ايوه يا صحبى
ما ده ترتيبى يعنى لو مكانان هيدونى نفس الخبرة بس فيه فرق مادي مجزى فى احدهما فاكيد هاختر الخبرة و الفلوس و ممكن السفر كمان يبقى قبل الفلوس
عرض للطباعة
أتفق معاك بخصوص الشغل فى المريخ طالما المرتب كويس ممكن اتنازل عن القرب من البيت و العيلة لأن مينفعش ابقى فرحان قاعد جنب بيتى و مفيش عائد لازم يكون دخلى كويس خصوصا ان اللى على قد حاله هنا مبيخدش الخدمات الطبيعية اللى من حق كل واحد (بهدلة مواصلات لو معهوش عربية - مستشفيات تعبانة - تعليم وحش لأولاده و هكذا)
انما لما يبقي الخبرة قصاد مرتب و استقرار عائلى؟؟! :U_thin1[1]: أنا أصلا برضه عملت كام خناقة جامدة مع العيلة على نفس الموضوع لحد ما قررت أرضيهم و كان كلامهم ان طالما المقابل المادي قليل يبقى ملهاش لازمة البهدلة حتى لو مفيش خبرة.
فعلا الفرص اللى قلتها دي تخلى الواحد يتحسر بس ما أخطأك لم يكن ليصيبك :Oc_sun1[1]: و اكيد فى خير جاي
انا عن خبرة بسيطة معظم الشركات ذات الاسم الرنان مرتباتها ومزايها اقل
و هتبقى مكسب فقط لو روحت لحاجة اعلى منها
انا شغال فى شركة ذات اسم كبير محتكرة لصناعة استراتيجية و بمرتب قليل شوية لو رحت انترفيو فى اى حتة اول سوال بيتسال لى عاوز تسيبها ليه ؟؟؟ و نظرات استغراب
شوف من الأخر أعمل اللى تقدر عليه فى ظل الظروف المحيطة بك و ما تحملش نفسك فوق طاقتها لأن دوام الحال من المحال
و لو النهاردة متاح لك عمل بأجر عالى و خبرة قليلة حاول تستفيد من الدخل العالى فى تكوين مستقبلك و استغلال الظروف الاخرى زى الخبرة الادارية و تنمية العلاقات العامة
أما لو ظروفك اتاحتلك عمل حتكسب منه خبرة استفيد منها و نمى قدراتك و الفلوس حتيجى بعد كدا بس يا ريت ما تكونش فترة طويلة تضييع فيها حاجات تانية لان حياتنا مش خبرة و عمل وبس و دائما العقل فى التفكير والرب فى التدبير
بس اتعلم من الصينين استغلال الفرص المتاحة
كلامهم مظبوط جدا مينفعش الواحد يتغرب ويتبهدل عشان الخبره بس خصوصا لو كنت تقدر تكتسب خبره مع نفسك زي مثلا مجال الكمبيوتر والبرمجه
زمان كنت بقول مستحيل اروح اشتغل في IT Departement مثلا لان ده مش هيديني اي خبره لكن في ظل الظروف الحاليه لو لقيت حاجه كده بره ومرتب جامد بصراحه هروح كام سنه وابقي ارجع ادور علي الخبره
عارف اللي قاهرني ايه في موضوع كندا؟؟
ان كان اقل حاجه هخدها 100 دولار في الساعه لان الشخص اللي كنت هدخل مكانه كان بياخد اكتر من كده بكتيير وده اللي كان بياخده من شركته اللي بعتاه يعني الشركه اللي كنت هشتغل فيها تقريبا كنت بتدي الشركه التانيه دي حاجه فوق ال 200 دولار في الساعه بكتيييييييييير وانا الحمد لله كنت احسن من اللي موجود كتيير لدرجه اني خلصت شغل شهرين في يوم والناس كانت موهومه مع ان ده الطيبعي هنا
اصل لناس هناك كانت مرحرحه علي الاخر
حاجة بستغربلها برضه ...فى ناس كتير بتجري على شركات البترول الحكومية...دي بقى فلوس بس خبرة مش أوي - حضرت مرة مع موظفين مكتبيين و شغلهم كان عادي و مش كتير و عندهم فراغ بس مبسوطين- ...الشغل مش كتير للدرجة بالمقارنة لمجالات تانية زي الأي تى أو التطبيقات الصناعية. ساعات بسأل نفسى ازاي متكيفين على وضع (Money - zero experience)
انا كان رأيى زمان زي حضرتك بس الأراء حواليا بأن ( ده تفكير مثالى فى منظومة شغل غير مثالى - الكلام ده بره مش فى مصر - اشتري دماغك - الغلاء و ارتفاع الأسعار ميسمحش بالمخاطرة بخبرة ممكن تجيب فلوس و ممكن لأ فى زمن الوسايط ده) و تلاقى فعلا الأولويات بتتختلف زي ما هى مختلفة حتى بين الأعضاء :)
لان النترفيو فى مصر مايهمش انت مرتاح فى الشركة ولا لا...ما يهموش انت مرتاح نفسيا...المترب مش مكفى...وراك التزامات...حاجات كتير جدا
انا بقالى 8 سنين بشتغل...اشتغلت خلالهم فى 6 شركات ذات شأن فى المجال البحرى...كانت افضلهم بالنسبالى اقلهم مرتب و كنت مرتاح فيها....لحد ما قررت ان اسيب البحر و فكرت اتجه للشركات الملاحية او هيئات الاشراف...الوضع اختلف لان بقى المرتب كويس لكن مفيش راحة نفسية
من الاخر صعب تحقق كل البتتمناه فى مكان واحد....الحلو ما يكملش يا زعيم :120146b
+1111111111
فعلا راى سليم وحاولت تطبيقة...وفشلت والحمد لله فى تحقيقه :36_1_1[1]: