
وكل ما اركب العربية افتكر سبعاوي وكلامة واسلوبه اللي مالوش مثيل واضحك ... وزوجتي تستغرب انا باضحك ليه
اعتقد انها لو قرأت الكلام دة .. بدل ما تعمل عيش بلحمه عشان العربية ح تعمل شريك وتطلع القرافة من كتر الغيظ
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 3867
تاريخ التسجيل : 27Dec2007
المشاركات : 1,904
النوع : ذكر
الاقامة : عين الشمس
السيارة: N/A
السيارة[2]: N/A
دراجة بخارية: N/A
الحالة :
بارك الله لك فيها
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف مبرووووووووووووووك
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 4001
تاريخ التسجيل : 07Jan2008
المشاركات : 2,074
الحالة :
الف مبروك ..بس شكلها كدة لما تستلم نمر الاوبترا ..انت اللى هاتركب ال 127 هههههه :d:d:d
رقم العضوية : 1980
تاريخ التسجيل : 31Aug2007
المشاركات : 1,084
النوع : ذكر
الاقامة : Alex
السيارة: لايوجد
السيارة[2]: FIAT 127
دراجة بخارية: لا يوجد
الحالة :
الف مبروك يا باشا ...... بس قلنا انت اشترتها علي كام ؟ و حالتها عاملة ايه ؟ معلش اصل اخوك بيدور علي عربية فيورا و عاوز اعرف ايه اخبار الاسعار
رقم العضوية : 57
تاريخ التسجيل : 18Apr2007
المشاركات : 19,002
النوع : ذكر
الاقامة : مدينة نصر
السيارة: هيونداي فيرنا
السيارة[2]: هيونداي فيرنا
دراجة بخارية: -
الحالة :
الف مبروك على العربية ربنا يبارك لكما فيها.
لأي استفسار أو شكوى بخصوص الإدارة والإشراف والدعم الفني، يرجى المراسلة على:
المفضلات